سیاسی

گەلۆ كورد ل رۆژاڤا دبن دەولەت

چقاس دچه‌ د ده‌ربارێ ڕۆژهلاتا فراتێ ده‌ هه‌لوه‌ستا ڕوسیا ل هەمبه‌ر ئەمه‌ریکایێ دژوارتر دبه‌. ڕوسیا ئیدیعا دکه‌ کو، ئەمه‌ریکا دێ دگه‌ل ھێزێن دەموكاتیك یێن سوریێ (ھسد) ده‌وله‌ته‌ک نه‌ یاسایی ل ده‌ڤه‌رێ ئاڤا بکه‌. ئاوایاک دن ئه‌ڤ تێ واته‌یا کو ئەمه‌ریکا دخوازه‌ ل سوریێ ده‌وله‌ته‌کا کوردا ئاڤا بکه‌. هه‌تا ڕوسیا هێژ زێدتر ئیدیعا دکه‌ و دبێژه‌، ئەمه‌ریکا دخوازه‌ کوردستانا مه‌زن ئاڤا بکه‌.

ل سوریێ سیاسه‌تا ئەمه‌ریکا تێ زانین، ئەمه‌ریکا ژ بۆ ل سوریه‌ بمینه‌ و خوه‌دی گۆتن به‌، ل گه‌ل (هسد) کار دکه‌ و ھاریکاریا وان دکه‌. ڕوسیا ل دژێ ڤێ یه‌کێیه‌ و ناخوازه‌ ئەمه‌ریکا ل ده‌ڤه‌رێ خوه‌دی باندۆر به‌. ڕوسیا هه‌ول دده‌ کو، (هسد) ل گه‌ل ره‌ژێمێ ببه‌ و یەكینەییێن پاراستنا گەل (یپگ) ببه‌ به‌شه‌ک ژ هێزێن ڕه‌ژێما سوریه‌. ژ خوه‌ د ڤێ ده‌ربارێ ده‌ هه‌ڤدیتن هه‌نه‌.

ژ ئالیه‌ک دن سیاسه‌تا ترکیه‌ د ڤێ ده‌ربارێ ده‌ گه‌له‌کی گرینگه‌. تایبه‌تی پشتی ئازادکرنا قه‌شه‌ برونسۆن دکاره‌ پێوه‌ندیێن ترکیه‌ و ئەمه‌ریکا به‌ر ب باشیێ ڤه‌ هه‌رن و هه‌تا ڕاده‌یه‌کێ ژ بۆ ڕۆژهلاتێ فراتێ ل هه‌ڤ بکن. ده‌ما ترکیه‌ و ئەمه‌ریکا ژ بۆ ستاتوویا منبجێ ل هه‌ڤ بکن (یپگ) ژ ده‌ڤه‌رێ ده‌ردکه‌ڤه‌. نها ئیشاره‌تێن کو دخوه‌یێ دێ ل هه‌ڤهاتنه‌ک ناڤبه‌را ئەمه‌ریکا و ترکیه‌ ده‌ چێ ببە.

یا ژ هه‌موویێ گرینگتر(یپگ) به‌شه‌که‌ ژ پککێ و ل گۆرا سیاسه‌تا پککێ ته‌ڤدگه‌ره‌. چ داخوازیه‌ک وان کو ده‌وله‌ته‌کی ئاڤابکن نینە و ل دژی فکرا ده‌وله‌تبوونێ نه‌. ده‌ما مرۆڤ ڤان تشتان هه‌موویا به‌ر ب چاڤ دگره‌ ڕه‌وش پێتر ته‌ڤلیهه‌ڤ دخوه‌یێ. لێ ئه‌گه‌ر هات و یپگ یان ژی ئالیێ وان یێ سیاسی، ژ سیاسه‌تا پککێ دوور بکه‌ڤه‌ و ل گۆرا مه‌رجێن ل ڕۆژاڤایێ کوردستانێ ته‌ڤبگه‌رن و سیاسه‌ته‌ک نوو بافرینن، دێ هینگێ بکاربن سوودێ ژ هه‌لوه‌ستا ئەمه‌ریکا ل هه‌رێمێ وەبگرن. ئه‌گه‌ر پاتیا یەكێتیا دەموكراتیك ( پید) خوه‌ ژ سیاسه‌تا پککێ دوور بێخه‌ و ل گۆرا مه‌رجێن کوردستانا ڕۆژاڤا ته‌ڤبگه‌ره‌ و ل گه‌ل ئالیێن دن یێن سیاسی و له‌شکه‌ری یێن کوردستانا ڕۆژاڤا وه‌کە ئەنجومەنا نشتمانیا كورد ل سوریێ ( ئه‌نکس)ێ هه‌ڤکاریێ بکه‌ و ئه‌نیه‌ک نشتمانی ئاڤا بکه‌، شانسێ کو کورد ل سوریه‌ ببن جوره‌یه‌ک یێ ده‌وله‌تێ گه‌له‌کتر دبه‌.

لێ هه‌تا سیاسه‌تا (پید) گرێدایێ پککێ به‌ ئەمه‌ریکا ژی نکاره‌ ل گه‌ل وان گاڤێن جدی سیاسی باڤێژه‌ و هه‌ر دێ وان ژ بۆ هنده‌ک ئارمانجێن له‌شکه‌ری وه‌ک كارته‌کێ ب کار بینه‌. راستیا کوردا ل ڕۆژاڤایێ کوردستانێ ئه‌وه‌ کو ژ ده‌ڤ سیاسه‌تا گرێدانا ڕه‌ژێما ئه‌سەد به‌ردن، د ناڤا خوه‌ ده‌ هه‌ڤپه‌یمانیه‌کی ئاڤا بکن و ژ بۆ مافێن خوه‌ یێن ڕه‌وا ته‌ڤبگه‌رن. دێ هینگهێ هێڤیێن مه‌زن ده‌رکه‌ڤن هۆلێ. لێ ب سیاسه‌تا پککێ کوردستان چێنابه‌…

نووچه‌/ئانالیز
ن.فرات

Back to top button