که‌چێن ئێزدی یێن ژ داعشێ ڕزگار بوونه‌ موزیکا خوه‌ نووژه‌ن دکن

که‌چێن ئێزدی یێن ژ داعشێ ڕزگار بوونه‌ موزیکا خوه‌ نووژه‌ن دکن

ده‌ما کو ل سالا ۲۰۱٤ ێ چه‌کدارێن توندرەوێن داعشێ ئێریشی دەڤەرێن ئێزدیان کر ل ھەرێما كوردستان و باکورێ عیراقێ، ئه‌و هه‌ولدانه‌ک بوو، بۆ نه‌هێلان و ژناڤبرنا پێکهاته‌یا ئێزدی، کو پێکهاته‌ک ئه‌تنیکی یا کێمانی یه‌، کو هه‌زاران سالن، ل چیان دژین.

د ئێریشا داعشێ دا هه‌زاران ژن و زارۆك هاتن ڕه‌ڤاندن و هه‌زاران زەلام ژی هاتن کوشتن، ئارمانجا داعشێ ژی ژهۆلێڕاکرنا دیرۆک و کولتورا ئێزدیان بوو.

لێ نها پرۆژه‌ک نوو ژ ئالیێ سازیا ئامار و ب ئالیکاریا حکومه‌تا بریتانیایێ هاتییه‌ ده‌ستپێکرن ب ئارمانجا کو خۆرتێن ئێزدی فێری موزیکا وان یا ڕه‌سه‌ن و که‌ڤنار بکن و جارەك دی وان ل سه‌ر وێ موزیکێ په‌روه‌رده‌ بکن.

تێ ته‌خمین کرن کو دیرۆکا موزیکا ئێزدییان ڤه‌دگه‌ره‌ بوو ٥۰۰۰ – ۷۰۰۰ سالان، هه‌ر چه‌نده‌ هێشتا ب شێوه‌ک ئەکاده‌می نه‌هاتیه‌ تۆمارکرن و پاراستن.

وه‌ها ڕاهاتییه‌ کو ستران و کلامێن ئێزدیان ژ نفشه‌کی بوو یێ دن ب شێوه‌یێ زارده‌ڤی هاتییه‌ ڤه‌گوهاستن و هه‌تا نها نێزیكی ٥۰۰ ستران و پارچێن موزیکێ هاتنه‌ پاراستن و ڕزگار کرن.

سازیا ئامار هه‌تا نها زێده‌تری ژ ۱۰۰ پارچێن موزیک و سترانێن تایبه‌ت یێن ئێزدیان تۆمار کرنە، ژ وان ل لالش مه‌زارگه‌ها پیرۆز و سه‌ره‌کی یا ئێزدیێن جیهانێ کو ل نێزیك باژارێ دوهۆک و باژارۆکێ ئەترووش دمینه‌ ل هه‌رێما کوردستانێ، هه‌روها سازیا ئامار سه‌ردانا کامپێن په‌نابه‌ر و کۆچبه‌ران کرییه‌ کو نها ۱۰ هه‌زاران ئێزدیێن ژ فه‌رمانا داعشێ ڕزگار بوونه‌ ل کامپا و گونده‌وارێن دوهۆک، هه‌ولێر، سلێمانی و مووسلێ دژین.

موزیکژه‌نێ که‌مانێ میكائیل بۆجهمانن کۆرا موزیکێ یا خۆرتێن ئێزدی ده‌سته‌ک کر و ل لۆندۆن چالاکیا موزیکێ بۆ وان ڕێخست، و هه‌تا وان موزیکا خوه‌ ل سه‌رایا شاهانه‌ ل لۆندۆن پێشکه‌شی پرنسێ جێگر چهارله‌س ژی کر.

بۆجهمانن دبێژه‌”موزیکا ئێزدییان زێده‌ گرنگه‌ بۆ زیندیمانا چاندا وان” و ته‌خا جڤاکی یا قەوالان وێ موزیکێ دپارێزن و نها ته‌نێ ۱٦ ژ وان مانه‌.

خۆرت و که‌چێن ئێزدی ل سه‌ر ئاسترۆمێنتا ته‌نبوور و ده‌فێ موزیکا خوه‌ فێر دبن، د ناڤ دا ڕێناس که‌چا ئێزدی هه‌یه‌، یا کو ته‌ڤی ۱۰ هه‌زاران ژن و زارۆکان ب ده‌ستێن داعشێ ل سالا ۲۰۱٤ێ هاتبوون ڕه‌ڤاندن.

ڕێناس ۱٤ سالی بوو ده‌ما داعشێ ئه‌و گرت بوو، سێ جاران داعشێ کرین و فرۆتن ب وێ كریە بوو کۆله‌یا سه‌کسی، لێ ئه‌و سالا ۲۰۱۷ێ ژ ده‌ستێن داعشێ هات ڕزگار کرن، لێ وێ که‌چه‌ک هه‌بوو، ده‌ما مالباتا وێ پاره‌ وه‌که‌ سه‌رانه‌ دابوون چه‌کدارێن کو ئه‌و ڕه‌ڤاند بوو، وی چه‌کداری ڕه‌د کرکو که‌چا ڕێناسێ بده‌ وێ.

ڕێناس دبێژه‌، موزیک وه‌ دکه‌، کو ئه‌و وه‌حشیه‌تا به‌رێ یا د ده‌ما د ناڤ ده‌ستێن داعشێ دابوو ژبیر بکه‌ “ئه‌ز دخوازم ئه‌ڤ ئالیکاری دۆم بکه‌، ژ به‌ر ڤی پرۆژه‌یی، مه‌ هێڤییا خوه‌ هندا نه‌کرییه‌، ئه‌گه‌ر کو ئالیکاریا مە ب بەردوامی بھێتە کرن، ئه‌م دێ خوه‌ ڕاده‌ستی قه‌ده‌رێ نه‌کن”.

دەنگێ ئەمریكا
10.02.2020

نێرین / شیرۆڤە