مەلا بەختیار: کریارا بافل تالەبانی کۆپیتکا بێوەفاداریێ یە
رۆژا ٢٠٢٤/٩/٥ دەمژمێر ۱۷:۰۰ هێزێن کۆماندۆ یێن سەر ب سەرۆکێ یەکێتیا نشتمانیا کوردستانێ ڤە ل گرێ ئه‌نده‌زیاران ل سلێمانیێ ئاڤێتن سه‌ر باره‌گه‌هێن ئاژانسا ڕۆناهیێ یا چاودێر و ناڤه‌ندا چاندی یا گالاوێژێ کو ئەندامێ سەرۆکاتیا یەنەکێ یی بەرێ سیاسەتمەدار مەلا بەختیار سەرپەرشتیا وان سازیان دکە.
دەربارێ ڤێ بوویەرێ مه‌لا به‌ختیار دبێژه: کو، کورێن مام جه‌لال تاله‌بانی هاتنه سەر سفرا حازر و ب پلان، کۆمپلۆ و ده‌ربه‌یێ د کۆنگرەیا پێنچێ دا ده‌ست دانینه سه‌ر یەنەکێ.
مەلا بەختیار دبێژە کو، دو سالان به‌ری کۆنگره‌یا چاره‌م یا یەنەکێ، وی هه‌ست پێ کر کو یەنەک به‌ر ب زولمێ و ئاقارەکێ نەدیار ڤه دچه، به‌ر ب ته‌په‌سه‌رکرن و بنپێکرنا ئازادیان ڤه دچه و “ئەز پێ حه‌سیام کو یەنەک گاڤ ب گاڤ بێهنا خوه یا داویێ بەرددە و ئازادیێ وندا دکه”.
سەرکردێ بەرێ یێ یەنەکێ دبێژە: “من به‌رێ ژی گۆتبوو کو یەنەک د ڕه‌وشه‌کا گەلەک خراب دا یه، یەنەک ب هێزا چه‌کدار نایێ پاراستن، یەنەک هێدی هێدی به‌ر ب هلوه‌شینێ ڤه دچه و هه‌موو جوداهیێن بیردۆزی، سیاسی، جڤاکی و چینایەتی ب هه‌موو ئالیێن سیاسی را ژ هۆلێ راکرنە.”
مەلا بەختیار دبێەژ: هه‌ر ئێریشه‌ک ل سه‌ر من لووتکه‌یا بێوه‌فاداری و بنپێکرنا ئازادیانه.”
ل گۆر مەلا بەختیار مام جەلال تالەبەنی قەرزدارێ ویە ووی گەلەک کەد دایە یەنەکێ و کورین جەلال تالەبانی بافل و قوباد هاتنە سەر سفرا حازر و بەریا نها نە تشتەک بوون.
مەلا بەختیار ته‌که‌ز دکه کو ئه‌و دێ ل هه‌مبه‌ر ڤێ تاوانا مەزن کو ل دژی وی هاتیە کرن بێده‌نگ نه‌مینە، ب سه‌دان که‌س پشتگریا وی دکن و ئه‌و هه‌ول ددن ئه‌نیه‌که به‌رفره‌ه ئاڤا بکن دا کو ڤێ تاوانێ ڕه‌وش بکن.
وی ئاماژه ب وێ یه‌کێ کر کو، ئه‌و تشتا کو ل هه‌مبه‌ر وی هاتیه کرن، شه‌رمه‌کا مه‌زنه و ل دژی هه‌موو ڕێگه‌زێن ئه‌خلاقی یە ئەڤ تاوان مام جه‌لال د گۆرێ دا نەرەحەت دکە.
