ناڤەرۆكا جڤینا لوتكەیێ
ل باكویێ سه‌رۆک نێچیرڤان بارزانی و سه‌رۆک ئیلهام عەلیێڤ چەند مژارێن گرنگ نرخاندن
پشتی ب سه‌ردانه‌کا فه‌رمی گه‌هشتیه باکویێ، پایته‌ختێ ئازه‌ربایجانێ، ئیرۆ دانێ نیڤرۆ ٢٠٢٣/٧/١٨ێ، برێز نێچیرڤان بارزانی سه‌رۆکێ هه‌رێما کوردستانێ ژ ئالیێ برێز ئیلهام عەلیێڤ سه‌رۆکۆمارێ ئازه‌ربایجانێ ڤه ل کۆشکا کۆماری ب گه‌رمی هات پێشوازیکرن.
د جڤینه‌کا دۆستانه دا هه‌ر دو ئالیان ته‌که‌ز ل سه‌ر پێشخستنا په‌یوه‌ندیێن ئازه‌ربایجانێ دگه‌ل هه‌رێما کوردستانێ د هه‌موو واران دا، ب تایبه‌تی د وارێن ئابۆری، بازرگانی، گه‌شتیاری و ئه‌نه‌رژییێ دا و ده‌رفه‌تێ وه‌به‌رهه‌مانین و سه‌رمایه‌رازاندنا کۆمپانیایێن ئازه‌ربایجانی ل هه‌رێما کوردستانێ گۆتووبێژ کرن.
هه‌ر وها ته‌که‌ز ل سه‌ر گرنگیا ڤه‌کرنا کۆنسولخانه‌یا گشتی یا ئازه‌ربایجانێ ل هه‌رێما کوردستانێ کرن کو، به‌ری نها بریار ل سه‌ر هاتیه دایین و پرۆسه‌یا ڤه‌کرنا وێ د پاشه‌رۆژه‌کا نێزیک دا تمام دبه کو، دێ ژ بۆ پێشخستنا په‌یوه‌ندیان و هه‌ڤکاریێن هه‌ڤبه‌شێن هه‌ر دو ئالیان کار بکه.
هه‌روەسا داوین ته‌دبیر و پێنگاڤێن گه‌شتێن ئاسمانی یێن د ناڤبه‌را هه‌ولێر و باکویێ و ژ باکو بۆ به‌غدایێ و چه‌ند ناڤچه‌یێن دن یێن ئیراقێ و هێسانکرنا دایینا ڤیزه و په‌ڤگوهه‌رتنا سه‌ردان و شاندێن هه‌ر دو ئالیان گۆتووبێژ کرن.
