ئەمریكا و 4 دەولەتێن زلھێز ئێریشا سەر ھەولێرێ شەرمەزار دكن

ئەمه‌ریکا و هه‌ڤپه‌یمانێن وێ یێن ڕۆژاڤایی، رۆژا 2021.04.16، دا داخویانیەكێ دا ئێرشا ل سه‌ر هه‌ولێرا پایته‌ختا هه‌رێما کوردستانێ شه‌رمه‌زار کرن.

ئەمه‌ریکا، بریتانیا، فرانسا، ئیتالیا و ئەلمانیایێ د داخویانیەكا ھەڤبەش دا ئێرشا بەری دو رۆژان ل سه‌ر فرۆکه‌خانه‌یا ناڤده‌وله‌تی یا هه‌ولێرێ ھاتی كرن شەرمەزار كرن و گۆتن كو حكەمرتێن وان پشتەڤانیا ھەرێما كوردستانێ دكن.

ئه‌و هه‌ر 5 ده‌وله‌ت د داخویانیا خوە یا ھەڤبەش دا دبێژن: “ئه‌م ب دژواەرترین ئاوایی ئێریشا 14ێ نیسانێ یا ل سه‌ر هه‌رێما کوردستانا ئیراقێ شه‌رمه‌زار دکن. ژ بۆ وێ ڤەکۆلینا د ده‌ربارێ ئێرشێ دا دەست پێ كری، ‌حکوومه‌تێن مه‌ ب هه‌ڤ ڕا‌ پشته‌ڤانیێ ل حکوومه‌تا ئیراقێ دکن داكو بكەرێن وێ ئێریشێ بھێن دیار كرن و بگەهن جه‌زایێ خوه‌.”

ئەمریكا و ھەڤلبەندێن خوە، ھەروەسا، د بەشەك دب د داخویانیا خوە دا دێژن كو ئەو ئێرشێن ل سه‌ر ئه‌ندامێن سه‌ربازی و سازیێن ئەمه‌ریکایێ و هه‌ڤپه‌یامانیا ناڤده‌وله‌تی قه‌بوول ناکن و پابه‌ندبوونا خوه‌ یا به‌رده‌وام بۆ شه‌رێ ل دژی داعشێ دووپات دکن.

ده‌ردۆرا ده‌مژمێر 21.30 ل گۆر دەما ھەولێرێ، شه‌ڤا 14 ل نیسانێ ئێرشه‌ک تەرۆری ل دژی فۆرکه‌خانه‌یا ناڤده‌وله‌تی یا هه‌ولێرێ هات ئه‌نجامدان.

ل گۆر زانیاریێن ھەتا نھا ھاتینە زانین و ل گۆرزانیاریێن هه‌ڤپه‌یمانیا ناڤده‌وله‌تی کو ئێرشا ل سه‌ر فرۆکه‌خانه‌یا ناڤده‌وله‌تی یا هه‌ولێرێ ب ڕێیا فرۆکه‌یەكا بێ فرۆكەڤان (درۆن) كە ب تی ئێن تی ھاتبوو باركرن ھاتیە ئه‌نجامدان.

وه‌زاره‌تا ناڤخوه‌ یا حکوومه‌تا هه‌رێما کوردستانێ ژی دا خویاکرن كوپشتی لێکۆلینێن ده‌زگه‌هێن پەیوه‌ندیدار ھاتە زانین کو ئێریش ب ڕێیا درۆنه‌کا تی ئێن تی كری هاتیه‌ ئه‌نجامدان و ئەو ئاراسته‌یی بنگه‌ها هێزێن هه‌ڤپه‌یمانان ل ناڤ فرۆکه‌خانه‌یێ هاتیه‌ کرن.

ل گۆر داخویانیا وه‌زاره‌تا ناڤخوه‌ یا هه‌رێما کوردستانێ، ژبۆ دیارکرنا چاڤکانی و جهێ هاتنا فرۆكەی لێکۆلین به‌رده‌وامن.

سه‌رۆکێ هه‌رێما کوردستانێ نێچیرڤان بارزانی د داخویانیەكێ دا ئه‌ڤ ئێرش وه‌که‌ ئێرشه‌کا ته‌رۆریستی ب ناڤ کر و گۆت: “دوباره‌بوونا ڤان ئێریشان بۆ چه‌ند جاران، پێویستی ب هه‌لوێسته‌ک جدی هه‌یه‌ و دڤێ هه‌رێما کوردستانێ و حکوومه‌تا ئیراقێ ب پشته‌ڤانیا هه‌ڤپه‌یمانیا ناڤده‌وله‌تی هه‌ماهه‌نگی و ئالیکاریا د ناڤبه‌را خوه‌ دا زێده‌تر بکن ژ بۆ ڕووبرووبوونا وان گرووپێن کو ل پشت ڤان ئێرشانه‌ و سینۆره‌کی یه‌کجاری ژ وان ڕا‌ بێ دانین، دا کو جاره‌که‌ دن ئارامی و ئاسایشا وه‌لات نه‌خن مه‌ترسیێ و ڕه‌وشێ ئالۆزتر نه‌کن.”

سه‌رۆکوه‌زیرێ هه‌رێما کوردستانێ، مه‌سروور بارزانی ل سەر وێ ئێریشێ په‌یامه‌ک به‌لاڤ کر و ته‌ڤی ب توندی شه‌رمه‌زارکرنا وێ “ئێرشا ته‌رۆریستی” ڕاگوهاند: “هه‌ر گرووپه‌کا‌ چه‌کدار کو د چارچۆڤه‌یا هێزێن ئه‌وله‌کاریێ یێن فه‌رمی یێن ئیراقێ ده‌ نه‌به‌، دڤێ یه‌کسه‌ر ژ سینۆرێ هه‌رێما کوردستانێ ڤه‌کشن.”

مه‌سروور بارزانی هه‌روها دیار کر: “د ڕۆژێن بھێن دا‌، ئه‌ز دێ ل گه‌ل هه‌ڤبه‌شێن مه‌ ل ئیراق و جڤاکا ناڤده‌وله‌تی ل سه‌ر ڕێکارێن جیبجیکرنا ڤێ گاڤێ گۆتووبێژان بکن.”

نێرین / شیرۆڤە