سه‌رۆکن لێ نه‌ نه‌ته‌وه‌یی نه‌

سه‌رۆکن لێ نه‌ نه‌ته‌وه‌یی نه‌

پێویست ناکه‌ و نه‌ هه‌وجه‌یه‌ کو مرۆڤ تم به‌حسا زلم و زۆرداریا دژمن بکه‌ و نه‌ لازمە کو مرۆڤ تم بێژه‌ ئاگر به‌ڕا مالا مه‌ دانه‌، خه‌لکێ مه‌ کۆچبه‌ر کرنه‌.
یا دن دڤێ ئه‌م وه‌که‌ کورد هنده‌کێ ل خوه‌ ڤه‌گه‌رن، خوه‌ ببینن، دۆست و دژمنان ژ هه‌ڤ ڤه‌قه‌تینن. دڤێ ئه‌م ببینن کو به‌رژه‌وه‌ندی د سه‌ر هه‌ر تشته‌کی ڕا یه‌. بزانبن کو ئه‌م ژی وه‌که‌ خه‌لکێ ڤێ جیهانێ به‌رژه‌وه‌ندیێن خوه‌ و یا گه‌لێ خوه‌ بپارێزن.

هوون باوه‌ر بکن ئه‌م کورد هێشتا ژی نه‌گهشتنه‌ وێ قۆناخا کو ئه‌م به‌رژه‌وه‌ندیا وه‌لاتێ خوه‌ د سه‌ر هه‌ر تشته‌کی خوه‌ ڕا بگرن. هێشتا ئه‌م نه‌بوونا نه‌ته‌وه‌یی کو بکارن وه‌ها بفکرن. هێشتا ئه‌م شه‌خسی نه‌، ڕێخستنینه‌، حزبی نه‌ و وه‌ها دفکرن.

هه‌زار مخابن ئیرۆ پارتی و ڕێخستنێن مه‌ که‌تنا شوونا عه‌شیره‌ت و ئاغایێن مه‌ یێن زه‌مانێ به‌رێ کو یه‌کێتیا خوه‌ پێک نه‌ئانین و بوونه‌ خوارنا داگیرکه‌ران. هه‌زار مخابن کو ئیرۆ ژی ئه‌و پارتی و ڕێخستنێن مه‌ وه‌که‌ ده‌مێن ئاغاتیێ دکن و دفکرن لۆما نابن یه‌ک.
ئیرۆ هێشتا ژی ئه‌و فکرا عه‌شیرتی و ئاغاتیێ به‌رده‌وامه‌. ژ به‌ر کو سه‌رۆکێن پارتیێن مه‌ نه‌ته‌وه‌یی نافکرن. پرانیا وان کارێن خوه‌ ل سه‌ر به‌رژه‌وه‌ندیا سه‌خسی و ڕێخستنیێ، دکن. ل گۆر ڤێ ژی مریدان په‌یده‌ دکن کو ئه‌و مرید ناهێلن سه‌رۆک و ڕێڤه‌برێن پارتیان، ل ڕاستیا خوه‌، یا ڕێخستن و پارتیا خوه‌ های ببن.

گۆتنێن وان خوه‌شن، نڤیسێن وان ده‌لالن. لێ بریار و کریارێن وان هێشتا ژی وه‌که‌ سه‌رۆکعه‌شیر ئان ژی ئاغایه‌کی ده‌مێن به‌رێ یه‌. هه‌گه‌ر نه‌ وه‌ها با، داگیرکه‌ران وه‌لات وێران کرن و ل به‌ر تێکچوونێ یه‌، زمان نه‌ما، ئاڤاهی نه‌هشتن، یێن زیره‌ک و ژێهاتی، یا ددن گرتن یا ژی دکوژن. هه‌گه‌ر هندەک بکاربن ژ به‌ر ڤێ تۆفانێ خوه‌ خلاس بکن، ئه‌و ژی هلما خوه‌ ل ئه‌ورۆپا ڤه‌دکن. ژ خوه‌ ل ئه‌ورۆپا ژی ئه‌م که‌تنه‌ چ ڕه‌وشێ هه‌رکه‌س پێ دزانن.
هه‌گه‌ر ڕێبه‌ر و سه‌رۆکێن پارتیێن مه‌ د ده‌مێن خوه‌ دا بکاریبانا ل سه‌ر ئەساسێ ڕاستیێ و ب فکرا نه‌ته‌وه‌یی ته‌ڤگه‌را خوه‌ فره‌، ئه‌ندامێن خوه‌ زێده‌ کربانا، ئاها وێ ده‌مێ وێ سه‌رکه‌تن ژی ببه‌ یا وان و مه‌. لێ ڤێ ناکن لۆما ژی ب سه‌رناکه‌ڤن. ب هه‌بوونا خوه‌ یا ٤۰-٥۰ سالان ب پاچان سه‌رێ خوه‌ مه‌زن دکن لێ هێشتا ژی ل باکورێ کوردستانێ نه‌بوونه‌ خوه‌دیێ موختاره‌کی…٤۰-٥۰ سالن هه‌ر به‌حسا یه‌کێتیێ دکن لێ هێشتا ژی ب یه‌ک ڕێخستنه‌که‌ دن ڕا یه‌کیتیه‌که‌ پێک نه‌ئانینه‌. عه‌کسێ وێ هه‌ر کودچە پتر ئه‌و ب خوه‌ ژی په‌رچه‌ دبه‌.

ته‌مه‌نێ پرانیا وان سه‌رۆک و ڕێبه‌رێن پارتیێن خوه‌ ب سه‌ر ٦۰- ۷۰ سالان که‌تیه‌، هێشتا ژی موداخه‌له‌یی هه‌می کارێن سیاسی یا پارتیا خوه‌ دکن. ڕێ نادن جوانان و ناخوازن جوان چالاک ببن. لێ ڤێ ژی دکن سووجێ جوانان.
جاره‌کێ دڤێ ئه‌م ب ئاقله‌کی زه‌لال، ب هلمه‌که‌ فره‌ ل ڕه‌وشا هه‌می ڕێبه‌ر و سه‌رۆکێن پارتیێن باکورێ کوردستانێ بنه‌رێن؛ بنه‌رن و ببینن کو که‌چ ئان کوره‌کی وان هێشتا نه‌بوونا ئه‌ندامێ پارتیا وان ب خوه‌. ده‌ما ته‌ ژ خوه‌ ده‌ ده‌ست پێنه‌کر، هه‌لبه‌ت لاو و که‌چێن خه‌لکێ ژی نایێن با ته‌. سوج نه‌ یێ جوانانه‌، سوچێ وان سه‌رۆک و ڕێڤه‌برێن کو زارۆکێن خوه‌ ناخن ناڤ پارتیێ، ناکن ئه‌ندام و هه‌ر گازنان دکن و دبێژن جواننینن.

هه‌گه‌ر ئه‌م ل ته‌ڤگارا بارزانیان بنێرن ئه‌م دێ ب زه‌لالی ببینن کو وان هه‌می زارۆکێن خوه‌ ژی وه‌که‌ خوه‌ په‌روه‌رده‌ کرنه‌ و هه‌می زارۆکێن وان د ته‌مه‌نه‌کی زارۆکاتی یا خوه‌ دا چه‌ک هلگرتنه‌ و ل گه‌ل پێشمێرگه‌یێن قه‌هره‌مان وان ژی ژ بۆنا ته‌کۆشینا ئازادیا گه‌لێ خوه‌ شه‌ر کرنه‌. نها ژی ژ بۆنا ئاڤاهی، پێشڤه‌ برن، ژ بۆنا سه‌رخوه‌بوونا کوردستانێ د ناڤ ته‌ڤگه‌رێ دا نه‌. سه‌کن و راوەستیانا وان نینە. لێ ل باکورێ کوردستانێ زه‌حمه‌ته‌ کو تو که‌ج ئان کوره‌کی ڕێبه‌ره‌کی د ناڤا پارتیا وی ده‌ ببینه‌.

سه‌رۆک به‌رپرس و که‌سایه‌تیێن مه‌، هه‌تا سه‌رۆک و ڕێڤه‌برێن ڕێخستنێن خوه‌ بن، نکارن ئان ناخوازن نڤیسه‌کێ ل سه‌ر ڕاستیا ته‌ڤگه‌را خوه‌ و ڕه‌وشا وه‌لات بڤیسینن و پێک بینن. خوه‌زی هه‌ر سه‌رۆک و به‌رپرسه‌کی د ده‌ما سه‌رۆکاتیا خوه‌ دا نڤیسێن کو پێویستیا گه‌ل ژێ هه‌با و ڕاست بنڤیساندنا، هه‌گه‌ر وێ زه‌رار ژی بدا وی و پارتیی ژی. لێ ڤێ ناکن. پشتی ژ سه‌رۆکاتیێ دوور دکه‌ڤن، باش خوه‌ش و ڕاست دنڤیسینن لێ ئێدی فێدا خوه‌ نینە.

هه‌زار مخابن ئیرۆ پارتی و ڕێخستنێن مه‌ که‌تنا شوونا عه‌شیره‌ت و ئاغایێن مه‌ یێن به‌رێ کو یه‌کێتیا خوه‌ پێک نه‌ئانین و بوونه‌ خوارنا داگیرکه‌ران. هه‌زار مخابن کو ئیرۆ ژی ئه‌و پارتی و ڕێخستنێن مه‌ وه‌که‌ ده‌مێن ئاغاتیێ دکن و دفکرن لۆما نابن یه‌ک.
ئیرۆ هێشتا ژی ئه‌و فکرا عه‌شیرتی و ئاغاتیێ به‌رده‌وامه‌، لێ ب ئاوایه‌کی مۆده‌رن. ژ به‌ر کو سه‌رۆکێن پارتیێن مه‌ نه‌ته‌وه‌یی نافکرن. پرانیا وان کارێن خوه‌ ل سه‌ر به‌رژه‌وه‌ندیا سه‌خسی و ڕێخستنیێ، دکن. ل گۆر ڤێ ژی مریدان په‌یده‌ دکن کو ئه‌و مرید ناهێلن سه‌رۆک و ڕێڤه‌برێن وان، ل ڕاستیا خوه‌، یا ڕێخستن و پارتیا خوه‌ های ببن. ئه‌ڤ ژی ژ به‌ر کو پرانیا سه‌رۆک و ڕێڤه‌برێن مه‌، مخابن هێشتا ژی نه‌بوونه‌ نه‌ته‌وه‌یی و نکارن نه‌ته‌وه‌یی بفکرن و ل گۆر به‌رژه‌وه‌ندیا گه‌لێ خوه‌ ته‌ڤبگه‌رن.

گۆتنێن وان خوه‌شن. لێ بریار و کریارێن وان ڕه‌شن. ژ به‌ر کو هێشتا ژی وه‌که‌ سه‌رۆکعه‌شیر ئان ژی ئاغایه‌کی ده‌مێن به‌رێ نه‌. هه‌گه‌ر نه‌ وه‌ها با، ب ده‌ستێن داگیرکه‌ران و هه‌ڤالبه‌ندێن وان، وه‌لات ل به‌ر تێکچوونێ یه‌، زمان نه‌ما، ئاڤاهی نه‌هشتن، یێن زیره‌ک و ژێهاتی یا ددن گرتن یا ژی دکوژن. هه‌گه‌ر هن بکاربن ژ به‌ر ڤێ تۆفانێ خوه‌ خلاس بکن، ئه‌و ژی هلما خوه‌ ل ئه‌ورۆپا ڤه‌دکن. ژ خوه‌ ل ئه‌ورۆپا ژی ئه‌م که‌تنه‌ چ ڕه‌وشێ هه‌رکه‌س پێ دزانن.

هه‌گه‌ر ڕێبه‌ر و سه‌رۆکێن پارتیێن مه‌ د ده‌مێن خوه‌ ده‌ بکاریبانا ل سه‌ر ئەساسێ ڕاستیێ ته‌ڤگه‌را خوه‌ فره‌، ئه‌ندامێن خوه‌ زێده‌ بکرانا، ئاها وێ ده‌مێ وێ سه‌رکه‌تن ژی ببه‌ یا وان و مه‌. لێ ڤێ ناکن لۆما ژی ب سه‌رناکه‌ڤن. ب هه‌بوونا خوه‌ یا ٤۰-٥۰ سالان ب پاچان سه‌رێ خوه‌ مه‌زن دکن لێ هێ ژی ل باکورێ کوردستانێ نه‌بوونه‌ خوه‌دیێ موختاره‌کی…
ته‌مه‌نێ پرانیا وان سه‌رۆک و ڕێبه‌رێن پارتیێن خوه‌ بوون، ب سه‌ر ۷۰ سالان که‌تیه‌، هێ ژی موداخه‌له‌یی هه‌می کارێن سیاسی یا پارتیا خوه‌ دکن. ڕێ نادن جوانان و ناخوازن جوان چالاک ببن. لێ ڤێ ژی دکن سووجێ جوانان.
ژ به‌ر جوان خۆرتن، خوینگه‌رمن، سه‌رێ وان ب فکرێن نووژه‌ن تژه‌ یه‌. لۆما سالمه‌زن ناخوازن ئه‌و د پارتیان دا چالاک ببن. ژ به‌ر کو ده‌ما جوان د پارتیێ دا چالاک ببه‌، وێ جهێ سالمه‌زنان نه‌مینه‌. ترسا وان ئه‌ڤه‌. یانی هه‌ر شه‌خسی فکرینه‌ و وێ ب ڤێ فکرێ بژین هه‌تا ل ژیانێ بن…

بووبێ ئه‌سه‌ر

٢٠١٩/١٢/١٠

نێرین / شیرۆڤە