مژارا ڕاکرنا تهرمێ پێشمهرگهیا شههید غهزالێ گهرهک د ناڤا کوردان دا ببه پیڤانائهک ئهخلاقی. غهزال ۱٤ێ نیسانا ۲۰۲٦ێ ژ ئهنجاما هێرشەکا دژمنانه یا ئیرانێ بریندار بوو. غهزال ل سلێمانیێ برن چەند نهخوهشخانهیان لێ وان نهخهشخانهیان ئهو وەرنەگرت و برینێن وێ دەرمان نەکرن. بەرپرسێن وان نەخوەشخانەیان گۆتن کو هێزێن ئاساییشا سلێمانیێ ژ بەر ئەگەرێن ئەمنی نههشتنه کو نهخوهشخانه وێ وەربگرن و دەرمان بکن.
ژ خوه ژ ئالییێ تهندرووستی و ئهخلاقێ پزژکیێ ڤه، ئهڤ ڕوورهشیەک گەلەک مەزنە. پێدڤیە بەرپرسێن وان نەخوەشخانەیان و دختۆر و کارمەندێن وان نەخوەشخانەیان وەک تاوانبار بهێن دادگەه کرن ژ بەر کو ئە ژی ب ئاوایەکێ راستەراست دبن شریکێ تاوانا شەهیدبوونا غەزالێ و برینێ غهزالێ دهرمان نهکرن. ههر پزیشک ل ههر کوودهرا دنیایێ به دهما بریندارەک دبینە دڤێ ئەرکە خوە بجهبینە و دەرمان بکە. ههزار جارا لەعنەت ل وێ “سوندا” وان پژشکان به یا کو خوهندن.
ژ ئالیهک دن ڤه دهستهلاتا سلێمانیێ،ئاساییش و ههموو سازییێن وێ د ڤێ پرسێ دا بهرپرسیارن. شریکێ مرنا غهزالێ نە.
کا گهلۆ ئهو سلێمانیا باژارێ بهرخوهدانێ؟ سلێمانییێ ئهرکا خوه یا مرۆڤاهی نهکاری ل هەمبهر کهچهک جوانا کورد کو گیانێ خوه بهخشی وهلاتێ خوه و ئازادیا ملهتێ خوه کریبوو پێکبینه.
مزگهفتێن سلێمانیێ یێن کو تهرمێ غهزالێ قهبوولنهکرین، چو تێکلییا وان ب ئیسلامیێ بە نامینە. ئیسلام ئهخلاقه، ئنسانیه وهفایه و ئهرکهکه ل هەمبهر دلخوهشیا مرۆڤاتیێ. لێ مهلایێن وان مزگهفتان وان سهرێ خوه چەماند. ههتا ئهو بهروڤاژیێ ڤێ یهکێ ئسپات نهکن و ئهو ڤێ پرسێ زهلال نهکن ئهو د ل با خوهدێ و ڤی ملهتی تاوانبارن.
کا مهدیایا کورد چ دکه؟ ژ بۆ ڤێ بابهتێ وهدشێره و ژ ڕۆژهڤا دهرتێخه؟ کا کۆمەلە و رێخستنێن ژنان، کا دهزگههههێن سڤیل و سازیێن مافێ مرۆڤان.
حهیف و مخابن..دهما پیساتی دبارێ هندهک دهستێ خوه هلددن دا کو بههرا ههری مهزن ژ بۆ خوه ببن..
پرسا بخاکسپارتنا تهرمێ غهزالا جوانەمەرگ، د ههمان دهمێ دا بوو پرسا ڕوورهشیا جڤاتهکی..مخابن.. حهیف سلێمانی..
٢٠٢٦\٤\١٨
نێرین/شرۆڤه
