پارێزگارەک تورکمەن بۆ کەرکووکێ
ل گۆری هندەک ئاگاهیان، ئێڤاریا رۆژا ئینێ، ٢٠٢٤/١/٥ێ، بافل تاله‌بانی سه‌رۆکێ یه‌کیتییا نشتمانییا کوردستانێ (یەنەک) رێبوار تاها سه‌رۆکێ لیستەیا خوه کو، ٥ کورسی د هلبژارتنێن ئه‌نجومه‌نا پارێزگه‌ها که‌رکووکێ دا ب ده‌ست خستنه، تەکلیف کریە کو هەڤئاهەنگیێ دگەل تورکمانێن ناڤ ئەنجومەنا پارێزگەها کەرکووکێ دا بکە و ل سەر کەساتیەک تورکمان کە ببە پارێزگارێ کەرکووکێ ل هەڤ بکن.
ل گۆری ئاگاهیان، بافه‌ل تاله‌بانی ب سێ شه‌رتان رازی بوو کو پۆستێ پارێزگارێ کەرکووکێ بده ترکمه‌نه‌کی:
١- پێشیێ دڤێ ترکیە یەنەکێ و ب تایبەتی بافه‌ل تاله‌بانی کو بەری پەیوەندی دگەل پەکەکێ هه‌بوون، ب پەکەکێ را کریارێن ته‌رۆریستی کرنە و چه‌ک و جەبلخانە ژ ئیرانێ بۆ سووریێ هنارتنە، عەفو بکە
٢- دڤێ ئۆفیسا پەیوه‌ندیێن یەنەکێ ل ئه‌نقه‌رەیێ بێ ڤه‌کرن ژ به‌ر کو پرانیا کار و بارێن یەنەکێ و بازرگانییا وێ ب رێیا ڤێ ئۆفیسێ تێ کرن.
٣- دڤێ ئه‌سمانێ ترکیێ ژ گەشتێن ژ بۆ فرۆکه‌خانه‌یا سلێمانیێ بێ ڤه‌کرن، ژ به‌ر کو باره‌کی مه‌زن ژ زێر، دۆلار و ماده‌یێن دن ب قاچاخی ب رێیا فرۆکه‌خانه‌یا سلێمانیێ تێ ڤه‌گوهه‌ستن و بریارا ترکیێ زیانه‌که مه‌زن گەهاندیه ینکێ.
بافه‌ل تاله‌بانی ب رێیا برایێ خوه قوباد تاله‌بانی، ب وه‌زیرێ ده‌رڤه یێ ترکیێ هاکان فیدان را هه‌ڤدیتنه‌ک پێک ئانی و سۆز دا کو ب ئاڤاکرنا حکومه‌تا خوه‌جهی یا که‌رکووکێ رازی ببه، ب شه‌رتێ کو ئەو روکمەنێ دبە پارێزگارێ کەوکووکێ ژ ینکێ را پرسگرێکان دەرنەخە و بەرپرسێن یەنەکێ ل سەر بازرگانیا خوە بێ ئاستەنگ بەردەوام بن
هه‌روەها ل هه‌ڤ کرن کو عه‌ره‌بێن نها هەڤپەیمانیەک ئاڤا کرنه، ده‌رفه‌ت بێ دایین کو ته‌ڤلی وان ببن، دا کو یەنەک، ترکمه‌ن و عه‌ره‌ب د بن سیا پارێزگاره‌کی ترکمه‌ن دا ل سه‌ر سیاسه‌تا عه‌ره‌بکرن و وێرانکرنا که‌رکووکێ به‌رده‌وام بن.
