دەقێ ڕێکەفتنا باڤڵ تاڵەبانی و هادی عامری بۆ ڕادەستکرنا کەرکووکێ!
ب سەرپەرشتیا حەیدەر عەبادی سەرۆکوەزیرێ عێراقێ و ناڤبەینکاریا قاسم سلێمانیێ، ئەوا ڕێکەفتنا نەهخاڵی یا خوارێ د ناڤبەرا بافل تاڵەبانی و هادی عامری دا هاتە ئیمزاکرن كو بۆ دەمەکێ نەدیار چارەنڤیسێ نەتەوەیا کوردی گۆهارت! مەسعود حەیدەر پەرلەمانتارێ بەرێ یێ پەرلەمانێ عێراقێ ڕاگەهاند:
خاڵێن ڤێ ڕێکەفتنێ ژ بیرۆکەیەکا فەرەنسی سەرچاوە گڕتییە بۆ دابەشبوونا هەرێما کوردستانێ بۆ دو ئیدارەیان یان دو هەرێمان، دا کو کورد د پاشەڕۆژێ دا بیر ل مافێ چارەنڤیسێ خوە نەکەت.
پرسیار ئەڤەیە: ئایا ئێکەتییا نیشتمانی و ئاکنجییێن کەرکووکێ و سلێمانیێ، پشتی وێ ڕێکەفتنێ و زڤڕاندنا کەرکووکێ بۆ سەر بەغدایێ، چی ب دەستکەفت؟
١- زڤڕینا هێزێن عێراقێ بۆ دەڤەرێن ڤەقەتاندی و ڤەكشینا هێزێن پێشمەرگەی ژ وان دەڤەران بێ شەڕ.
٢- تەسلیمکرنا ١٧ یەکەیێن ئیداری (قەزا و ناحیە و سەنتەرێ کەرکووکێ) بۆ دەسەلاتا ئیتحادی، ئەو دەڤەرێن هەتا ساڵا ٢٠١٤ێ حکومەتا هەرێما کوردستانێ ئیدارە دکرن. ئەگەر ئەڤە نەهێنە تەسلیمکرن، عێراق دێ داخوازا ١١ یەکەیێن دی ژی کەت یێن كو هەتا سالا ٢٠٠٣ێ هەرێمێ ئیدارە دكرن. کۆمێ گشتی دێ بیتە ٢٨ یەکەیێن ئیداری.
٣- سەنتەرێ کەرکووکێ دێ ئیدارەیا هەڤپشک بیت، ١٥ تاخێن کوردی ژ لایێ کوردی ڤە دێ هێنە ئیدارەکرن و ٢٥ تاخێن دی ژی ژ ئالیێ پێکهاتێن دی ڤە دێ هێنە ئیدارە كرن و ئەڤ حالەتە دێ بۆ شەش هەیڤان بەردەوام بیت.
٤- جهێن ستراتیجی یێن کەرکووکێ دێ ژ لایێ حکومەتا ئیتحادی ڤە هێنە برێڤەبرن؛ سەربازگەها کەیوەن، فڕۆکەخانە و بیرێن نەفتا کەرکووکێ.
٥- ڤەکرنا فڕۆکەخانەیا سلێمانیێ بۆ گەشتێن نێاڤدەوڵەتی.
٦- دانا مووچەیێ فەرمانبەرێن سنوورێ سلێمانیێ و کەرکووکێ ژ لایێ حکومەتا ئیتحادی ڤە.
٧- چێکرنا هەرێما هەلەبجە- سلێمانی- کەرکووک.
٨- پێکئینانا حکومەتەکێ بۆ ڤێ هەرێما نوو.
ئەڤ زانیارییە ژ وێ بەڵگەنامەیێ هاتینە وەرگرتن ئەوا هەردو ئالییان ئیمزا كرین، ئەوا جهێ تێبینیێ یە، جەنابێ عامری سەرکردەیێ حەشدا شەعبییە و چو سیفەتەکێ فەرمی د حکومەتا ئیتحادی دا نینە.
مەسعود حەیدەر
ئەندامێ بەرێ یێ پەرلەمانێ عێراقێ
