د چارچۆڤەیا کۆنفهرانسا ئاساییشێ یا میونشنێ دا (١٤\٢\٢٠٢٦) نێچیرڤان بارزانی، سهرۆکێ ههرێما کوردستانێ، دگهل خانم ئورسولا ڤۆن دهر لهیهن، سهرۆکا کۆمیسیۆنا ئهورۆپایێ جڤیا.
د جڤینێ دا، پهیوهندیێن یهکیتیا ئهورۆپایێ دگهل ئیراق و ههرێما کوردستانێ و پێشهاتێن داوی یێن ههرێمێ هاتن گۆتووبێژکرن. ههردو ئالییان تهکهز ل سهر گرنگیا بهێزکرنا ههڤکاریا ههڤبهش کرن، ب تایبهتی د وان وارێن کو خزمهتێ ژ ئهولههیێ و پێشخستنا ئابۆری دا دکن.
ڕهوشا سووریێ، مافێن گەلێ کورد و پێکهاتهیێن ل وی وهلاتی، مهترسیێن تهرۆرێ و پێشهاتێن داوی یێن ههرێمێ و ئاستهنگیێن ل پێش ئاشتیا ل ڕۆژهلاتا ناڤین چەن مژارێن رۆژەڤا جڤینێ بوون.
سهرۆکا کۆمیسیۆنا ئهورۆپایێ پشتگریا یهکیتیا ئهورۆپایێ ژ بۆ ئارامی و ئهولههیا ههرێما کوردستانێ دووپات کر و ههولێن سهرۆک نێچیرڤان بارزانی و ڕۆلا ههرێما کوردستانێ وهک فاکتۆرهکا گرنگ د وارێ ئهولههیا هەرێمی دا بلند نرخاندن.
