سەرۆكێ ھەرێما كوردستانێ نێچیرڤان بارزانی کو یه‌که‌م سه‌رکرده بوو ل سه‌ر ئاستا هه‌رێما کوردستانێ و ئیراقێ ده‌نگ دا د داخویانیەكێ دا گۆت كو پشتی ھلبژارتنێ ئەو دێ دگەل ھەموو ئالیێن سیاسیێن ھەرێما كوردستانێ كۆم ببە كا ب چ ئاوایێ پشكداریێ د حكومەتا نوو یا ئیراقێ دا بكن.
نێچیرڤان بارزانی ئیرۆ (2021.10.10) ده‌مژمێر 07:00 ده‌نگ دا و داخواز ژ وان پەرلەمەنتەرێن دچن پەرلەمەنتۆیا ئیراقێ به‌ره‌ڤانیێ ژ هه‌موو ئالیه‌کی بکن. سەرۆك نێچیرڤان بارزانی ئاشكەرا كر كو پشتی هلبژارتنێ ئەو دێ هه‌موو ئالیێن سیاسی یێن ھەرێما كوردستانێ ڤه‌خوینە جڤینەكێ ل سه‌رۆکاتیا هه‌رێما کوردستانێ.
سه‌رۆکێ هه‌رێما کوردستانێ نێچیرڤان بارزانی ژ رۆژنامەڤانان را گۆت كو ئەو دخوازە هه‌موو هێزێن سیاسیێ یێن کوردستانی، پشتی هلبژارتنێ، هه‌موو ل به‌غدایێ ژ بۆ پاراستنا مافێن هه‌رێما کوردستانێ د چارچۆڤه‌یا ئیراقا فه‌ده‌رال دا یه‌کده‌نگ بن، ھەروەسا هێڤی خوەست كو پەرلامه‌نتۆیا نوو ژ بۆ چاره‌سه‌رکرنا پرسگرێکێن هه‌موو ئیراقیان به.
نێچیرڤان بارزانی گۆت: “مه هه‌ر جار گۆتیه كو گه‌لێ ئیراقێ هێژایێ ژیانه‌کا باشتره ژ وێ ژیانا نھا هه‌یه، ئه‌م دخوازن ھزرا سه‌ره‌کی ل سه‌ر دیتنا ده‌رفه‌تاێن کار ژ بۆ گەنج و نه‌هێللانا گه‌نده‌لیێ به ول سه‌ر ئاڤاکرنا سازیێن دەولەتێ بە.”
سه‌رۆکێ هه‌رێما کوردستانێ گۆت ژی كو ھەرێما كوردستانێ ھەموو ئەركێن دكەڤێ سەر دێ د چارچۆڤەیا دەستوورا ئیراقێ دا جیبجیبكە.
، گۆت: “کێفخوه‌ش ئم کو یه‌که‌م که‌س بم من ده‌نگ دایه. ئه‌و مافێ یاسایی یێ هه‌ر که‌سه‌کی/ئێ یه ده‌نگ بده.”
پشتی ده‌نگدانێ، سه‌رۆکێ هه‌رێما کوردستانێ په‌یامه‌ک ئاراسته‌یی گه‌لێ ئیراقێ کر و گۆت: “په‌یاما من بۆ هه‌موو گه‌لێ ئیراقێ، په‌یاما ئاشتیێ یه، په‌یاما براتیێ یه. په‌یاما کو ئه‌م هه‌موو ب هه‌ڤ ڕا دڤێ هه‌ول بدن ڕه‌وشا ئیراقێ به‌ر ب باشتر ڤه ببن. ئه‌م هه‌موو د ناڤ یه‌ک پاپوورێ دا نه، دڤێ ئه‌م هه‌موو هه‌ولێن جددی بدن ئیراق سه‌رکه‌فتی به.”
نێچیرڤان بارزانی گۆت كو پشتی ھلبژارتنێ یەكەم پێنگاڤا ئەو پاڤێژە دێ ل سەرۆكاتیا ھەرێما كوردستانێ دگل ھەموو ئالیێن سیاسیێن باشوورێ كوردستانێ بجڤە و گۆتوبێژێ ل سەر وێ یەكێ بكن كا ب چ ئاوایی پشكداریێ د ھكومەتا نوو یا ئیراقێ دا بكن.
ل گۆرسەرۆكێ ھەرێما كوردستانێ هه‌ر حکومه‌ته‌ک ل به‌غدایێ بھێتە سه‌ر ده‌ستهلاتێ، دڤێ گرانیا وێ ل سه‌ر وێ یه‌کێ كو ب باشترین ئاوایی خزمه‌تگوزاریێ پێشکێشی وه‌لاتیێن هه‌رێما کوردستانێ بکه.
