زۆنا کەسک ژ بۆ پەکەکێ بوویە زۆنا سۆر
ب سالانه کو سنۆرێ سلێمانی، گه‌رمیان و هه‌له‌بجه ژ بۆ رێڤه‌به‌ر و کادرۆیێن پارتییا کارکەرێن کوردستانێ (پەکەکە)یێ بوویه قادا سۆر یا مه‌ترسیدار کو، هەیام هەیما بەرپرس و کادرۆیێن وێ پاتیێ ل زۆنا کەسک تێن کوشتن. ل گۆر چه‌ند به‌لگه‌یێن کو که‌تنه ده‌ستێ پەکەکێ، ده‌زگه‌هێن ئیستخباراتا یەکێتییا نشتمانیا کوردستانێ (یەنەکە) ئالیکاریا میتا ترکیێ دکن.
زۆنا سلێمانیێ پشتی سه‌رده‌ستیا پەکەکێ
ل زۆنا سلێمانیێ، د ڤان سالێن داوی دا، ژ به‌ر سیاسه‌تا شاش یا یەنەکێ و زێدەرێڤەکرن ژ چالاکیێن پەکەکێ را، بوویه ئەگەر کو پەکەکە ناڤچه‌یێ بگره ده‌ست و ده‌ستێوه‌ردانا د گه‌له‌ک خوه‌پێشاندان و چالاکیێن وی سنۆری دا بکه. هەتا گەهشتیە کریارا د سالا ۲۰۱۸ئان دا کو پەکەکێ ل دوکانێ ۳ وه‌لاتیێن ترکیێ ب ئیدیعایا کو ئه‌ندامێن میتا ترکیێ نه ل به‌ر ده‌ریێ ده‌زگه‌هێن ئه‌وله‌هیێ یێن یەنەکێ ره‌ڤاندن.
کارڤەدانا ترکیێ ل هه‌مبه‌ر پەکەکێ
چالاکیێن پەکەکێ یێن ل سه‌ر سنۆر راستی کارڤەدنەکا دژوار ژ ئالیێ ترکیێ ڤە هات، هه‌تا هشیاری و گه‌ف ل یەنەکێ هات کرن، هه‌روها گرتنا فرۆکه‌خانه‌یا سلێمانیێ ل سه‌ر ئه‌سمانێ ترکیێ، کو چه‌ندین جار وه‌ک کارته‌کا فشارێ ژ بۆ جیبجیکرنا داخوازێن خوه گرتیه کو ڤێ هه‌موو ژی ته‌نێ زیان گەهاندیه خه‌لکێ سلێمانیێ و باژێر و بوونه رێگر د ناڤبه‌را به‌رژه‌وه‌ندیێن پەکەکێ و یەنەکێ ژ ئالیه‌کی و ترکیێ ژ ئالیێ دن ڤه.
زۆنا که‌سک ژ بۆ کادرۆیێن پەکەکێ
پشتی یەنەک و ده‌زگه‌ها ئیستخباراتێ، د چارچۆڤه‌یا رێکه‌فتنه‌کێ دا د سالا ۲۰۱۸ئان دا ژ بۆ بده‌ستخستنا ئارمانجێن هه‌ر دو ئالیان (ینک و ترکیێ)، کو ده‌ستێن خوه ب میتا ترکیێ را ته‌ڤلهه‌ڤ کرن و بوون چاڤێن ترکیێ کو سه‌رکرده و کادرۆیێن پەکەکێ بکه‌ن ئارمانج، ئیرۆ زۆنا کەسک ژ بۆ کادرۆیێن پەکەکێ بوویە زۆنا سۆر. ترکیێ ژ بۆ کوشتنا سه‌رکرده و کادرۆیێن پەکەکێ ده‌ست ب کامپانیایه‌کێ کر. هه‌موو که‌سێن هاتن کوشتن کارمه‌ند و کادرۆیێن پایه‌بلند یێن پەکەکێ بوون.
یه‌ک ژ وان ئه‌ندامێ کۆنسه‌یا رێڤه‌به‌ر ئا کەجەکێ دیار غه‌ریب بوو، پشتره ئایاز (ده‌مهات عەگید) و ئه‌سه‌ر ئیرماک (جه‌میل ئامه‌د) د ۲۳ێ جۆتمه‌ها ۲۰۱۹ان دا ل ئەزمارێ ژ ئالیێ ترکیێ ڤە هاتن کوشتن. د ۱۸ێ ئیلۆنا ۲۰۲۱ئان دا ئه‌ندامێ کۆمیته‌یا مالباتێن شه‌هیدان یا پەکەکێ یا باشوورێ کوردستانێ یاسین بولوت ب ناسناڤ، شوکری سه‌رهه‌د، ل باژارێ سلێمانیێ هات کوشت. پشتی ڤێ بوویەرێ ئاژانسا ئەنادۆلێ ل رۆژا ٢٠٢٣/٦/٢٢ راگەهاند کو (میت) ێ ئۆلاش دۆغان، ب ناسناڤێ، ئۆلاش دێرسم، هاتیه کوشتن.
د ۲۸ێ تیرمه‌ها ۲۰۲۲ئان دا ئه‌نداما ئه‌نجومه‌نا رێڤه‌بر یا پەکەکێ، خه‌دیجه هه‌زار، ل کامپا عه‌ربه‌تێ هات کوشتن، د ۲۰ێ گولانا ۲۰۲۲ئان دا ترکیێ ئۆتۆمۆبیله‌کا پەکەکێ ل سنۆرێ ئاغجەلار کر ئارمانج و به‌رپرسێ دۆسیەیا که‌رکووکێ دگه‌ل هەر یەک ژ ئارام توتاله‌یی مپختارێ گونی یێ دن ژی ب ناڤێ ئیسمائیل سارچناری کوشتن.
د ۲۳ێ جۆتمه‌ها ۲۰۲۰ئان دا ترکیێ راگەهاندبوو کو تیمێن ئۆپه‌راسیۆنێن تایبه‌ت یێن میتێ فه‌رهاد ته‌کنار ناسکری ب فورات بۆتان کو گەریلەیەکێ پەکەکێ بوو، د ئۆپه‌راسیۆنه‌کێ دا جهێ مانا وێ ئاشکەرە کرن و ل سلێمانیێ ده‌سته‌سه‌ر کرن و ب گۆتنا ژێده‌ره‌کی ئه‌وله‌هیێ ئەو گەریلایێ پەکەکێ د لیسته‌یا ترکیێ دا بوو، ئه‌و هاته گرتن و بۆ ترکیێ هاته ڤه‌گوهه‌ستن.
ره‌وشا کادرۆیێن پەکەکێ پشتی گرتنا فرۆکه‌خانه‌یا سلێمانیێ
رۆژا شه‌میێ ۳ێ نیسانا ۲۰۲۳، رێڤه‌به‌ریا فرۆکه‌ڤانیا سڤیل یا ترکیێ گه‌شتێن خوه یێن فرۆکه‌خانه‌یا ناڤده‌وله‌تی یا سلێمانیێ راوه‌ستاندن. ئەگەرێ ڤێ یەکێ ژی ڤەگەران ژ بۆ زێده‌بوونا چالاکیێن پەکەکێ ل پارێزگه‌ها سلێمانیێ.
ل گۆری ئاگاهیان، رایه‌دارێن یەنەکێ گه‌له‌ک ئالیکاری دانه ده‌زگه‌ها سیخوریێ یا ترکیێ، د ڤێ هه‌یامێ دا ب ده‌هان کادرۆیێن پەکەکێ د ناڤا یەنەکێ دا بوونه ئارمانجا ئێریشێن ترکیێی، کو د ناڤ وان دا (حسێن ئارسان) کو وه‌که په‌نابه‌ره‌کی سیاسی ل سلێمانیێ دژی و د ناڤا رێکخستنێن سەر ب پەکەێ ڤە کار دکر، هاته گوله‌بارانکرن. سبه‌ها رۆژا شه‌میێ ٢٠٢٣/٦/١٠ ل به‌ر ئۆفیسا رێخستنا زه‌حمه‌تکێشان یا مه‌زۆپۆتامیا پشتی ۱۷ ده‌مژمێران ل نه‌خوه‌شخانه‌یێن باژارێ سلێمانیێ ژیانا خوه ژ ده‌ست دا.
چه‌ند رۆژ پشتی بوویه‌رێ، مه‌دیایا فه‌رمی یا ده‌وله‌تا ترکیێ راگەهاند، کو ده‌زگه‌ها ئیستخباراتا وی وه‌لاتی (میت) د ئێرشه‌کێ دا ل چه‌مچه‌مالێ ۳ به‌رپرسێن پەکەکێ هاتنه کوشتن.
ئاژانسا نووچه‌یان یا فه‌رمی یا ده‌وله‌تێ ئانادۆلو راگەهاند کو ل ده‌ردۆرا سلێمانی (چه‌مچه‌مال) سێ بەرپرسێ پەکەکێ ب ناڤێن: محه‌مه‌د عه‌لی یێ ب ناڤێ فه‌همی ئۆگمه‌ن، ب ناسناڤێ سینان دژوار، مه‌همه‌ت سالح چاکال، ب ناسناڤ مەزلووم کۆچه‌ر و ئەهمه‌ت مهەمد عەلی یێ ناسیار ب ئارارات تۆلهلدان بوون ئارمانجا ترکیێ و هاتن کوشتن.
ناڤه‌ندا راگەهاندن و چاپه‌مه‌نیێ یا هێزێن پاراستنا گه‌ل (هەپەگ)ێ یا سەر ب پەکەکێ ڤە د ٤ێ هه‌زیرانا ۲۰۲۳ئان دا دانپێدان کر کو ۳ به‌رپرسێن وێ د ئێریشا ده‌وله‌تا ترک دا ژیانا خوه ژ ده‌ست دایه.
هه‌ری داوی ژی کادرۆیه‌کی دن یێ پەکەکێ ب ناڤێ رەمەزان گونه‌ش ژ سلێمانیێ ژ ئالیێ ترکیێ ڤه هاتبوو ره‌ڤاندن، لێ پەکەکێ پشترا راگەهاندبوو کو گونه‌ش بریارا ده‌رکه‌تنا ژ پەکەکێ دایه و خوه راده‌ستی ترکیێ کریه.
د ۱۳ێ حه‌زیرانا ۲۰۲۳ئان دا به‌رپرسه‌کی دن یێ پارتیا کارکه‌رێن کوردستانێ کو به‌رپرسێ رێخستنێن وێ پارتیێ ل پێنجوێنێ بوو، د ئێریشه‌که ترکیێ دا هات کوشتن.
حوسێن محه‌مه‌دی کو د ناڤ پەکەکێ دا ب ناڤێ ئاردال ئامه‌د تێ ناسکرن و ئه‌ڤ ده‌مه‌که درێژه ل پێنجوێنێ کادرۆیێن پەکەکێ په‌روه‌رده دکه، بەری چەند رۆژەکان ل چیایێ ئاسۆسێ ل نێزیکی گوندێ گەلالە ژ ئالیێ هێزێن ترکیێ ڤه هات کوشتن.
کادرۆیێ پەکەکێ یێ پێنجوێنێ ئه‌ندامێ پایه‌بلند یێ پژاکێ بوو، لێ پشترا ژ رانیا برن قه‌ندیلێ.
ل گۆری ئاگاهیان، حوسێن محه‌مه‌دی خه‌لکێ باژارێ مه‌ریوانێ یێ رۆژهلاتێ کوردستانێ بوو، د سالا ۲۰۱۳ێ دا دگه‌ل چه‌ند فه‌رمانده‌یێن له‌شکه‌ری ته‌ڤلی پەکەکێ بوو هەڤالینیەکا باش دگەل فەرماندارێ یەنەکێ هەبوو. د وێ سالێ دا مالبات و زارۆکێن خوه هشت و ژ ترسا پەکەکێ تێکلی ب وان را بری.
رۆژا ۱٤ێ حه‌زیرانا ۲۰۲۳ێ ئاژانسا فه‌رمی یا نووچه‌یان ئانادۆلو راگەهاندبوو، کو به‌رپرسه‌کی دن یێ پەکەکێ کو، د ئێریشا سالا ۲۰۱۷ئان دا ل ئیزمیرێ کو د ئه‌نجامێ دا پۆلیسه‌کێ حکومه‌تا ترکیێ هاتبوو کوشتن، د ئۆپه‌راسیۆنه‌که ئاژانسا ئیستخباراتا ترکیێ میت-ێ دا هات کوشتن.
ل گۆری ئاژانسێ، ناڤێ سه‌رکرده‌یێ پەکەکێ (ئه‌بدولقه‌هار قەراساج) ه کو د ناڤ رێخستنێن پەکەکێ دا ب عەلیشێر چیا تێ ناسکرن.
ئانادۆلو گۆت، ئه‌و د سه‌رێ لیسته‌یا لێگه‌رینێ یا ترکیێ دا بوو و یه‌ک ژ به‌رپرسێن رێخستنا تایبه‌ت بوو، کو به‌رپرسێ ئۆپه‌راسیۆن و چالاکیێن ئستخباراتی د ناڤ پەکەکێ دا بوو.
ب دەستکاریڤە ژ باسنیوز هاتیە وەرگرتن
