سەرۆک نێچیرڤان بارزانی د پەیامەکا پیرۆزباهیێ دا جەژنا ژدایکبوونا مەسیح ل هەموو مەسیحی یێن کوردستانێ پیرۆز دکە و وان پشت راست دکە کو ههرێما کوردستانێ دێ وهک ههر دهم ببه ستارگهها ئارام و سیوانا کۆمکرنێ کو ههموو پێکهاتهیان ل خوه بگره.
سەرۆکێ هەرێما کوردستانێ د پەیاما خوە دا پێداگربوونا ههرێما کوردستانێ ب پاراستنا چاندا کهڤنار یا بههڤرهژیانێ، لێبۆرین و قهبوولکرنا ههڤدو دوباره دکە.
ئەڤ ل ژێر تێکستا پەیاما سەرۆکێ هەرێما کوردستانێ
جهژنا ژدایکبوونا حهزرهتێ عیسا یێ مهسیح (سلاڤێن خوهدێ لێ بن)، ب گهرمی و ژ دل ل وهلاتییێن مه یێن مهسیحی یێن ل ههرێما کوردستان و ئیراقێ، ههروها ل تهڤایا مهسیحیێن ل جیهانێ پیرۆز دکم. هێڤیدارم کو هوون ڤێ جهژنێ د کەیف و شاهیێ دا و د ڕهوشهکا ئارام دا پیرۆز بکن.
خوووشک و برایێن مه یێن مهسیحی پێکهاتهیهکا ڕهسهن و بهشهکێ جودانهکری یا دیرۆک، نها و پاشهرۆژا کوردستانێ نه. د ڤێ ڕۆژا پیرۆز دا، ئعم جارهکا دن پێداگربوونا ههرێما کوردستانێ ب پاراستنا چاندا کهڤنار یا بههڤرهژیانێ، لێبۆرین و قهبوولکرنا ههڤدو دوباره دکن. وه پشتراست دکن کو ههرێما کوردستانێ دێ وهک ههر دهم ببه ستارگهها ئارام و سیوانا کۆمکرنێ کو ههموو پێکهاتهیان ل خوه دگره.
ئهم ههموو د ڤی وهلاتێ دا ههڤپار و ههڤچارهنووسن؛ مه ب ههڤ را د ڕۆژێن دژوار دا قوربانی دایه و ئهم دێ ب ههڤ را ب ئاشتی و یهکرێزی ژ بۆ ئاڤاکرنا پاشهرۆژهکه گهشتر و ئارامتر ژ بۆ نفشێن خوه بخهبتن. بلا پهیاما ڤێ جهژنێ، پهیاما ئاشتی و حهزکرنێ و کوورکرنا براتیێ د ناڤبهرا مه ههموویان دا به.
کریستماس ل وه ههموویان پیرۆز به، ههر سال ب کەیف و سهرفرازی بە.
نێچیرڤان بارزانی
سهرۆکێ ههرێما کوردستانێ
۲٤/۱۲/۲۰۲٥
