روسیا: بلا پەیەدە كوردستانێ تەسلیمی لەشكەرێ سوریێ بكە

ل سه‌ر ڤه‌کشاندنا هێزێن ئەمریکایێ ژ سوریێ و ڕۆژاڤایێ کوردستانێ، به‌رده‌ڤکا وه‌زه‌ره‌تا ده‌رڤه‌ یا ڕوسیایێ ماریا زاخارۆڤا دا خویاکرن کو، د ڤێ قۆناخێ دا هه‌ڤدیتنێن ناڤبەرا کوردا (پەیەدێ) و ڕژێما سوریێ گه‌له‌ک گرینگن. هنده‌ک تایبه‌تمه‌ندیێن ڤان هه‌ڤدیتنا هه‌نه‌.

ماریا زاخارۆڤا د پرێسكونفەرەنسا خوە یا ھەفتیانە دا گۆت: داویا سالا 2018 ێ سه‌رۆکێ ئەمریکایێ، ترمپ، دا خویاکرن کو ئه‌و دێ ژ سوریێ ڤه‌کشن. د ڤێ چارچۆڤەیێ دا تێکەلیا کوردا د گه‌ل ڕژێمێ گرینگه‌. وه‌ک مه‌ گه‌له‌ک جاران گۆتی، کورد به‌شه‌کن ژ سوریێ، ئه‌گه‌ر هه‌رێمێن د بن ده‌ستهلاتداریا کوردان دا ڕاده‌ستێ حوکومه‌تا سوریێ بکن دێ مه‌ترسییا ل سه‌ر کوردا نەمینە.

به‌رده‌ڤکا وه‌زه‌ره‌تا ده‌رڤه‌ یا ڕوسیایێ گه‌له‌ک ڤه‌کری داخواز ژ پەیەدێ دکه‌ کو هه‌رێمێن د بن کۆنترۆلا وان دا نە ته‌سلمی ڕژێما سوریێ بکن و بلا ڕژێم هێزێن خوه‌ ل هه‌موو ده‌ڤه‌رێن ڕۆژاڤایێ کوردستانی ب جھ بکه‌.

وەكە دھێتە زانین هه‌ڤدیتنێن د گه‌ل ڕژێمێ دا ڕوسیا ژی ڕۆله‌ک چالاك دله‌یزه‌. هه‌روه‌ها ده‌ما شه‌رێ ل دژی داعیشێ خلاس ببه‌ ڕۆلێ پەیەدێ ژی ژ بۆ هنده‌ک ئالیان ب داوی دھێت. هینگێ دڤێ پەیەدە ب ته‌مامی بکه‌ڤه‌ د بن کۆنترۆلا ڕژێما سوریێ دا.

ژ خوە ئه‌ڤ سیاسه‌ته‌یە کو ناهێله‌ ل ڕۆژاڤایێ کوردستانێ یه‌کتیه‌ک د ناڤا ئالیێن سیاسی یێن کوردی ده‌ چێ ببە. ئه‌ڤ یه‌ک ژی به‌شه‌ک ژ سیاسه‌تا پەکەکێ یه‌. د گه‌ل عه‌ره‌بان یه‌کتیێ دکن، لێ د گه‌ل کوردا ناکن، د گه‌ل ترکا دکن لێ د گه‌ل کوردا ناکن . لێ مخابن هه‌رکه‌س ڤێ یه‌کێ دزانه‌ و ده‌نگ ژی ناکه‌.

ل ڕۆژاڤایێ کوردستانی، پشتی ب ته‌مامی تێکچوونا داعیشێ، دێ ڕژێما سوریێ ڤێ جارێ به‌رێ هێزێن چه‌کدارێن پەیەدێ بده‌ کوردا و ڕێ ناده‌ کو کورد داخوازیا مافێن خوه‌ یێن ڕه‌وا ل سوریێ و ڕۆژاڤایێ کوردستانێ بکن.

نێرین / شیرۆڤە