تخووبەکی ژ کریارێن ڤێ گرۆپێ را ده‌ینن
پارتیا کارکەرێن کوردستانێ (پەکەکە)ل رۆژاڤایێ کوردستانێ رێخستنەک ب ناڤێ “جوانێن شۆرەشگێر” ئاڤا کریە و پەکەکە ب رێیا وێ رێخستنا توندرەو کو هەموو تخووبان دەرباز دکە و ب ئاوایەکی هۆڤانە ئێریشی سەر خەلکێ رۆژاڤایێ کوردستابێ دکە. هەر کەس و هەر رێخستن و پارتیا کو وەکی پەکەکێ نەفکرە و سیاسەتا پەکەێ رەخنە بکە، جوانێن شۆرەشگێر ب سەر وان دا دگەرە و وێران دکە.
وێ رێخستنا پەکەکێ هەتا نها ب دەهان زارۆک، کور و کەچ، ژ مالێن وان، ژ دبستانان رەڤاندنە و برنە کەمپێن پەکەکێ کو ل سەر بکارئانینا چەکی پەروەردە بکن و بەرێ وان بدەن چیا.
بەری چەند رۆژا وێ رێخستنا پەکەکی یا ب ناڤێ جوانێن شۆرەشگێر ب کەڤر و مۆلۆتۆڤان ئێریشی دەرێێ پێشخابوور کر و کارمەندێن وێ بریندار کرن.
د رۆژا ئالایێ کوردستانێ دا ژی، جوانێن شۆرەشگێر ب ئاوایەکێ هۆڤانە ئێریشی چالاکیا ئەنەکەسێ یا پیرۆزکرنا رۆژا ئالایێ کوردستان کر، ئۆفیسا ئەنەکەسێ شەوتاند و ئالایێ کوردستانێ ب خوونا گەنجێن کوردان سۆر کر.
ل سەر ڤێ بوویەرێ ئەنەکەسێ داخویانیەک بەلاڤ کر.
ئه‌نجوومه‌نا نشتمانی یا کوردی ل سووریێ (ئه‌نەکەسە) ده‌ربارێ ئێریشا سه‌ر مه‌راسیما پیرۆزکرنا ڕۆژا ئالایێ کوردستانێ و شه‌وتاندنا نڤیسگه‌ها ئه‌نەکەسێ ل دربێسیێ دا داخواز ژ فه‌رمانداریا هەسەدە، ئەمریکا و هه‌ڤپه‌یمانیا ناڤده‌وله‌تی کر، ڤان کریارێن توندووتووژیێ ڕاوه‌ستینن.
سه‌کره‌ته‌ریا گشی یا ئه‌نەکەسێ د داخویانیا خوە دا دبێژە: “د ده‌ما کو گه‌لێ مه ب ئاوایه‌کی ئاشتیانه و شارستانی ل پێش نڤیسگه‌هێن ئه‌نەکەسێ ڕۆژا ئالایێ کوردستانێ پیرۆز دکر، گرووپا “جوانێن شۆره‌شگێر” یا سه‌ر ب پەکەکێ ڤە ئێریشی خه‌لکێ سڤیل کر و ل وان دان و هه‌ژماره‌ک ژ وان بریندار بوون، چالاکڤان نیزامه‌دین عه‌لیکۆ ژ به‌ر گرانیا برینا سه‌رێ وی دا، ژ بۆ نه‌خوه‌شخانه‌یێ هات ڤه‌گوهاستن.”
ل گۆر داخویانیا ئەنەکەسێ سه‌کره‌ته‌ریا گشی یا ئه‌نەکەسێ دیار کر ژی: گرووپا ب ناڤێ جوانێن شۆرەشگێر بێ کۆنترۆل ژی مۆلۆتۆفه‌ک ئاڤێت باره‌گه‌ها ئه‌نجوومه‌نا نشتمانی یا کوردی ل دربێسیێ و ب ته‌مامی شه‌وتاند.
هه‌روها د داخویانیێ ده تێ گۆتن: “ئه‌م ڤان کریارێن ترساندنێ یێن بوونه گه‌ف و مه‌ترسی ل سه‌ر ژیانا وه‌لاتیێن مه، ب توندی شه‌رمه‌زار دکن و ته‌که‌ز دکن کو ئه‌ڤ کریار دێ مه ژ به‌ره‌ڤانیکرنا ل دۆزا گه‌لێ کوردی و ناسکرنا مافێن وی یێن نه‌ته‌وی د چارچۆڤه‌یا چاره‌سه‌ریه‌کا سیاسی یا به‌رفره‌ها کریزا سووریێ دا سست نەکە.”
سه‌کره‌ته‌ریا گشی یا ئه‌نکسێ ئه‌نەکەسێ داخوازێ ژ فه‌رمانداریا هەسەدێ، ئەمریکا و هه‌ڤپه‌یمانیا ناڤده‌وله‌تی دکە کوتخووبەکی ژ ڤان کریارێن توندوتووژیێ یێن ل دژی گه‌لێ رۆژاڤایێ کوردستانێ دەینن و ئه‌نجامده‌رێن وان کریاران بگەهن سزایێن خوە.
