راستی یا تەحلە

پارلامه‌نته‌را شرنه‌خێ، له‌یلا گوڤه‌ن، ژ بۆ مه‌رجێن عەبدوڵا ئۆجەلان یێن ئیمرالی پرۆته‌ستۆ بکه‌ و ڕه‌وشا ئۆجەلانا باشتر ببه‌، ده‌ست  ب گره‌ڤا برچیبوونێ کر. ڕۆژا 04.12.2018 ێ، 10 پارلامه‌نته‌رێن هدپ ژی د پارله‌مه‌نتۆیا تركیێ ده‌ ژ بۆ هه‌مان سه‌ده‌مێ و ژ بۆ پشتگریا هه‌لوه‌ستا، لەیلا گوڤه‌ن، ده‌ست ب گره‌ڤا برچیبوونێ کرن. دێ گره‌ڤا وان دو ڕۆژان به‌رده‌وام به‌.

نهاپ رس نه‌ ئه‌وه‌ کو چما ئه‌ڤ پارلامه‌نته‌ر ده‌ست گره‌ڤا برچیبوونێ ژ بۆ عەبدوڵا ئۆجەلان دکن. پرس ئه‌وه‌ کو هه‌تا نها ژ بۆ ڤێ یه‌کێ چ دکران.

دڕاستیا خوه‌ ده‌ ئه‌ڤ د قۆناخه‌کی ده‌ هات کو، ئۆجەلان بێ ده‌نگ بوویه‌. ئه‌ڤه‌ ده‌مه‌ک درێژه‌ چ ده‌نگ ژ ئۆجەلان نەھاتنە. مه‌رجێن ئۆجەلان ل ئیمرالیێ هه‌ر وه‌ک خوه‌نه‌. ده‌ما ده‌ستپێکرنا “پێڤاژ

ۆیا چاره‌سه‌ریێ “ ده‌، ڕۆژانه‌ په‌یامێن ئۆجەلان ژ ئالیێ هدپ ێ ڤه‌ دهاتن ڕاگهاندن. هه‌فتیێ جاره‌کێ شاندەیا ئیمرالی سه‌ردانا ئۆجەلان دکران، یانی عەبدولا ئۆجەلان د ڕۆژه‌ڤا سیاسی ده‌ ئەکتیف بوو.

ۆیا چاره‌سه‌ریێ “ ده‌، ڕۆژانه‌ په‌یامێن ئۆجەلان ژ ئالیێ هدپ ێ ڤه‌ دهاتن ڕاگهاندن. هه‌فتیێ جاره‌کێ شاندەیا ئیمرالی سه‌ردانا ئۆجەلان دکران، یانی عەبدولا ئۆجەلان د ڕۆژه‌ڤا سیاسی ده‌ ئەکتیف بوو.

لێ پشتی تێکچوونا پێڤاژۆیا کو وه‌ک پێڤاژۆیا “چاره‌سه‌ریێ“ دهات ناڤکرن، ئۆجەلان ژی بێده‌نگ بوو. هه‌روه‌ها هه‌ری داوی ئۆجەلان ب نامه‌یه‌کێ هنده‌ک داخوازی ژ قه‌ندیلێ کرن و قه‌ندیل ژی  گوه نه‌دا داخوازیێن وی و به‌ره‌ڤاژیا داخوازیێن ئۆجەلان هه‌لوه‌ست گرتن. ئه‌گه‌ر ب یا ئۆجەلان بوویا ده‌سته‌یا ڕێڤه‌به‌ریا پکک ێ ل قه‌ندیل هه‌تا نها نەدما. لێ قه‌ندیل هه‌ر ده‌ما پێوست بە ئۆجالان ژ خوە رە ب کار تینه‌. ژ خوه‌ ژ وێ ڕۆژێ پێڤه‌ ئۆجەلان بێ ده‌نگ بوویە.

یانی بێ ده‌نگبوونا ئۆجەلان نه‌ ته‌نێ ژ هه‌لوه‌ستا ده‌وله‌تا تركیێ یە، ژ هه‌لوه‌ستا قه‌ندیل یا ل دژی ئۆجەلان ب خوه‌یه‌ ژی. ژ ئالیه‌ک دن ژی ژ هه‌لوه‌ستا ئۆجەلان لدژێ قه‌ندیلێ یه‌ ژی.

ژئالیه‌ک دن ڤه‌ تێ زانین کو پشتی ئۆپه‌راسیۆنێن داویێ پێوه‌ندیێن قه‌ندیل و هدپ ێ ژئالیێ ته‌کنیکی ڤه‌ گه‌له‌ک ئالۆز بوونه‌.  هدپ هه‌ول دده‌ کو بخوه‌ بریارا هنده‌ک تشتان بده‌. سه‌ده‌مه‌ک دن ژی ئه‌وه‌ کو ژ ده‌ما هلبژارتنێن سه‌رۆک کۆماریا ترکیێ هه‌تا وه‌ک ئیرۆ سه‌لاحەدین ده‌مرتاش د ڕۆژه‌ڤا سیاسی ده‌ یه‌، ڕۆژانه‌ داخوویانیێن ده‌مرتاش تێنه‌ به‌لاڤ کرن. یانی ب ئاوایه‌ک دن تشتا ئۆجەلان د ده‌ما پێڤاژۆیا “چاره‌سه‌ریێ “ دکرا، نها ده‌مرتاش دکه‌. هه‌تا به‌شه‌ک پارلامه‌نته‌رێن هدپ ێ ڤێ یه‌کێ گه‌له‌ک ب زانه‌بوون ده‌رتێخن پێش.

ئه‌وکه‌سێن د ناڤا هدپ ێ ده‌، ژ ئانینا ده‌مرتاش ژبۆ ناڤ ڕۆژه‌ڤا سیاسی نه‌ ڕهه‌تن ، نها گره‌ڤا برچیبوونێ دکن.

ئه‌گه‌رمرۆڤ به‌رێ خوه‌ باش بدێ، ژ مێژڤه‌یە ده‌نگێ ئۆجەلان نایێ و ده‌مرتاش ڕۆژانه‌ داخویانیا دده‌ و تایبه‌تی مه‌دیا ترکیه‌ ڤێ یه‌کێ گه‌له‌ک دده‌ پێش. تێ زانین کو هلبژارتنێن به‌رێ یێ سه‌رۆک کۆماریێ ده‌، ده‌ما وه‌ک نها به‌حسا ده‌مرتاش گه‌له‌ک دهاتا کرن، ل ئیمرالی، ئۆجەلان دابوو خوویاکرن کو، هنده‌ک دخوازن ده‌مرتاش د ده‌وسا من ده‌ بدن پێش.هه‌روه‌ها ئۆجەلان گۆتبوو “ئه‌ز زارۆکێ ڤێ ئاخێ مه‌,  لێ ده‌مرتاش پرۆژه‌یا ئه‌ورۆپا و ئەمریکایێ یه‌”.

ئه‌گه‌رپرۆسه‌سا  ژ ده‌ستپێکا پرۆژه‌یا “چاره‌سه‌ریێ“هه‌تا نها ڕه‌وشا پکک/هدپێ، ئۆجەلان و ده‌مرتاش باش بێته‌ نرخاندن، دێ ڕاستیا ڤان هه‌لوه‌ستێن هدپ ێ ژی باش بێ دیتن.

لێ مخابن گه‌له‌ک که‌س هه‌تا پرانیه‌ک مه‌زن ژ ڕه‌وشه‌نبیر، نڤیسکار و سیاسه‌تمه‌دارێن کوردا ناخوازن ڤێ ڕاستیێ ببینن. دزانن چه‌وایه‌ لێ بێ ده‌نگن و ڕاستیێ نابێژن. به‌لکی ژی د ڤێ ده‌ربارێ ده‌ گۆتنا “ ڕاستی ته‌هله‌“ واته‌یا خوه‌ دبینه‌.

نووچه‌/ئەنالیز

05.12.2018

ن.فرات

نێرین / شیرۆڤە