ل گۆر نووچه‌یا گەهیشتی ڕێخستنا هەنگاو یا مافێ مرۆڤی، هێزێن ئه‌وله‌هیێ یێن سلێمانیێ هه‌فتیا بۆری چالاکڤانێ سیاسی یێ باژارێ سه‌قزێ، ڕۆژهلاتا کوردستانێ، یێ ب ناڤێ به‌هزاد خۆسره‌وی ته‌مه‌ن ۳٥ سالی ده‌سته‌سه‌ر کر و پشتی ئیشکه‌نجه‌یێن گران ڕاده‌ستی هێزێن ئه‌وله‌هیێ یێن ئیرانێ کر.
ڕۆژنامه‌ڤانه‌کێ کورد ئاشکەرە دکە کو، به‌هزاد خۆسره‌وی پشتی وه‌شاندنا گۆتاره‌ک وه‌لاتپارێزی ژ ئالیێ هێزێن ئه‌وله‌هیێ یێن یەکێتییا نشتمانییا کوردستانێ(یەنەک) ڤه هات گرتن و پشتی ئیشکه‌نجه‌یێن گران ڕاده‌ستی کۆمارا ئیسلامی یا ئیرانێ هات کرن.
ڕۆژنامه‌ڤانێ ناڤدار یێ ڕۆژهلاتێ کوردستانێ، عه‌لی جه‌وانمه‌ردی، ل سه‌ر ڕووپه‌لا خوه یا فێسۆکێ ئه‌ڤ نووچه پشتراست کر و ڕاگەهاند کو، ئاسایشا یەنەکێ ئه‌ندامێ پارتیا ده‌مۆکراتا کوردستانا ئیرانێ ب ناڤێ به‌هزادی خۆسره‌وی کو خه‌لکێ سه‌قزه‌یێ یه، گرتن و ته‌سلیمی ئیرانێ کرن.
به‌هزادی خۆسره‌وی ل به‌شێ پێوه‌ندیێن پارتییا ده‌مۆکراتا کوردستانا ئیرانێ ل سلێمانیێ کار دکر و ژ به‌ر به‌لاڤکرنا گۆتاره‌کێ ل سه‌ر مژارێن نشتمانی ژ ئالیێ هێزێن ئه‌وله‌هیێ یێن یەنەکێ ڤه هات گرتن و ڕاده‌ستی کۆمارا ئیسلامی یا ئیرانێ هات کرن.
ئه‌ڤ نه چالاکیا داوی یا چه‌کدارێن بافه‌ل تاله‌بانی یه، ژ به‌ر کو ڕۆژا چارشه‌ما بۆری هێزه‌که چه‌کدار ئا یەنەکێ چوو سه‌ر باره‌گه‌هێن هه‌ر سێ ڕێکخستنێن ڕۆژهلاتا کوردستانێ؛ کۆماله یێن ل زرگوزالا، باناگۆورا و زرگوهێز و ب ئاشکه‌ره ژ وان ڕه گۆتن کو د بن چاڤدێریێ ته‌هدیدا چه‌کداران دا ژ ناڤه‌ندا خوه ده‌رکه‌ڤن.
گۆت ژی: کۆمەلێ سه‌ردانا یەنەکێ کر، لێ بافل تاله‌بانی نه‌خوه‌ست وان ببینه و ل گه‌ل وان ڕوونه، ژ به‌ر وێ ژی لگه‌ل گوباد تاله‌بانی ڕوونشتن و ل سه‌ر وێ مژارێ گۆتووبێژ کرن، لێ بێ ئه‌نجام بوون.
هه‌لوه‌ستا پارتییا ده‌مۆکراتا کوردستانا ئیرانێ
پارتییا ده‌مۆکراتا کوردستانا ئیرانێ ب فه‌رمی د داخویانیه‌کێ دا پشتراست کر کو هێزێن ئه‌وله‌هیێ یێن یه‌کیتییا نشتمانی یا کوردستانێ (یەنەک) ئه‌ندامه‌کی وێ پارتیێ ڕاده‌ستی ئیرانێ کرنه.
ناڤه‌ندا ڕێکخستنی یا حزبا ده‌مۆکراتا کوردستانا ئیرانێ د داخویانیه‌کێ دا ڕاگه‌هاند کو، به‌هزاد خۆسره‌وی خه‌لکێ باژارێ سه‌قزێ و ئه‌ندامێ پارتییا ده‌مۆکرات ئا کوردستانا ئیرانێ ژ ئالیێ هێزێن یەنەکێ ڤه هاتیه گرتن و ڕاده‌ستی ڕه‌ژیما ئیسلامی یا ئیرانێ هاتیه کرن. به‌هزاد خۆسره‌وی دو جاران ژ ئالیێ ده‌زگه‌ها ئاساییشا یەنەکێ ڤە ل سلێمانیێ هات گازیکرن و جارا دویه‌م ژی پشتی چه‌ند ڕۆژان بنچاڤکرنێ، ڕاده‌ستی ده‌زگه‌ها ئیستخباراتا باژارێ سنە ل ئیرانێ هات کرن.
هه‌روها د داخویانیێ دا هاتیه کو، سه‌ده‌ما گرتن و ڕاده‌ستکرنا به‌هزاد خۆسره‌وی بۆ کۆمارا ئیسلامی یا ئیرانێ ئه‌وه کو خۆسره‌وی ده‌ستوورا ڕوونشتنێ ل هه‌رێما کوردستانێ نەبوو و پێوه‌ندیا وی ب چو ئالیه‌کی سیاسی را نه‌بوو. لێ حدکا دبێژه، به‌ره‌ڤاژی داخویانیا ده‌زگه‌ها ئاساییشێ یا سلێمانیێ، به‌هزاد خۆسره‌وی زێده‌تری ۱۰ ساله ل سلێمانیێ لگه‌ل داییک و خویشکا خوه ل هه‌رێما کوردستانێ دژی. ژ بۆ په‌نابه‌ران ل هه‌رێما کوردستانێ. ئه‌و و مالباتا خوه ۷ سالن ئه‌ندامێن پارتییا ده‌مۆکرات ئا کوردستانا ئیرانێ بوونه و د چارچۆڤه‌یا یاسا و ته‌دبیرێن حکومه‌تا هه‌رێما کوردستانێ دا ل باژارێ سلێمانیێ دژین.
د داویا داخویانیێ دا حدکا ڕاده‌ستکرنا به‌هزاد خۆسره‌وی بۆ کۆمارا ئیسلامی یا ئیرانێ شه‌رمه‌زار دکه و دبێژه، دڤیابوو دۆسیایا گرتنا به‌هزاد ل گۆر یاسایا ده‌زگه‌ها دادوه‌ریا هه‌رێما کوردستانێ بهاتا ئه‌نجامدان. ژ به‌ر ڤێ یه‌کێ ئه‌م نه‌رازیبوونا خوه یا ل هه‌مبه‌ر ڤێ بوویه‌رێ نیشان ددن و ژ ناڤه‌ندێن پێوه‌ندیدار و ئالیێن یاسایی دکن کو ده‌ربارێ ڤێ مژارێ دا داخوازا زانیاریێن زێده‌تر و ڕاڤه‌کرنان دکن.
ئاساییشا یەنەکێ یا سلێمانیێ ب هێجه‌تا کو به‌هزاد خۆسره‌وی ئه‌ندامێ حزبا ده‌مۆکراتا کوردستانا ئیرانێ نینه و مافێ په‌نابه‌ریێ ل هه‌رێما کوردستانێ نینه ڕاده‌ستی ته‌هرانێ کریه. لێ حزبا ده‌مۆکراتا کوردستانا ئیرانێ ڤان گومانێن یەنەکێ ره‌د دکه و دبێژە کو به‌هزاد خۆسره‌وی هه‌موو به‌لگه‌یێن پێویست هه‌بوون، د ناڤ به‌لگه‌یان دا:
– کارتا نشته‌جهبوونێ کو ئیسبات دکه کو مافێ ڕوونشتنا وی ل سلێمانیێ هه‌یه.
– نامه‌یه‌ک فه‌رمی یا نه‌ته‌وه‌یێن یه‌کگرتی کو پشتراست دکه کو ئه‌و په‌نابه‌ره‌کی سیاسی ل هه‌رێما کوردستانێ یه.
پارتیا ده‌مۆکراتا کوردستانێ ئیدیعایێن ئاساییشا یەنەکێ کو دبێژه به‌هزاد خۆسره‌وی ئه‌ندامێ وێ پارتیێ نینه ڕه‌د دکه و دبێژه “به‌هزاد خۆسره‌وی ئه‌ڤ ۱۰ سالن ل سلێمانیێ دژی و ئه‌ندامێ پارتیا مه یه.”
وەکە تێ زانین سالا ٢٠٢٠ یەنەکێ مستەفا سەلیمی خەلکێ رۆژهەلاتا کوردستانێ رادەستێ ئیرانێ کر بوو و ئیرانی ئەو ئیعدام کر.
