سه‌رۆکێ گشتی یێ پارتیا ئینسان و ئازادیێ (پیا) گۆت کو سه‌رۆک بارزانی ژ بۆ گه‌لێ کورد که‌سایه‌تیه‌ک گه‌له‌ک گرینگه و ته‌نێ ئه‌و دکاره د ڤه‌ژاندنا پرۆسه‌یا ئاشتیا د ناڤبه‌را ترکیێ و پەکەکێ دا رۆل بلیزه.
ئەحمه‌د کایا، سه‌رۆکێ گشتی یێ پارتیا ئینسان و ئازادیێ (پیا)، ژ ک۲٤ێ را ئاخڤی و بەحسا پێڤاژۆیا حاستیێ د ناڤبەرا حکومەتا ترکیێ و پەکەکێ دا کر و د ده‌ربارێ ده‌ستپێکرنا پێڤاژۆیه‌ک نوو یا چاره‌سه‌ریێ دا گۆت: “کورد پێشتر ب هه‌ستیاری نێزیکی پێڤاژۆیا چاره‌سه‌ریێ بووبوون، لێ ژ نها و پێ ڤه دڤێ کورد ب ستراته‌ژی، ب پلان و به‌رنامه نێزیکی وێ ببن. ژ به‌ر شه‌رت و مه‌رجێن کوردان یێن نها، نه وه‌ک یێن ۲۰۱۲ و ۲۰۲۳ئانه و دڤێ ژ ئالیێ کوردان ڤه که‌سێن کو گۆتنێن وان ب قیمه‌ت و روومه‌تن رۆلا خوه بلیزن”.
کایا هه‌روه‌ها گۆت ژی: “سه‌رۆک بارزانی ژ بۆ گه‌لێ کورد که‌سایه‌ته‌ک پر گرینگه. ده‌ما کو دئاخڤه، پارتیێن دن ژی گۆتنێن وی جدی دگرن. له‌وما دکاره ب تێکلیێن خوه یێن سیاسی د ڤه‌ژاندنا پێڤاژۆیا چاره‌سه‌ریێ دا رۆلا خوه بلیزه”.
وەکە تێ زانین بەری ٨ سالان، سالا ٢٠٢٥ێ، پێڤاژۆیا چارەسەریێ ل باکورێ کوردستانێ دەست پێ کر بوو. لێ مخابن ئەڤ پێڤاژۆ بەردەوام نەکر و تێک چوو، ب تایبەتی پشتی دو پۆلیسێن ترکییێ هاتینە کوشتن و پەکەکێ کوشتنا وان هەر دو پۆلیسان خستە سەر خوە،
