دوژمناتیا دینێ ئیسلامێ چ مفا ددە كوردان

هندەك که‌س د ڤان ده‌مێن داویێ دا‌ دژمناتیه‌ک مه‌زن ب دینێ ئیسلامێ و جه‌نابێ پێغه‌مبه‌ری را‌ دکن. په‌یڤێن وسا گران و بێرێ ب کار تینن کو مرۆڤ نکاره‌ وان گۆتنان ژ که‌سه‌کی نۆرمال ڕا‌ ژی بێژه‌.
ئه‌و که‌سێن وسا هه‌م ب ناڤێ ”کورد” و قاشۆ ژ بۆ ”مافێ کوردان” هه‌م ژی ب پرانی ب زمانێ ترکی دنڤیسن.

گۆتنێن وان که‌سان ئه‌گه‌ر ب خووتا/ئنیەتا ڕه‌خنه‌ بێته‌ کرن، ل سه‌ر چاڤان و ل سه‌ر سه‌ران. لێ وه‌ک دژوون، بچووکخستن و پیسکرنا دین نایێ په‌ژراندن.

گه‌لۆ ئه‌و که‌س دکارن وان گۆتنان ژ عیسا پێغه‌مبه‌ر و مووسا پێغه‌مبه‌ری ڕا‌ ژی ببێژن؟ نا! نکارن بێژن.

بنه‌رن عیسا پێغه‌مبه‌ر بێ باب هاتیه‌ دنیایێ. خه‌لکێ قودسێ دیا وی قه‌وراندن کو ئه‌و هێژ نه‌زه‌وجیه‌ و کوره‌ک ئانیه‌. که‌س به‌هسا مووسا پێغه‌مبه‌رێ کو گه‌له‌ک ژن ژ خوه‌ ڕا‌ ڕه‌وا ددیت ژی، ناکه‌.

د سه‌رێ پێشی دا ده‌ما محه‌مه‌د پێغه‌مبه‌ر ڕه‌ڤیایه‌ و چوویه‌ خوه‌ ئاڤێتیه‌ دێره‌کێ، قه‌شه‌ ئه‌و پاراستنه‌.

ل ئه‌ورووپایێ گه‌له‌ک ڕاهیبه‌یێن کو ژیانا خوه‌ هبه‌یێ دێرێ کربوون و ب سه‌دان ئاڤس ده‌رکه‌تن ژی كەس بەحس ناکه‌.

لێ د ڤێ ده‌ما نازک و زیز دا، چ ده‌ما یه‌ک زێڤر دبه‌، په‌یڤێن گران ل دژی محه‌مه‌د پێغه‌مبه‌ر و دینێ ئیسلامێ ب کار تینه‌.

مافێ که‌سێ نینە کو که‌س ل سه‌ر ناڤێ کوردان دژمناتیا محه‌مه‌د پێغه‌مبه‌ر و یا دینێ ئیسلامێ بکه‌. که‌سێ کو بکه‌، بێگومان ئه‌و سوخره‌یا دژمنێن نه‌ته‌وه‌یێ کورد دکه‌.

هنده‌ک دبێژن: ”تشتێ کو داعش نها دکه‌، ئیسلامێ ژی به‌رێ دکر.” نه‌ ڕاسته‌.
ئه‌وێن کو به‌رێ ژی ئه‌و کریار ب ناڤێ دین دکرن، ب خووتا پانعە‌ره‌بیزمێ دکرن لێ دینێ ئیسلامێ کربوون شوور و پێ سه‌رێ خه‌لکێ ژێ دکرن. پر که‌س نها د ناڤا داعشێ دا‌ هه‌نه‌ کو نه‌ بسلمانن ژی. ئاماج ئه‌ڤه‌ کو کورد نه‌بن خوه‌دانێ مافه‌کێ سیاسی، لێ دین ژ خوه‌ ڕا‌ ب کار تینن. ژ به‌ر کو دینێ ئیسلامێ بێ خوه‌دی یه‌.
ده‌ستهه‌لاتیا عه‌ره‌بستانا سعوودی وه‌هابی یه‌.
چما که‌س ژێ ناپه‌یڤه‌؟

هێڤیدارم کو ڕه‌وشه‌نبیرێن کورد ل سه‌ر ڤان بابه‌تان هشیار بن. هه‌ر شاد و به‌خته‌وه‌ر بین…

زەینەلعابدین زنار

2020.07.24

نێرین / شیرۆڤە