سەرۆکێ هەرێما کوردستانێ و ڕاوێژکارێ ئاسایشا نیشتمانی یا بەریتانیایێ جڤیان
هەولێر:
ڕۆژا دووشەمبی، ١٩ێ ئۆکتۆبەرا ٢٠٢٦ێ، نێچیرڤان بارزانی، سەرۆکێ هەرێما کوردستانێ، پێشوازی ل جۆناسان پاوڵ، ڕاوێژکارێ ئاسایشا نیشتمانی یا بەریتانیایێ و شاندەکە دگەل دا کر.
د ڤێ جڤینێ دا، ئارمانجا سەرەکی یا هەر دو ئالییان بهێزکرنا پەیوەندییێن د ناڤبەرا هەرێما کوردستانێ و بەریتانیا، پێشخستنا هاریکاریێن ئەمنی و سەربازی، ڕووبەڕووبوونا تەرۆرێ و پاراستنا سەقامگیریێ بوو.
هەروەسا رەوشا سیاسی یا هەرێما کوردستانێ و هەوڵێن پێکئینانا کابینەیا نوو یا حکوومەتا هەرێما كوردستانێ، پەیوەندیێن د ناڤبەرا هەولێر و بەغدایێ، پێشهاتێن سیاسی و ئەمنی یێن دەڤەرێ، دگەل هەوڵێن دیپلۆماسی بۆ ئارامکرنا رەوشێ و کێمکرنا ئاڵۆزییێن ناوچەیێ بوونە بابه‌تێن سەرەکی یێن گفتوگۆ و راگۆهورینێ د ناڤبەرا هەر دو ئالییان دا.
