شاندا ئیمڕالیێ یا پارتییا دهمێ سهردانا ئیمڕالی كر و ب ئۆجەلانی را روونشتنهكا درێژ ئهنجام دا. روونشتنێ ٥ دهمژمێر دهوام کر. پشتی شاندا دهمێ ژ ئیمڕالیێ زڤڕیین و داخۆیانییهك دان و گۆتن كو، دێ پاشی ل دۆر روونشتنێ داخۆیانییهكێ ڕاگههینن.
د ڕاستییا خوە دا دهوڵهت ب دهزگههێن خوە ئێن نهێنی ڤه روونشتنێن ئهساسی دگهڵ ئۆجەلانی دكهت، دهوڵهت، ئۆجەلان و قهندیل وهك سێ لایهن كاردكهن دا پرۆسهیا “توركییا بێ ترۆر” ببهنه سهری.
د ڤێ دهربارێ دا هیچ رۆلهكێ پارتییا دهمێ نینه و نه خودانێ هیچ بڕیارهكێ نه ژی. ههیئهتا دهمێ ژی ژ لایێ ئۆجەلان و دهوڵهتێ ڤه هاتییه دیاركرن و ئهڤ كهسه ژی ژ لایێ راییا گشتی ڤه تێنه ناسین.
دهوڵهت دگهڵ ئۆجەلانی ههوڵددات كو، وهك ئهو دبێژن “تەرۆرێ” خهلاس بكهن. ئهڤه پرسیارهكه (پرسگرێکەکە) د ناڤبهرا دهوڵهتێ و پەکەکێ دا. چو پهیوهندییا ڤێ پرۆسهیێ ب چارهسهركرنا كێشهیا كوردی ڤە ل باكوور یان جههكێ دی نینه. ههتا كو ئهڤ راستییە نههێته دیتن، دێ ئهڤ پرۆسهیه ب شاشی هێته نرخاندن و ههروهسا ب ڤی ئاوایی دێ زهرهرێ دهته تهڤگهرا ئازادیخواز یا كوردستانێ.
د ڤێ دهربارێ دا ئهم دنهێڕین كو، پڕانییا مەدیایا كوردی دههۆلا دهوڵهتێ و پەکەکێ لێددن. ئانكو د چوارچۆڤهیێ پهرسپێكتیڤا كو دهوڵهتێ دیار كری دا نرخاندن تێنه كرن و ههوڵدانا پرسا پەکەکێ ب دۆزا كوردی ڤه گرێبدهن تێته كرن. ئهوێن ڤێ یهكێ دكهن ژی باش دزانن یا ئەو دكهن نه د خزمەتا تهڤگهرا ئازادیخواز یا كوردستانێ دا یه. لێ دكهن. ژ بهر كو بەرژەوەندیێن وان جودایه.
ئهڤ ههڵویستێن شاش هێدی هێدی کلتوورێ كوردایهتیێ ژ ناڤ دبهت. خِزمەتا حهلاندنا كوردا د ناڤ توركییا دا دكهت.
پرۆسهیا د ڕۆژهڤێ دا ڤهكرییه، دهوڵهت دگهڵ پڕانییا پارتیێن تركان، دهم پارتی ژی د ناڤ دا، یاسایهكێ بۆ پەکەکێ ئاماده دكهت. دێ بڕێڤهبهرێن پەکەکێ، ئهندامێن پەکەکێ و ههروهسا چهكدارێن پەکەکێ چهوا ڤەگەرن ترکییێ. وهك دی بۆ چارهسهرییا كێشهیا كوردی هیچ شتهك نینه.
ئهگهر تهڤگهرا كوردی یا كو ل سهر هێلهكا نهتهوهیی سیاسیهتێ دكهت، كێشهیا پەکەکێ و ڤێ پرۆسهیێ روون نهكهت و نهبه خودان ههڵویست، دێ د پاشهڕۆژێ دا پێشییا خۆ نهبینت و كهڤێته د ناڤ ئاڵۆزییهكا مهزن دا.
ئۆجەلان گهلهك ڤهكری د ڕۆژا ئێکێ دا د بهرسڤا باخچهلی دا، بەحسێ ئارمانجا خوە كرییه. ئارمانجا ئۆجەلانی دگهڵ دهوڵهتێ، تێكهڵكرنا كوردان ب توركییا را یه. دهوڵهت ب زانهبوون د ڤێ پرۆسهیێ دا گهلهك ب ههستیاری بزاڤێ دكهت، ناخوازت دڵێ مڕۆڤێن خوە بهێڵت.
دهما بەحسێ پرۆسهیێ تێته كرن لایێ ئهرێنی نسبهت كوردان ئهوه كو، شهڕهكێ بێ واتە كو زهرهرێ ددهته كوردان ب دوماهی تێت. پەکەکە یا كو ئاستهنگا ههری مهزنه ل پێشییا تهڤگهرا ئازادیخواز یا كوردستانێ ژ هۆڵێ ڕادبێت. (ب ئاوایهكی)
هێلا نهتهوهیی یا كوردستانی و هێلا تێكهڵبوونێ ژ ئێك جودا دبە.
وهك دی مهترسی ژی گهلهكن. سوباهی ل ههمبهر تهڤگهرا كوردستانی، پەکەکە دكارت ببهت چهكا ههری مهزن د دهستێ دهوڵهتێ دا.
نووچه / شیڕۆڤه
