یەكرێزی ل رۆژاڤا قەوارەیەك سیاسی ب دەست دخە
نڤیسین: نوری حاجو
ئه‌ڤە ده‌مه‌که کو مه‌رجێن یه‌کرێزیا ته‌ڤگه‌را کورد ل ڕۆژاڤا په‌یدا بوویه. جارا پێشیێ یه کو به‌رژوه‌ندیێن هێزێن ناڤنه‌ته‌وه‌یی و یێن کوردێن ڕۆژاڤا ھەڤدگرن.
ئه‌زموونا سیاسی یا کو ڕۆژاڤا تێره ده‌رباس بوو باش ئاشكەرە بوو کو ئه‌ڤ ئیداره دبن ده‌ستهه‌لتیا کادرێن پارتیا كاركەرێن كوردستانێ (پەکەكە) دا تووشی گه‌له‌ک ئاسته‌نگان هاتیه ، نه‌مومکنه کو تورکیه ڤێ ئیدارێ ل سه‌ر سینۆرێن خوه قه‌بوول بکه.
د سالا ۲۰۱۳ێ دا پرۆژه‌یه‌ک ژ بۆ چاره‌سه‌ریه‌کا سیاسی بۆ پرسگرێکا کورد ل باکورێ كوردستانێ هات ئاماده‌کرن. چوونا سه‌رۆک مەسعوود بارزانی ژی ژ بۆ ڤێ ئارمانجێ بوو. پرۆژه ئه‌و بوو کو پەکەکە د ناڤخوەیا ترکیێ دا چه‌ک ده‌ینه و ده‌ست ب خه‌باتا سیاسی و ده‌مۆکراتیک بکه. لێ هێزێن تاری ژ هه‌ردو ئالیان ئه‌ڤ پرۆژه تێکبرن. نوها گه‌لۆ پەکەکە دخوازه ڤێ پرۆژێ ل ڕۆژاڤا ب جھ بکه..؟ ئه‌گه‌ر بخوازه ژی لێ نه سه‌رکه‌فتی یه.
ھەر جارا کو ته‌ڤگه‌را کورد گاڤێن به‌ر ب گوهه‌رتنێن ئه‌رێنی ڤه ئاڤێتیه، ڕاستی پرۆڤه‌کاسیۆن و ئاسته‌نگیان هاتیه. د ڤێ ده‌ما کو گوفتگۆیێن ناڤبه‌را ئەنجومەنا نشتمانیا كورد ل سوریێ (ئه‌نەکەسە) و پارتیا یەكێتیا دەمۆكراتیك (پەیەدە) ده ب ئالیکارییا ئەمریکا گاڤێن گرنگ ژ بۆ یه‌کرێزیا ته‌ڤگه‌را کورد ل ڕۆژاڤا پێک تینه ، ئه‌م دبینن کو مه‌دیا سه‌ر ب پەکەکێ ڤه نووچه‌یێن پرۆڤاکاتیڤ به‌لاڤ دکه.
نموونه گه‌له‌کن ئه‌گه‌ر ئه‌م هنده‌کێ ل دیرۆکا ڤان پرۆڤه‌کاسیۆنا بنێرن. ژ ده‌ما ئۆزال و تا نها ب ده‌هان پلان و له‌یستکێن ده‌وله‌تا ترک و هه‌ڤکارێن وێ دبینین. ئه‌م زوو ژبیر دکن.
ژ ڕۆژا دامه‌زراندنا پەکەکێ و تا نها ئه‌م گرێدانه‌که نه‌هێنی و تاری د ناڤبەرا ده‌وله‌تا کوور یا ترک و هندەك ئالیێن تاری و خوه‌دی ده‌ستهه‌لات د ناڤ پەکەکێ دا دبینن.
ب ڤان کریاران یه‌کرێزیا مالا کورد نه مومکونه . لێ چ دبه بلا ببه ئه‌نەکەسە دڤێ بێ ڕاوه‌ستان ژ بۆ یه‌کرێزیێ هه‌موو هێزا خوه ژ بۆ ڤێ ئارمانجێ بکار بینه ژبه‌ر کو یه‌کرێزیا ته‌ڤگه‌را کورد ل کوردستانا سووری دێ ستاتوسه‌کێ/قەوارەیەكی بۆ ڕۆژاڤا بده‌ست بخه.
