ڕەفەراندوما سەرخوەبونێ

ھزرا ملەتەکی بکن؛ مافێن ھەڤبەشیێن بنگەھین و ب سەدان مافێن تاکەکەسی ب زۆرێ ژ دەستێ وی ھاتنە گرتن.

خەلکەکی بفکرن؛ وێرەکترین کەسێن ژ بەر کو ل دژی ڤێ نەھەقییێ دەنگێن خوە بلند کرنە؛ ھاتنە کوشتن، نیڤمری بوونە رێوییێن زندانان. گەلەکی بفکرن، وێرەکترین زارۆکێن وی ژ بەر کو گۆتن تێرێ نەکریە؛ راھشتنا چەک؛ بوونە ئەشقییا، بوونە تەرۆریست، بێپشت و پشتگر مانە.

ئاھا ئەڤ خەلک، ئاھا ئەڤ گەل گەھشت کەڤییا گەرینەکا ئازارداریا١٠٠- ٢٠٠ سالان تێ دە نالییایی، جارا یەکەم ب رەواترین ئاوا، ژ دنیایێ رە راگھاند؛ ئەز چ دخوازم…

یێن کو دبێژن ھین زوو بوو، یەک بەرسڤ ژ وە رە ھەیە: مومکنە پر دەرەنگ مابوو. ھشەکی زندی نکارە دەما ڤێ پێنگاڤێ بخە بەر پرسێ. وێ کوردێن قەدرشیناس ھەرتم ھەز ژ مەسعود بارزانی یێ کو ب ریسکەکە مەزنا سیاسی، بوو دەستپێشخەرێ ڤێ سەرکەتنا ھێژا، بکن.

ژخوە وی ژ زوودەیە جھێ ڤێ قەدرشیناسییا دیرۆکی ب دەست خستیە. یێن کو دخوازن ب “کێمووکاسییێن سیاسەتا خالووخوارزیتی”یا ژ کەڤنەشۆپییا جڤاکی، ڤێ پێنگاڤا دیرۆکی بلەوتینن، سەرکەتنا وێ بچووک بخن، ب ئیھتمالا ھەری باش؛ یان دو تشتێن پر جدا ل ناڤھەڤ دخن، –ب ئیھتمالا ھەری خراب ژی پارێزەرییا ئاژاندەیێن دزی دکن.

سێ بژاردە ل بەر یەکی ھەنە کو بەرسڤا پرسەکێ بدە:

١- رەوشا نۆرمالیا ژییانێ جەھالەتە، ببێژە ئەز نزانم (کو ئەڤ ھەلوێستەکە ھەڤچەرخ و وێرەکە)،

٢- بەرسڤەک ھەبە، لێ ب زانین بەرسڤ نەدان (کو ئەڤ ترسۆنەکی و بێبەرپرسییە)،

٣- بەرسڤا راستەراست دان؛ زێدەتر %٩٠ی کەسێن ھەری وێرەک و خوەدی بەرپرسییار،

• ژ بۆ یەک ژ پرسێن مافێن بنگەھینیێن کوردان کو دڤیابوو بەری بسەدان سالان ژ وان بھاتا پرسین- چوون سەر سندۆقان و گۆت: ئەرێ.

ئەڤ یەک ژ ئەنجامێن ھەری بلندیێن رەفەراندومێن ھەمان جووریێن ل دنیایێ یە. یێن بەشداری رەفەراندومێ بوون و گۆتن ئەرێ، ئەم دەولەتێ دخوازن، بوون بەشدارێن بدەستخستنا ڤێ سەرکەتنا دیرۆکی.

نوھا د دەستێ مە دە تاپویەک وەکی چییایەکی ھەیە. ئێدی کەس نکارە چاڤێن خوە ل بەر داخوازا کوردێن باشوور کۆر بکە. کەس نکارە ئاوایێ دەربرینا ڤێ داخوازێ نەقانوونی ل قەلەم بدە.

گەر ھنەک ئالی ل دژی ڤێ داخوازا رەوایا کوردان دەربکەڤە؛ د دەستێ مە دە وەرەقەیا بھێز و رەوایا “ئنتەرناتۆنا لاو”یا ناڤنەتەوی ھەیە. دڤێ ئەم ژ ھەر رێخستنا سیاسییا کورد، یا کو ل دژی ڤێ داخوازا گەلی دەردکەڤە، ڤێ پرسێ بکن: %٩٠ێ خەلکێ کورد گۆت ئەرێ. ھوون چ دبێژن؟

ھەر پێڤاژۆیەک خوەدی کینەتیکەکێیە. پرسا “ئەمێ چەند سەدسالێن دن ل بەندێ بن؟” راپرسینا ڤێ پێڤاژۆیێ یە. یێن کو ژ کوردان رە دبێژن؛ راوەستن، ھین زوویە، ل بەندێ بن- دڤێ ب توندی بێن رەخنە کرن.

وەخت نە تشتەکە کو ئەم بکاربن ڤردە وردە دەرباس بکن. بەرەڤاژی ژییانا پر کنە و سەربخوەبوون نە ب تەنێ جھێزەکە، ئەم ژ بۆ زارۆک و نەڤییێن خوە د سندۆقان دە ڤەشێرن –ژ مە رە ژی پێویستە.

مورات ئارد ٢.١٢.٢٠١٨

وەرگەر: جەمال سۆنمەز