ناڤەرۆكا نامەیا ڤاتیكانێ بۆ نێچیرڤان بارزانی

پاپایێ ڤاتیکانێ پاپا فرانسیس کو 5-7ێ ئادارا ئیسال سه‌ردانا پایتەختێ ھەرێما كوردستانێ ھەولێرێ كربوو،  نامەیەك ژ سه‌رۆکێ هه‌رێما کوردستانێ نێچیرڤان بارزانی ڕا شاند.

ئەڤ ل ژێر تێكستا نامەیا پاپایێ ڤاتیكانێ

سه‌رۆکێ هه‌رێما کوردستانا ئیراقێ یێ هێژا نێچیرڤان بارزانی.

سلاڤه‌کا‌ برایانه‌…

ئه‌ز کێفخوه‌شم کو سلاڤه‌کا برایانه‌ پێشکه‌شی جه‌نابێ وه‌ دکم و ئه‌ز هیڤییا سه‌لامه‌تی و به‌خته‌وەریێ ژ بۆ وه‌ و گه‌لێ وه‌ یێ خوه‌شتڤی ‌ دخوازم. ئه‌ز هێڤی دکم کو هوون و هه‌موو هه‌ڤکارێن وه‌ هه‌ر ده‌م ته‌ندوروستباش  و سه‌لامه‌ت بن و د باڤ خێر و خوەشیا دا بن.

ئەز حه‌ز دکم ژ بۆ جه‌نابێ وه‌ و ته‌ڤایا کاربده‌ستێن ل گه‌ل وه‌ و هه‌موو گه‌لێ ئیراقێ، ب تایبه‌تی خەلكێ خوەشتڤیێ  کورد، هه‌ستێن خوه‌ یێن کوور، یێن سپاسگوزاریێ ژ بۆ وێ پێشوازی و میهڤانداریا گه‌رم ده‌ردبرم کو وه‌ ل من و شاندا ل گه‌ل من کری. ھەروەسا  هێڤیدارم سلاڤ و ڕێزێن من ب جه‌نابێ برێز مه‌سروور بارزانی سه‌رۆکێ حكومەتا ھەرێما کوردستانا ئیراقێ بگەهینن. سپاسیا وه‌ دکم کو ھەوه‌ ب خوه‌ به‌شداری ل نمێژ و پیرۆزباهیکرنا مه‌ یا ل یاریگه‌ها فرانسۆ حه‌ریری ل هه‌ولێرێ کر، ئه‌ڤە نیشانا گیانێ خوەشبینی و لێبۆرینی و برایه‌تی و مرۆڤیا وه‌یه‌.

ئه‌و ڕۆژێن کو من د گه‌ل وه‌  دا ب سه‌ر برن، من هه‌ست کر ئه‌و پرئۆلی، پرکولتووری و پرنه‌ته‌وه‌ییا ل جڤاکا ئیراقی هه‌یه‌، ‌ ژ بۆ ھەوە و ژ بۆ جیهانێ ژی پشته‌ڤانیه‌کا مه‌زنه. ئیرۆ ژ ئیراقێ  تێ چاڤەرێكرن كو ژ ھەموویان را و ب تایبەتی ژ رۆژھەلاتا ناڤین را بسەلمینە كو تەڤی ھەموو جوداھیان ژی   دکارە ب  هه‌ڤرا و ب ھەڤراكاركرن د ئاڤاكرنا ژیانا مەدەنی، مۆكمكرنا تێكەلیێن براتی و ھەڤكاری ژ بۆنا چاكی، ئاشتی و گەشبوونا ھیڤیێن پاشەرۆژەكا باشتر دا ھەڤكار بە.

جه‌نابێ سه‌رۆک!

ئەز دخوازم ژ بۆ  وان ھەموو كارێن وە ئەنجام دانە و ئەنجام ددن  ژ بۆنا بجھكرنا ئاشتیێ دا و وێ ھەموویا ھوون ژ بۆ ئۆل و پێكھاتەیێن جڤاكێ پێشكەش دكن سپاسیێن خوه‌ یێن ڕاستگۆیانه‌  پێشكەش بكم.

سپاسیا وە دكەم و نفشێن بێن ژی دێ سپاسیا وە بكن ژ بۆنا كارێن وە یێن باش د خزمەتكرنا چاكی و قەنجیا گشتی دا.

ژ خوه‌دایێ مه‌زن هیڤیدارم كو پشته‌ڤانێ ئه‌رکێن وه‌ بە و ژ بۆ ڕێیا دانایی و دادگه‌ری و ڕاستیێ، ڕێنشانده‌ریێ ل وه‌ بکه‌ و ته‌ندروستی و سه‌لامه‌تی و پێشکه‌تن و پێشخستنا به‌رده‌وامیێ ب وه‌ ببه‌خشە.

پاپا فرنسیس

رۆژا 15 ئادارا 2021

ڤاتیکان

نێرین / شیرۆڤە