كارڤەدانێن شەر و رەوشا هەرێمی نرخاندن

ئێڤارا رۆژا دوشەمبی٢٠٢٦/٤/٦، رێزدار نێچیرڤان بارزانی، سەرۆکێ هەرێما کوردستانێ، پەیوەندیەکا تەلەفۆنی ژ لایێ رێزدار ئەحمەد ئەلشەرع، سەرۆکێ کۆمارا عەرەبیا سوریێ، پێ گەهشت.
هەردوو ئالییان ل سەر رەوشا دەڤەرێ و پێشهاتێن دوماهیێ یێن شەری و ئەنجامێن وی، گۆهۆڕینا بیر و بۆچوونان کر. د ڤی واری دا، وان تەئکید ل سەر گرنگیا زێدەکرنا بزاڤێن دێپلۆماسی بۆ راگرتنا شەری و چارەسەرکرنا ئاشتیانە یا ئاریشەیان کر.
هەروەسا ل سەر رەوشا هەرێما کوردستانێ و ئیراقێ ژی، تەئکید ل سەر گرنگیا پاراستنا ئارامی و ئەولەهیێ کر. د ڤێ چوارچۆڤەیێ دا، سەرۆک ئەلشەرع ئەو هێرشێن ل سەر هەرێما کوردستانێ دهێنە کرن شەرمزار کرن.
رەوشا کوردان و پێکهاتەیان ل سوریێ، پەیوەندیێن سوریێ دگەل ئیراقێ، دگەل چەندین مژارێن دی یێن گرنگ و هەڤپشک، تەوەرەکێ دی یێ پەیوەندیا تەلەفۆنی بوون.