سیاسی

یەكێتی شەرتێن تركیێ قەبوول دكە

ئە ڤه‌ ده‌مه‌که‌ هنده‌ک جڤین و هه‌ڤدیتنێن ناڤبه‌را یەكێتیا نشتمانیا كوردستانێ (ینک) ێ و ترکیێ ده‌ به‌رده‌وامن، ئەڤ جڤینێن ناڤبەرا ھەردوو ئالیان ب دزی و دوور ژ راگەھاندنێ تێن كرن. د ڤان جڤینان دە ترکیێ دخوازه‌ ینک ده‌ڤه‌را کو ئەو تێدا ده‌ستهلاتدارە چالاکیێن پارتیا كاركەرێن كوردستانێ (پکک)ێ قه‌ده‌خه‌ بکه‌. پشتی گه‌له‌ک هه‌ڤدیتنا، نھا ئەنجامێن وان جڤینان ھێدی ھێدی ئاشكرا دبن و یه‌کتیا نشتمانیا کوردستانێ (ینک)، ژ بۆنا ڕازیکرنا ترکیێ بریاردایە چالاکیێن (پکک) ێ ل ده‌ڤه‌را کو د بن باندۆرا وێ دایە، قه‌ده‌خه‌ بكە.

گه‌لەك جاران (ینک)ێ هه‌ولدایه‌ تێكەلیێن خوە ب ئه‌نقه‌ره‌یێ رە خوەش بكە، لێ تركیێ ھەردەم ژێ رە گۆتیە كو دڤێ ئەو چالاكیێن پككێ لدەڤارا خوە قەدەخە بكە.

ژ ئالیه‌کی ڤه‌ ینکێ دخوه‌ست ترکیه‌ ڕازی بکه‌ و ژ ئالیه‌ک دن ڤه‌ پێوه‌ندیێن ستراتیژی د گه‌ل (پکک)ێ ڕێڤه‌ دبرن. هه‌تا ڕاده‌یه‌کی به‌رپرسه‌ک یێ (ینک)ێ د هه‌ڤدیتنه‌کا د گه‌ل وه‌زرێ ده‌رڤه‌ یێ ترکیێ ده‌ گۆتبوو کو، بریارا (ینک)ێ که‌تیه‌ د ده‌ستێ پککێ ده‌. ئه‌نقه‌ره‌ هنده‌ک مه‌رج دانانه‌ پێشیا ینکێ ، ئیرۆ ده‌خوه‌یێ ینکێ وان مه‌رجان قەبوول دكە و بجھ دئینە.

ینکێ د جڤینێن نەھێنی دا سۆز دایه‌ ترکیێ کو مه‌رجێن وان بجھ بینە. ژ بۆ ڤێ یه‌کێ جیگرێ سه‌رۆکێ حکومه‌تێ و کورێ مام جه‌لال، قوباد تاله‌بانی، بریار دایه‌ کو ڤێجا پارتی و ده‌زگه‌هێن نێزیکی پککێ ل ده‌ڤه‌را سلێمانیێ و جهێن وه‌ک ده‌ڤه‌را که‌سک تێ حه‌سباندن، بێن گرتن و چالاکیێن وان ژی بێن قه‌ده‌خه‌کرن.

یه‌ک ژ وان پارتیێن سیاسی یێن کو بێ مۆهله‌ت ل سلێمانیێ و ده‌ڤه‌را که‌سک کار دکه‌، ته‌ڤگه‌را ئازادی یه‌ کو تێ گۆتن باسکێ پککێ یێ باشوورێ کوردستانێ یه‌.

كۆرێ جەلال تالەبانی بریارا قەدەكرنا چالاكیێن پكك و پارتی و رێخستنێن سەر ب وێ ڤە قەدەخە دكە، لێ كی دێ ڤێ بریارێ بخە وارێ پراكتیكێ، دناڤا ینك ێ دە گەلەك باسك و گرۆپ ھەنە و ھەریەك ژوان ئاوازەكێ دخوینە و بسەرێ خوە بریارا ددە.

Back to top button