بارەگەهێ بارزانی ل سەر دیدارا میری٢٠٢٦ێ هاتە دەنگ و ڕاگەهاند: “دیدارا میری چو پەیوەندی ب مە ڤە نینە”
هەولێر – سبەهی:
بارەگەهێ بارزانی د ڕاگەهاندنەکێ دا ل سەر برێڤەچوونا دیدارا میری ٢٠٢٦ ل باژێرێ هەولێرێ، دلگارانییا خوە بەرانبەر چەوانییا برڤەچوون و بانگهێشتکرنا مێهڤانان بۆ وێ دیدارێ ئاشکەرا کر و ڕاگەهاند کو وێ کۆڕبەندێ چو پەیوەندی ب وان ڤە نینە.
بارەگەهێ بارزانی د ڕاگەهاندنا خوە دا ئاماژە ب وێ یەکێ کریە کو جهێ مخابنیێ یە ئەڤ سالە کۆڕبەندا میری نەشیاییە ب ئاوایەكی شایستە فرەئالییا سیاسی و بەشدارییا ئالییێن سیاسی یێن بەشێن دی یێن کوردستانێ د بانگهێشتکرنا مێهڤانان و پانەلان دا بکەت، د دەمەکێ دا کو د دیدارەکا وەها گرنگ دا پێتڤی بوو نوێنەرێن دۆزا گەلێ کورد ل بەشێن دی یێن کوردستانێ ب بەشدارییا سەرجەم ئالییان ڕەنگ بدەت.
هەروەسا د وێ ڕاگەهاندنێ دا هاتییە دیارکرن کو ئەڤ جۆرە مامەلەکرنە نیگەرانییا خەلکێ تێکۆشەر و ڕەسەن یێن بەشێن دی یێن کوردستانێ دروست کریە و دبە سەدەمێ قووڵکرنا پەرتەوازەیی و دووبەرەکییا د ناڤبەرا ڕۆلێن گەلێ کوردستانێ دا. د دووماهییا ڕاگەهاندنێ ژی دا، بارەگەهێ بارزانی هەمی ئالی ئاگەهدار کرینە کو کۆڕبەندا (میری) چو پەیوەندی ب وان ڤە نینە.
