شڤان پەروەر نھێنیەكێ ل سەر ئۆجەلان ئاشكرا دكە

شڤان پەروەر نھێنیەكێ ل سەر ئۆجەلان ئاشكرا دكە

ھونەرمەندێ كورد شڤان پەروەر د كۆنسەرتا ھونەرمندێن كورد یا ژئ بۆ یەكێتیا نەتەوەیی، ل باژاراێ ستۆكھۆلمێ پایتەختا سوێدێ د ئاخافتنا خوە دا نھێنیەك ل سەر ئەبدۆلا ئۆجەلان سەرۆكێ زیندانیكریێ پارتیا كاركەرێن كوردستانێ (پەكەكە) ئاشكەرا كر.
ئەڤە ھەیامەكە گرۆپەكا ھونەرمنەندێن/سترانبێزێن كورد، ژ ھەر چوار پارچەیێن كوردستانێ ل وەلاتێن جودا ژ بۆنا پشتەڤانیكرنا خەباێتن ئاڤاكرنا یەكێتیا نەتەوەیێ، كۆنسەرتان چێ دكن.
وێ گرۆپا ھونەرمەندێن كورد رۆژا 2020.02.22 ل باژارێ ستۆكھۆلمێ پایتەختا سوێدێ كنسەرتا خوە چێ كر و گەلەك سترانبێزێن ناڤوودەنگ د وێ كۆنسەرتێ دا بەشدار بوون، یەك ژ وان سترانبێژێ ناڤدار شڤان پەروەر بوو.

شڤان پەروەر بەری دەست ب سترانگۆتنێ بكە، وەكە ژ خوە را كریە عادەت، ئاخافتنەك كر و بەھسا رەوشا كوردستانێ و گرنگیا ئاڤاكرنا یەكێتیا نەتەوەیی كر.
پەروەر د ئاخافتنا خوە دا نھێنیەك ل سەر ئۆجەلان ئاشكەرا كر و گۆت كو عەبدۆلا ئۆجەلان دێ ژ زیندێن ئازاد بە و دێ ببە سەرۆكۆمارێ تركیێ.

شڤان گۆت: ژ ناڤا گەلێ كورد دەركەت ب فەلسەفە و دیرۆكەك مەزن برێز ئەبدۆلا ئۆجەلان كو ئیرۆ د دەستێ دژمنان دایە، مخابن، لێ دیسا ب قوەت و ھێزا كوردان یا بەرفرەھ ل دنیایێ، گەرەك ئۆجەلان ژ وێ زیندانا تركی دەرێ و ئەو دێ ھەر باشتر سیاسەتێ بكە ، ئەز ب ڤێ باوەرم، و سەرۆكومارێ تركیێ ژی دێ عەبدۆلا ئۆجەلان بە، ئەز ژ ڤێ ژی ب باوەرم، ژ بەركو د ناڤا تركان دا كەسێ ب ئەسالەت نەما یە ھەموو فاشیستن.

د ئاخافتنا خوە دا شڤان پەروەر گەلەك ب باوەر بوو كو دێ ئۆجەلان ژ زیندانێ دەركەڤە و دێ ببە سەرۆككومارێ تركیێ، گەلۆ شڤان پەروەر ئەو باوەری ژ كو ئانیە؟

نێرین / شیرۆڤە