په‌یاما سه‌رۆک نێچیرڤان بارزانی ب هه‌لکه‌فتا رۆژا جیهانی یا کارکه‌ران

 سەرۆک نێچیرڤان بارزانی د پەیامەکێ دا رۆژا جیهانی یا کارکەران ل کارکەرێن کوردستان و جیهانێ ب گەرمی پیرۆز دکە و بەشداربوون و قوربانیدانا کارکەران د شۆرەشێن کوردستانێ دا و کەدا وان د ئاڤاکرنا وەلات دا بلند دنرخینە.

سەرۆکێ هەرێما کوردستانێ د پەیاما خوە دا پشتەڤانیا خوە ژ بۆ مافێن رەوا یێن کارکەران نیشان ددە و داخوازا قانوونەکا سەردەمیانە ژ بۆ پاراستنا مافێن کارکەران دکە.

ئەڤ ل ژێر تێکستا پەیامێ:

په‌یاما سه‌رۆک نێچیرڤان بارزانی ب هه‌لکه‌فتا رۆژا جیهانی یا کارکه‌ران

۱ێ گولانێ، رۆژا جیهانی یا کارکه‌ران، ب گه‌رمی ل کارکه‌رێن کوردستان، ئیراق و جیهانێ و سه‌ندیکا و رێخستنێن کارکه‌ران پیرۆز دکم. به‌شداربوون و قوربانیدانا کارکه‌رێن کوردستانێ د شۆره‌شێ دا و رۆلا وان یا به‌رچاڤ و که‌دا وان د پرۆسه‌سا بنیاتدانان و ئاڤادانکرنا کوردستانێ دا بلند دنرخینم و هێڤیا سه‌رکه‌فتنێ ژ بۆ وان دخوازم.

ب ڤێ مناسبه‌تێ، ته‌ڤی نیشاندانا هه‌موو پشته‌ڤانیێ ژ بۆ ماف و داخوازێن ره‌وا یێن کارکه‌ران، ته‌که‌زی ل سه‌ر پێویستیا هه‌بوونا قانوونه‌ک مۆده‌رن یا کار ژ بۆ پاراستنا مافێن کارکه‌ران و دابینکرنا زه‌مینه‌یه‌ک سه‌لامه‌ت، ژینگه‌هه‌ک مناسب و ب دروستی  رێکخستنا ده‌مژمێرێن کار و وه‌کهه‌ڤیێ د ده‌رفه‌تێن کار دا دکن. دڤێ زێده‌تر گرنگی ب ژیان و ژیارا کارکه‌ران  و مالباتێن وان بێ دان و سه‌ندیکا و رێخراوێن کارکه‌ران  ژ بۆ مافێن وان ب چالاکتر بخه‌بتن.

ئه‌م سلاڤ و رێزێن خوه‌ ژ بۆ که‌سووکار و مالباتێن کارکه‌رێن د ده‌ما کار دا ژیانا خوه‌ ژ ده‌ست دایە دشینن و ئه‌رکێ ئالیێن په‌یوه‌ندیداره‌ کو ب هه‌ر ئاوایی ئالیکاری و سه‌خبێریا وان بکن.

یه‌کێ گولانێ ل هه‌موویان پیرۆز به‌ و بێنڤه‌دانه‌ک ئارام و به‌خته‌وه‌ر ژ بۆ  کارکه‌ران دخوازم.

نێچیرڤان بارزانی

سه‌رۆکێ هه‌رێما کوردستانێ

٢٠٢٣/٥/١