سیاسی

یەكێتی دبن گڤاشتنێن تركیێ دا دوو ئەندامێن خوە جەزا دكە

یه‌کێتیا نشتیمانیا کوردستانێ (ینک) د بن زخت و گڤاشتنێن ترکیێ ده‌ بریار دایه‌ دوو ئه‌ندامێن سه‌رکردایه‌تیا خوه‌ جه‌زا بکه‌. وان هه‌ر دو ئه‌ندامێن (ینک) به‌شداری د کۆنگره‌یه‌ ب ناڤێ کۆنگره‌یا نه‌ته‌ویا کوردستانێ (کنک) ده‌ کربوو و د وێ کۆنگره‌یێ ده‌ گۆتاره‌ک پێشکه‌ش کربوو.

کۆنگره‌یا نه‌ته‌ویا کوردستانێ (كنك) کو ژ ئالیێ پارتیا کارکه‌رێن کوردستانێ (پکک) ڤە هاتیه‌ دامه‌زراندن و کار و چالاکیێن خوه‌ د ب بن کۆنترۆلا (پکک)ێ ده‌ ئه‌نجام دڤه‌، ل ڕۆژێن 26-28 ئۆکتۆبه‌را بۆری ل هۆله‌ندایێ ھاتبوو ساز کرن و هه‌ر دو ئه‌ندامێن سه‌رکردایه‌تیا ینک، ئارێز عه‌بدولا و بلێسه‌ جه‌بار فه‌رمان د وێ کۆنگره‌یێ ده‌ به‌شدار بوون.

ل گۆر زانیاریێن گه‌هشتینا مالپه‌را مه‌، به‌رگه‌ھ، حکومه‌تا ترکیه‌یێ داخواز ژ (ینک)ێ کریه‌ هه‌لوه‌ستا خوه‌ ل هه‌مبه‌ر (پکک)ێ و کا چما نوونه‌رێن وێ به‌شداری د کۆنگره‌یا (کنک) ده‌ کریه‌، هه‌لوه‌ستا خوه‌ زه‌لال بکن.

گلی و گازندێن حکومه‌تا ترکیێ د جڤینا بۆری یا مەكتەب سیاسیا (ینک)ێ ده‌ هاتنە گۆتووبێژ کرن و ل گۆر زانیاریێن سپی مه‌دیا، د جڤین دێ بریار هاتیه‌ دن کو وان هه‌ر دو ئه‌ندامێن سه‌رکردایه‌تیا (ینک)، ئارێز ئه‌بدولا و بلێسه‌ جه‌بار فه‌رمان، جه‌زا بکن.

هنده‌کا چاڤکانیێن شاره‌زا د کارووبارێن ینکێ ده‌ ددن خویاکرن کو (ینک) ب پراکتیکی وان هه‌ر دوو ئه‌ندامێن خوه‌ جه‌زا ناکه‌ ب ته‌نێ ژ بۆ ڕازیکرنا به‌رپرسێن ترکیێ وێ ئیدیعایێ دکن.

Back to top button