رۆژانێ كەنالێ رووداو ھێلا

رۆژانێ كەنالێ رووداو ھێلا

پشتی ھەشت سال و ھەیڤەكێ كاركرن ل تەلەڤزیۆنا رووداو وەكە پێژەرا نووچەیێن وەرزشی، رۆژان ئەڤدلرەھمان مالئاڤایی ل كانالێ رووداوێ كر و د مالپەرا خوە یا تایبەت یا ئینستگرامێ دا دبێژە: ب خاترا تە رووداو، پشتی 8 سال و ھەیڤەكێ (2944 رۆژان) ئێدی دەما دەستپێكرنا سەربۆرەكا نوو و ژیانەكا نوو یە! د وێ دەمێ دا ئەز یەكەم پێشكەشكارا وەرزشی بووم. ژ بۆ من شانازیەكا مەزنە كو من یەكەم گەشتا نووچەیێن وەرزشی ل تۆرا مەدیایێ یا رووداوێ پێشكەش كر. ئەز ھینی گەلەك تشتا بووم، من گەلەك كەس ناسكرن و یێن من ناسكرین گەلەك بوون، لێ بەلێ ئێدی دەما جودابوونێ یە. ژ بۆ من و ھەموو وان یێن ل وێرێ كاركرین رووداو وەك فێرگەھەكا پرۆفیشنال بوو. ئەز دكارم بێژم مەزنترین گوھەرتنێن ژینا من ل رووداو بوون، روومالا وەرزشی ل تی ڤی، مالپەر، رادیۆ و رۆژنامە، بێژەری و پەیامنێری، پرۆدیوسەری و پێشكەشكاری، من ئەو ھەموو جەرباندن و ئەز كێفخوەشم كو ئەز بەشەك گرنگ بووم ژ وان سەركەفتنێن رووداو د دەما 8 سالێن بۆری دا بدەست خستنە. نھا دەما جەرباندنا تشتێن دنە د ژیانێ دا”.

رۆژان ئەڤدلرەھمان سالا 1989ێ ل باژارێ سلێمانیێ ژدایك بوویە و دەرچوویا بەشێ راگەھنادنێ ل پەیمانگەھا تەكنیكی یە و د دەستپێكا ڤەكرنا كانالێ رووداو دا ئەو وەكە بێژەرا نووچەیێن وەرزشی دەركەفتیە.

نێرین / شیرۆڤە