ئێلینا ڕۆمانۆسکی بالیۆزا ئامه‌ریکایێ ل ئیراقێ ئەرکێ وێ ل ئیراقێ ب داوی بوو و ژی بۆ خاترخواستنێ سەردانا هەولێرێ کر و ئێڤاریا ڕۆژا شه‌میێ ٣٠\١١\٢٠٢٤ ل ئاڤاهیا سەرۆکاتیا هەرێما کوردستانێ ژ ئالیێ نێچیرڤان بارزانی سەرکێ هەرێما کوردستانێ ڤە هاتە پێشوازی کرن
سه‌رۆک نێچیرڤان بارزانی کار و خەباتێن خاتوون ڕۆمانۆسکی یێن ژ بۆ پێشخستنا په‌یوه‌ندیێن وه‌لاتێ خوه دگەل ئیراق و هه‌رێما کوردستانێ بلند نرخاندن و هێڤیا سه‌رکه‌فتنێ ژ ئه‌رکێ وێ یێ پاشه‌رۆژێ ڕا خوه‌ست. ژ ئالیێ خوه ڤه خاتوون ڕۆمانۆسکی سپاسیا هه‌ڤکاری و پشته‌ڤانیا هه‌رێما کوردستانێ یێن ژی بۆ وێ هاتینە کرن کو، د ئه‌رکێ خوه دا سه‌رکه‌فتی به، کر.
دانووستاندنێن ئالیێن سه‌رکه‌فتی د هلبژاتنا پەرله‌مه‌نتۆیا کوردستانێ دا ژ بۆ پێکانینا کابینه‌یا نوو یا حکومه‌تا هه‌رێما کوردستانێ، ڕه‌وشا ئیراقێ ب گشتی، په‌یوه‌ندیێن ئامه‌ریکایێ ب ئیراق و هه‌رێما کوردستانێ ڕا و پێشهاتێن ڕۆژهلاتا ناڤین د جڤینێ دا کو، کۆنسولێ گشتی یێ ئامه‌ریکایێ تێدا ئاماده بوو، هاتن گۆتووبێژ کرن.
