داخوازا ئا‌شکه‌ره‌کرنا دۆسیه‌یا مسته‌فا سه‌لیمی دكن
پارله‌مه‌نتەرێن كوردستانێ داخوازا دكە كو ئەو كۆمیتەیا ژ ئالیێ حكومەتا ھەرێما كوردستانێ ڤە ھاتیە پێكانین كو ڤەكۆلینێ ل سەر دۆسیەیا رادەستكرنا مستەفا سەلیمی ب كۆمارا ئیسلامیا ئیرانێ بكە، ئەنجامێن ڤەكۆلینی ژ رایا گشتی را ئاشكەرا بكە.
مستەفا سەلیمی ژ زیندانەكا ئیرانێ رەڤێ بوو و ھاتبوو ھەرێما كوردستانێ، لێ ئاسایشا پێنجوین مستەفا سەلیمی گەرت و تەسلمیمی رژێما ئیرانێ كر و ئیرانێ ژی مستەفا سەلمی ل سێدارێ دا. یەكێتیا نشتمانیا كوردستانێ (یەنەكە) ب رادەستكركنا مستەفا سەلیمی ھاتیە تاوانبار كرن كو ب فەرمانا لاھۆرشێخ جەنگی ھەڤسەرۆكێ یەنەكێ ھاتیە رادەست كر. ژ بۆ ئاشكەرا كرنا راستی و دروستیا رادەستكرنا مستەفا سەلیمی، حكومەتا كوردستانێ كۆمیتەیەك پێكانی ك ڤەكۆلینی ل سەر وێ مەسەلێ بكە و ئەنجامێن ڤەكۆلینی ژ رایا گشتی را ئاشكەرا بكە.
یه‌ک ژ پارله‌مه‌نته‌رێن پارله‌مه‌نا کوردستانێ کو وی ژی ل سەر دۆسیه‌یا ڕاده‌ستکرنا مسته‌فا سه‌لیمی ب ئیرانێ ژ ئالیێ ئاسایشا یەنەكێ ڤە ڤەكۆلین کریە، د نامه‌یه‌کا ڤه‌کری دا، داخوازێ ژ حکومه‌تا کوردستانێ دكە كو به‌رسڤا یاداشتا وان یاد ڤێ ده‌ربارێ دا بده.
نزار مه‌لا عه‌بدولخه‌فار ئه‌ندامێ پارله‌مه‌نا کوردستانێ ژ فراکسیۆنا پارتیا دەمۆكراتا كوردستانێ (پەدەکە) و ئه‌ندامێ وێ لیژنه‌یا ڤەكۆلین ل سەر دۆسیه‌یا ڕاده‌ستکه‌رنا مسته‌فا سه‌لیمی کری، د نامه‌یا خوه یا ژ بۆ حکومه‌تا هه‌رێما کوردستانێ ھنارتی دبێژە: “ئه‌م پێنچ پارله‌مه‌نته‌رێن ژ لیژنەیا ناڤخوه‌یی یا پارلەمانتۆیا كوردستانێ ڕۆژا ۲۱ێ نیسانێ مه یاداشته‌ک پێشکێشی وه یێن برێز کریه کو تێدا داخوازا ڕاستی و دروستیا ڕاده‌ستکرنا وه‌لاتیێ کوردێ ڕۆژهلاتێ کوردستانێ یێ ب ناڤێ مسته‌فا سه‌لیمی كر بوو. د ده‌ربارێ ڕاده‌ستکرنا وی یا ب ئیرانێ، دخوازین ڕاستیا ڤێ بابه‌تێ ژ بۆ وه‌لاتیێن هه‌رێما کوردستانێ ئاشکهره بكن.”
وان پارلەمەنتەران د نامەیا خوە دا نڤیسیە: “ئه‌و لیژنه‌یا ژ ئالیێ حکومه‌تا هه‌رێما کوردستانێ ڤه هاتیه پێکانین، دڤێت ته‌ڤاهیا ڕاستیان ژ بۆ مه و ڕایا گشتی یا خه‌لکێ کوردستانێ ئاشکهره بکه.”
