یێن پشتا ڕژیمێ سه‌کنین د جیهانێ دا ته‌نێ پەیەدە بوو
تێموورێ خه‌لیل د به‌رسڤا پرسێن ڕۆژه‌ڤاکورد دا دبێژه: ده‌ما ڕێخستنه‌ک هه‌ول دده د ناڤێ ڕێخستنا وی دا گۆتنێن کورد و کوردستان نەبن، ده‌ما بریار دابە ناڤێ کوردستانێ ژ مه‌ژیێ مله‌تێ مه ده‌رخه و ل دەوسا ڕۆژاڤایێ کوردستانێ دبێژه باکورێ سوریێ، وێ ده‌مێ ناڤێ ڤێ کرنێ خایینیتی یه.
رۆژنامەڤان و نڤیسكار تێموورێ خەلێل د ھەڤپەیڤینەكا خوە دا دگەل مالپەرا رۆژەڤا كورد بەحسا رەوشا رۆژاڤایێ كوردستانێ دكە ودبێژە كوھەر رێخستنەكا وەكە پەیەدێ گوتنا كورد و كوردستان د ناڤا خوەدا بكارنەئینە و لێبخەبتە .ناڤێ كوردستانێ ژ مەژیێ كوردان درخینە، ئەو یەك خیانەت تێ حساب كرن
تێموورێ خەلیل دبێژە كوئەمەریكا ئالیكاریا پەیەدێ دكە داكو پەیەدە دۆستانیێ رێژما سوریێ نەكە و ژ پەكەكێ دوور كەڤە:
– هێزێن ئه‌مه‌ریکی ب خورتی ئالیکارییا پەیەدێ دکرن، ب شه‌رتێ کو ئه‌و دۆستانییا ڕێژیمێ نه‌که و خوه په‌رچه‌کی پکک نه‌بینه. لێ پەیەدە ب زانه‌بوون هم پشتگریا خوه یا ب ده‌ستهلاتێ ڕا به‌رده‌وام کر، هم ژی ڕۆژا کو ئالیکاری ژ ئه‌مه‌ریکییان دسته‌ند، ڕۆژا دنێ ب وێنه‌یێ ئاپۆ و ئالایا ئاپۆچییان ده‌ردکه‌ته کۆلانێن باژارێن ڕۆژاڤایێ کوردستانێ. هلبه‌ت، د ڕه‌وشه‌که وەها دا ڕۆژه‌ک ژ ڕۆژان ئه‌مه‌ریکی وێ ده‌ست ژ پشتگرییا کوردان بکشینن، به‌لکی ئێدی کشاندبن ژی.
د بەرسڤا پرسەكێ دا كو، ئه‌نەکەسە ژ ده‌ستپێکا شۆره‌شا سوری ڤه، ب ئۆپۆزسیۆنا سوری ڕه یه و ب وێ ڕه په‌یامه‌ک ژی ئیمزه کریه. پەیەدە/ته‌ڤده‌م ژی ژ ده‌ستپێکێ ڤه و هه‌تا نها ب ڕه‌ژمێ ڕه یه. ل گۆر وه ژ ڤان هێزان چ تێ خوه‌ستن؟ خەلیل دبێژە:
– ئێدی ئه‌شکه‌ره یه، کو ئه‌نەكەسە بۆ به‌رژه‌وه‌ندییێن کوردێن ڕۆژاڤایێ کوردستانێ کار دکه و ب هه‌لوه‌ستا خوه ئا دژی ده‌ستهلاتێ ئه‌ڤ یه‌ک ئیزبات کرییه.
تشته‌ک ئه‌شکه‌ره یه، کو هه‌ما د ده‌ستپێکا شۆره‌شا سووری دا ل سالا 2011ێ، ده‌ما عه‌ره‌ب ڕابوون دژی ده‌ستهلاتا وه‌لاتێ خوه، ل سووری یێن پشتا ڕێژیمێ سه‌کنین د جهانێ دا ته‌نێ پەیەدە بوو. ئانگۆ، ڕێخستنه‌ک ئا کوردی یه، ڕێخستنا دن ژی ئاپۆیی یه، کو هه‌تا ئیرۆ خێره‌ک بۆ کوردان نه‌کرییه.
– کورد به‌ری هه‌ر تشتی گه‌ره‌کێ د ناڤ خوه دا خایینان ببینن و ژ مله‌ت ڕا ئیزبات بکن، کو ئه‌ڤانا کێ نه و وه د کو دا دبن. ده‌ما ڕێخستنه‌ک هه‌ول دده د ناڤێ ڕێخستنا وی دا گۆتنێن کورد و کوردستان تونه‌بن، ده‌ما بریار کرییه ناڤێ کوردستانێ ژ مه‌ژوویێ مله‌تێ مه ده‌رخه و ده‌وسا ڕۆژاڤایێ کوردستانێ دبێژه باکورێ سوورییێ، وێ ده‌مێ ناڤێ ڤێ کرنێ خایینیتی یه. و که‌سێن خایین ژ دژمنان گه‌له‌ک خرابترن!
تێموورێ خەلیل دبێژە كو پەیەدە ده‌ما ئێزدییێن شه‌نگالا کوردستانێ دبن بۆ ڕزگارکرنا ڕه‌ققایا عه‌ره‌بان، یان ژ بۆ کوشتنێ یه، یان ژی ژ بۆ پێکانینا داخوه‌زێن داگیرکارێن کوردستانێ یه
