د ناڤ یەنەکێ دا شەرێ جووت پسمامان
وه‌ک تێ زانین د ڤان رۆژێن داوی دا د ناڤ یەکێتیا نشتمانیا کوردستانێ (یەنەک)ێ دا گوهه‌رتنه‌ک و شه‌ره‌ک هه‌یه. ئه‌ڤ شه‌ر د ناڤ سه‌رۆکاتیا یەنەکێ دا و ده‌رڤه‌یی سه‌رۆکاتیا یەنەکێ یه. ئه‌ڤ شه‌ر شه‌رێ کورێ جه‌لال تالەبانی و نەڤیێ ئیبراهیم ئه‌حمه‌د بافل تالەبانی دژی برازیێ جه‌لال تالەبانی لاهۆر جه‌نگی یه. ئه‌ڤان که‌سان د ناڤ ئاڤابوون، دیرۆک، تێکۆشینا یەنەکێ دا نه خوه‌دیێ که‌ده‌کێ و جه‌رباندنه‌کێ نه.
ئه‌ڤان که‌سان پشتی کو ژ که‌رکوکێ را خیانه‌تی کرن (جۆتمه‌ها ۲۰۱۷) و ژ داگیرکرنا که‌رکوکێ را بوون پێشه‌نگ، دڤیا بوون کو بهاتانا دادگەهکرن و بهاتانا دارزاندن و سزا کرن. هه‌زار مخابن وسا نه‌بوو خیانه‌تکار هاتن تالتیف کرن، د ناڤ یەنەکێ دا بوون هێزه‌کا خورت. د کۆنگره‌یا داوی یا یەنەکێ دا وه‌ک گروپه‌کێ ژی بوون ده‌ستهلاتدار. بافل تالەبانی و لاهۆر جه‌نگی تالابانی بوون هه‌ڤسه‌رۆکێ یەنەکێ.
ئه‌ڤ گروپا چه‌ته‌یا و سه‌رۆکێن وان بافل تالەبانی و لاهۆر جه‌نگی تالەبانی هەم ل کوردستانێ و هەم ل سلێمانیێ و هەم ژی د ناڤ یەنەکێ دا خرابیێن مه‌زن کرن. خوه‌دیێن یەنەکێ بێ فۆنکسیۆن کرن. ئه‌و که‌سێن کاریزماتیک یێن د ناڤ یەنەکێ دا و به‌رپرسیارێن یەنەکێ بێقیمه‌ت بوون. رۆلا وان یا سیاسی هات شکاندن. ئه‌و هاتن بێروومه‌ت کرن. به‌شه‌کی وان ژی هاتن تەسفیه کرن.
ئه‌ڤ گروبا خیانه‌تکار، ژ بۆنا کو سلێمانیێ ژ کوردستانێ وه‌ره ڤه‌قه‌تاندن و ب حکومه‌تا فه‌ده‌رال یا ئیراقێ ڤە بێ گرێدان گه‌له‌ک شه‌رتێن بەغدایێ پێک ئانین. لێ ژ بەر کو سه‌رۆکێ کوردستانێ مه‌سعود بارزانی ڤه‌قه‌تاندنا سلێمانیێ ژ کوردستانێ، وه‌ک سه‌ده‌ما شه‌ر ئیعلان کر، نکارین هه‌ولا ڤه‌قه‌تاندنێ بدن.
پەکەکە وه‌ک رێخستنه‌ک داگیرکه‌ر، ته‌رۆریست، نه یاسایی، پرۆژه‌یا ده‌وله‌تێن کۆلۆنیالست دخوازه کو ده‌وله‌تا فه‌ده‌ره یا کوردستانێ تێک ببن. ئه‌ڤ گروبا خیانه‌تکارا ناڤ یەنەکێ ژ وان را دبه ئالیکار.
گروپا خیانه‌تکار پشتی کو ئه‌وقاس خرابی ب هه‌ڤ را کرن، ئه‌ڤ جار دنیا خرابیێ ژ وان را ته‌نگ هات. د ناڤبه‌ینا وان دا ناکۆکی و شه‌ر ده‌ست پێ کر. به‌رژه‌وه‌ندیێن وان هاتن هه‌مبه‌ری هه‌ڤ. ژ بۆنا کو هه‌ڤوودو تەسفیه بکن، ده‌ست ب خه‌باتێ کرن. د ئه‌نجامێ دا لاوێ جه‌لال تالەبانی و نەڤیێ ئیبراهیم ئه‌حمه‌د زۆرا برازیێ جه‌لال تالەبانی لاهۆر جه‌نگی تالەبانی بر. بافل تالەبانی خوه وه‌ک سه‌رۆکێ یەنەکێ ئیعلان کر. لاهۆر جه‌نگی تالەبانی ژ هه‌ڤسه‌رۆکیێ دوور خست.
د ئه‌نجامێ دا ژی سه‌رۆکاتیا یەنەکێ ب ته‌ڤایی ژ بافل تالەبانی را بوو پشتگر و بافل تالەبانی وه‌ک سه‌رۆکێ یەنەکێ ئیعلان کرن. د ناڤ یەنەکێ دا ده‌ربەیا بافل تالەبانی ب سه‌رکه‌ت.
دیاره کو ناکۆکی و شه‌رێ د ناڤ یەنەکێ دا دێ زێده‌تر ببه.
گۆر به‌شه‌ک شرۆڤه‌کارێن سیاسی ئه‌ڤ قه‌وماندنێن د ناڤ یەنەکێ دا ئه‌رێنی/پۆزیتیفن. دبێژن کو ئه‌ڤ قه‌وماندن دێ د یەنەکە ژ گوهه‌رتنێن نوو را ببه بنگه‌ه.
به‌شه‌ک شرۆڤه‌کار و پسپۆرێن سیاسی ژی، قه‌وماندنێن د ناڤ یەنەکێ دا وه‌ک ره‌فۆرمه‌کێ شرۆڤه دکن.
ئه‌ڤ نێرینان شاشن. بوویه‌ر و قه‌وماندنێن د ناڤ یەنەکێ دا سه‌ده‌ما گه‌له‌ک تشتێن نه‌خوه‌ش و ناکۆکیانه.
د ناڤ یەنەکێ دا گوهه‌رتنێن ئه‌رێنی نه د رۆژه‌ڤێ دا نه. تشتێن دبن ژی نه ره‌فۆرمن. شه‌ره‌کی قرێژ یێ ده‌ستهلاتداریا خیانه‌تکارێن که‌رکووکێ یه. دەربه‌یه‌کا نوو یا دن و گه‌له‌ک ئاشکه‌ره‌یێ د ناڤ یەنەکێ دا. دوور نینه کو زێده‌تر دێ زرار بده ده‌وله‌تا فه‌ده‌ره یا کوردستانێ و یەنەکێ نه.
برازیێ جه‌لال تالەبانی و ته‌ره‌فتدارێن وی دیاره خورتتر بوونه و ژ بۆنا کو ده‌ستهلاتداریا یەنەکێ ژنووڤه بخن ده‌سته خوه، هه‌ول ددن. ل هه‌مبه‌ری ڤێ هه‌ولدانێ ژی کورێ جه‌لال تالەبانی و نه‌ڤیێ ئیبراهیم ئه‌حمه‌د ژ بۆنا کو پێشیا پسمامێ خوه لاهۆر جه‌نگی بگره، ته‌رر دکه و ته‌ره‌فتدارێن لاهۆر جه‌نگی تەسفیە دکن و وه‌ندا دکن.
مخابن ئه‌ڤ شه‌رێ ل سلێمانیێ ره‌وشێ ئالۆزتر دکه. له‌ورا پەکەکێ و رێخستنێن دن یێن ژ ده‌وله‌تا ئیرانێ را تاشه‌رۆنی دکن، ژ سلێمانیه‌یێ فرسەتی دبینن کو زرارێ بدن ده‌ستهلاتداریا باژێر و ده‌وله‌تا فه‌ده‌ره یا کوردستانێ. ئه‌و شه‌رێن ناڤخوه یێ یەنەکێ ژ بۆنا کارێن ته‌رۆریستی یێن پەکەکێ و رێخستنێن ته‌رۆریست یێن دن ده‌رفه‌ته‌کا مه‌زن و ره‌وشه‌کا تاری ل سلێمانیێ دقه‌ومینه.
دڤێ هه‌موو کورد و ب تایبه‌تی ژی حکەمەتا فه‌ده‌ره یا کوردستانێ و حکومه‌تا فه‌ده‌رال یا ئیراقێ قه‌وماندنێن د ناڤ یەنەکێ دا ل سلێمانیێ تێن هۆلێ، ژ نێزک ڤه بشۆپینن.
دوورکه‌تنا یەنەکێ ژ مه‌جلیسا کوردستانێ و حکومه‌تا کوردستانێ ژی ژ خرابیان را رێ ڤه‌دکه. دڤێ ئه‌ڤ پرسگرێکا مه‌جلیسێ و حکومه‌تێ ب له‌زووبه‌ز چاره‌سه‌ر ببه.
تاتوان ٢٠٢٣/٧/٧
