روپەلا قەدری یەلدرم یا سیاسی وەك یا رەوشەنبیری سپی نینە

سیاسەتمەدار و مافپەروەر ئیبراھیم گوچلو د نڤیسەكا خوە دا ل سەر مامۆسا قەدری یلدەرم بەحسا دە ئالیێن ژینا وێ دكە، ئالیێ ئەكادەمیك و ئالیێ سیاسی و دنڤیسە:

گۆری باوه‌رییا من د ژییانا مامۆستا‌ قه‌دری دا دو ڕووپه‌ل هه‌نه‌. ڕووپه‌له‌ک ئالیێ وی یێن ڕه‌وشه‌نبیری و نڤیسکاری و ئاكه‌ده‌میسیانی یه‌. ڕووپه‌لا دویه‌مین ژی، ئالیێ وی یێ سیاسی یه‌.

ب تایبه‌تی نڤیسکار و ڕه‌وشه‌رنبیرێن کوردان، د ده‌ربارێ ڕووپه‌لا یه‌که‌مین یا قه‌دری یلدرم دا‌، د ده‌ربارێ خه‌باتا وی یا زمان، چاند، دیرۆک، ئه‌ده‌بیاتێ دا نڤیساندن. قالا خەبات و به‌رهه‌مێن وی کرن.

ڕوپه‌لا یه‌که‌مین یا مامۆستا‌ قه‌دری یلدرم، ڕووپه‌له‌کا‌ سپی و داگرتی و کورد و کوردستانی یه‌. د ڤێ ڕووپه‌له‌یێ دا د ناڤ هه‌موو کوردان دا تیفاقا خوورت یا کوردی و کوردستانی هه‌یه‌.

ڕووپه‌لا دویه‌مین یا قه‌دری یلدرم کو ڕووپه‌لا سیاسی یه‌. ئه‌ز ژی وەك سیاسه‌تڤان و خزمه‌تکاره‌کی دۆزا کورد و کوردستانێ دێ ل سه‌ر ڤێ به‌شێ ژی ڕاوه‌ستم.

د ڕووپه‌لا مامۆستا‌ قه‌دری یلدرم دا دو به‌ش هه‌نه‌. به‌شا یه‌که‌مین سپی یه‌. به‌شا دویه‌مین كو بەشا سیاسیە  قاسی ڕووپه‌لا وی یا یه‌که‌مین یه‌که‌مین یا وی  سپی نینه‌.

مامۆستا‌ قه‌دری یلدرم پێشی: ده‌ما کو وه‌ک ڕه‌وشه‌نبیره‌کی و ئااه‌ده‌میسیه‌نه‌کی خه‌بات دکر، د ده‌ربارێ ئه‌ده‌بیات و زمان و چاندا کوردی دا‌ به‌رهه‌م دئافراند، ژ سیاسه‌تا نەتەوەیی یا هه‌ر چار پارچه‌یان ڕا‌ پشتگری دکر.  ئه‌و دۆسته‌کی باش و نێزک یێ ده‌وله‌تا فه‌ده‌ره‌ یا کوردستانێ بوو.

ڕووپه‌لا سیاسی، به‌شا دویه‌مین، به‌شداربوونا وی یا پەکەکە/هەدەپێ بوو. چو کورده‌کی نه‌دپا کو مامۆستا قه‌دریێ کورد و کوردستیانی و باوه‌رمه‌ند دێ ببه‌ پەكەكە/ھەدەپەیی. لێ مه‌ دیت کو ئه‌و ژی بوو پەكەكە/ھەدەپەیی. 

پشتی کو ئه‌و بوو به‌رئەندامێ ھەدەپێ  ژ بۆ پەرلەمەنتۆیا تركیێ، د ده‌ربارێ وی دا‌ هه‌ر کوردپه‌روه‌ره‌ک شۆك بوو و خوه‌ستن کو هه‌لوه‌ستا وی فاهم بکن.

له‌ورا وی وه‌ک ئەكاده‌میسیه‌نه‌کی ژ جه‌رباندنا د. ئیسمائیل به‌شیکچی ده‌رس نەوەرگرتبوو. ژ جه‌رباندنا گه‌له‌ک ڕه‌وشه‌نبیرێن دن یێن کورد کو دخوه‌ستن پەكەكێ بگوهه‌رن، ده‌رس نەوەرگرتبوو.

د. ئیسمائیل به‌شیکچی ب باوه‌ری و ب ھزرەكا پاقژ ببوو پشتگرێ پەكەكێ لێ ده‌ما دیت کو پەكەكە زیانێ دده‌ کوردان و ته‌ڤگه‌را کوردستانێ وێ ده‌مێ ده‌ست ژ پەكەكەێ به‌ردا‌ و دەست پێ كر پەكەكە ڕه‌خنه‌ کر.

پشتی ئه‌ڤان جه‌رباندنان، مامۆستا‌ قه‌دری یلدرم بوو هه‌ڤالێ پەكەكە/ھەدەپێ. ب تایبه‌تی ژی،  ژ بۆنا کو ببه‌ پەرلەمەنتەر بوو پەكەكە/ھەدەپەیی. ڤێ یه‌کێ ژی، ل سه‌ر شه‌خسیه‌تا  وی شک چێکر. گه‌له‌کان ژ کوردپه‌روه‌ر و ڕه‌وشه‌نبیرێن کوردستانێ  گۆتن کو مامۆستا‌ قه‌دری یلدرم ژ بۆنا کارییه‌ر و به‌رژه‌وه‌ندیا خوه‌ بوو هه‌ڤالێ پەكەكە/ھەدەپێ.

ئه‌ز ژی د وێ باوه‌ریێ ده‌ بووم. ئه‌و باوه‌ریا من، هین ژی نه‌هاتیه‌ گوهه‌رتن.

پشتی به‌رئەندامیا وی یا پەرلەمەنتەریێ د کۆنفه‌رانسه‌کێ دا‌ ئه‌م هاتن هه‌مبه‌ر هه‌ڤ. نێرینێن وی یێن کوردستانی و پاراستنا وی یا ده‌وله‌تا فه‌ده‌ره‌ یا کوردستانێ، یێن پەكەكە/ھەدەپێ ژ هه‌ڤوودو جوودا بوون. من د کۆنفه‌رانسێ دا ئه‌ڤ ڕه‌وش ژێ پرسی، وی گۆت کو “ئه‌م دێ وان ژی (پەكەكە/ھەدەپێ) بگوهه‌رینن”. من ژی گۆت کو گه‌له‌ک ڕه‌وشه‌نبیرێن کورد وه‌ک ته‌ خه‌یال کرن، لێ که‌تن بن باندۆر و حووکمێ پەكەكێ. وه‌ک پەكەكێ لێھاتن و هه‌تا ژ پەكەكێ خه‌ته‌رتر بوون.

لێ دیسا ژی من گۆت کو مامۆستا‌ قه‌دری یلدرم بلا  ببه‌ پەرلەمەنتەر، پشت ڕا‌ ئه‌م هه‌لوه‌ستا وی شرۆڤه‌ بکن. ئه‌م ل وی نه‌هه‌قیێ نه‌کن!!!

من ئه‌و ژی، وه‌ک شەرەفەدین ئه‌لچی، ده‌نگیر میر مه‌همه‌د فرات  ژ نێزک دا شۆپاند. هه‌زار مخابن من چو ده‌م نه‌دیت کو مامۆستا‌ قه‌دری یلدرم پەكەكە/ھەدەپێ ڕه‌خنه‌ بكە.

1- پەكەكێ ب شه‌رێ خه‌نده‌کان باژارێن کوردستانێ رێران و كاڤل کر و ب هه‌زاران جوانێن کورد دان کووشتن، ده‌نگ ژ وی ده‌رنه‌که‌ت.

2- پەكەكێ ژ بۆنا کو ده‌وله‌تا فه‌ده‌ره‌ یا کوردستانێ تێك بدە و ژ بۆنا ڕووخاندنا کوردستانێ هه‌ر خرابیه‌ک کر، ئه‌و ل دژ ده‌رنه‌که‌ت.

3- پەكەكێ، ل دژی مالباتا بارزانیان و سه‌رۆکێ کوردستانێ مه‌سعود بارزانی شه‌ره‌کی دژوار مه‌شاند. مامۆستا قه‌دری یلدرم ده‌نگێ خوه‌ ل هه‌مبه‌ری ڤێ ده‌رنه‌خست.

4- وی، د کۆنفه‌رانسان دا‌ ده‌وله‌تبوونا کوردستانێ و یه‌کێتیا کوردستانێ دپاراست، لێ پەكەكە ده‌ما کو ل باشوورێ کوردستانێ ل دژی ڕه‌فه‌راندووما سه‌رخوه‌بوونا کوردستانێ ده‌رکه‌ت، دیسا ده‌نگ نه‌کر.

5- پەكەكێ، ل سوریه‌یێ، پشتگریا رژێما بەعسا سوری ر، ل ڕۆژاڤایێ کوردستانێ وه‌ک وه‌کیلێ بەعسیا ب هه‌ڤ ڕا‌ ب دکتاتۆری ل  گه‌لێ کوردستانێ زلووم کر، دیسا ده‌نگ ده‌رنه‌خست.

6- پەكەكێ، ل باشورێ کوردستانێ باژار و باژه‌رۆک و گوندێن کوردستانێ ب پشتگریا ئیرانێ و حکوومه‌تا ناڤه‌ندی یا ئیراقێ داگیر کر، دیسا ده‌نگ ده‌رنه‌خست.

7- پەكەكێ زارۆکێن 13-14  سالی ل هه‌موو به‌شێن کوردستانێ ڕه‌ڤاندن کرن چەكدار و بكوژ ، مه‌مۆستا قه‌دری یلدرم ل دژ ده‌رنه‌که‌ت.

ئه‌ز دکارم گه‌له‌ک مژارێن دن ڕێز بکم. لێ نووها ئه‌ز دخوازم ل ڤر بسه‌کنم.

داویێ دا گوچلو دبێژە: مامۆست قه‌دری یلدرم، د 26ێ ئادارا 2021ئ دا‌ ژییانا خوه‌ ژ ده‌ست دا. ئه‌ز ب مرنا وی گه‌له‌ک خه‌مگین بووم. بلا سه‌رێ نه‌ته‌وه‌یا مه‌ و مالباتا وی و خوه‌نده‌ڤانێن وی و هه‌زکرێن وی، ڕه‌وشه‌نبیر، نڤیسکار و زامانزانان‌، ئه‌ده‌بیادزانه‌یێن کوردستانێ ساخ به‌.

ئیبراهیم گوچلو

دیاربه‌کیر،

2021.0328

نێرین / شیرۆڤە