ئاژانسا نووچەیان “ڕۆیتەرز” ژ زمانێ ژێدەرەکێ بالایێ ئێرانی بەلاڤکریە کو ژ بەر شەڕێ دگەل ئەمریکایێ و سەپاندنا گەمارۆیێن توندێن ئابووری، کۆمارا ئیسلامی تەنێ بۆ نێزیکی دو مەهێن دی سووتەمەنی و بەنزین د کۆگەهێن خوە دا هەیە.
ل گورەی ڕاپۆرتا ڕۆیتەرز، بەردەوامبوونا گەمارۆیا دەریایی یا بەندەرێن ئێرانێ ژ لایێ سوپایێ ئەمریکایێ ڤە، هەناردەکرنا نەفتێ ڕاگرتیە کو سەرچاوەیێ سەرەکی یێ داهاتێ ڕژێما ئێرانێ یە.
هەروەسا وی ژێدەری ئاماژە ب وێ چەندێ ژی کریە کو ئێران ژ بەر کەمییا سیانێن پالاوگەهێن خوە، نەچار بویە بەنزینێ ژ دەرڤە هاوردە بکەت، بەلێ گەمارۆیان ئەڤ ڕێکە ژی لێ گرتیە.
ژ لایەکێ دی ڤە، سکۆت بێسێنت، وەزیرێ خەزێنەیێ یێ ئەمریکایێ ڕاگەهاند کو هەفتیا بۆری ئۆپەراسیۆنا “گۆشەگیرکرنا ئابووری” دژی ئێرانێ دەستپێکریە؛ ئۆپەراسیۆنەک کو ئارمانجا وێ توندکرنا گەمارۆیان و بڕینا هەموو چاڤکانییێن داهاتێ سوپایێ پاسداران و ڕژێما ئێرانێ یە.
