سووندخوارنا ل ھەر دوو پارلامەنتۆیێن كوردستان و تركیێ (ڤیدیۆ

د جڤینا یه‌که‌م یا پارلامه‌نتۆیا کوردستانێ ده‌ پارله‌مه‌نته‌رێن کو نوو هاتین هلبژارتن سوند خوارن. د ده‌ما سوندخوارنێ د، پارلامه‌نته‌رێن سه‌ر ب کێمنه‌ته‌وه‌یێن باشورێ کوردستانێ وه‌که‌؛ تورکمه‌ن، ئاشووری، کلدانی و ئه‌رمه‌ن، د ناڤ هۆلا پارلامه‌نتۆیا کوردۆستانێ ده‌، ب زمانێ خوه‌ یێ داییکێ سووند خوارن، ب تایبه‌تی پارله‌مه‌نته‌رێن تورکمه‌ن ب زمانێ خوه‌، تورکمه‌نی سوند خوارن.

ده‌ما وان پارلەمه‌نته‌رێن تورکمه‌ن سووند ب زمانێ خوه‌ خواری، هه‌موو به‌شدارێن جڤینێ ڕێز و حوورمه‌ت ژ وان ڕه‌ گرت و ژ وان ڕه‌ ژی ل چه‌پکا دان. که‌سه‌ک ئه‌ڤ ڕه‌وش وه‌ک تشته‌ک جودا یان ژی وه‌که‌ بویەره‌ک خه‌ریب نه‌نرخاند، ب ئاوایه‌کی نۆرمال و بێده‌نگ ده‌رباس بوو و هه‌ر ل کوردستانێ به‌حس ژی نه‌هات کرن.

گه‌لۆ ئه‌ڤ تێ چ واته‌یی؟

ده‌مۆکراسیا باشوورێ کوردستانێ، ته‌ڤی هه‌موو ئاریشه‌ و پرسگرێکێن هه‌نه‌ژی، ته‌ڤی وان بنپێکرنێن د وارێ مافێ مرۆڤی و ئازادیا ڕامان و هزری و ئازادیا ڕۆژنامه‌ڤانیێ و د وارێن دن ده‌ چێ دبن ژی، د قۆناخه‌که‌ پێشکه‌فتی ده‌ یه‌ و خه‌لک، به‌رپرس و ده‌ستهلاتدار، حکومه‌ت، پارلامەنه‌تۆ و ڕێخستن و ئالیێن سیاسییێن باشوور کوردستانێ باوه‌ریه‌که‌ تمام ب مافێ کێمنه‌ته‌وه‌یان هه‌یه‌.

ژ به‌ر هندێ ژی به‌شدارێن یه‌که‌م جڤینا پارلامەنه‌تۆیا کوردستانێ ئه‌ڤ یه‌ک وه‌که‌ مافه‌ک وان یێ ڕه‌وا قه‌بوول کر کو هه‌ر که‌سه‌ک زمانێ خوه‌ ب سه‌ربه‌ستی بکار بینه‌ و که‌سه‌ک ژی ژ ڤێ یه‌کێ عاجز نابه‌.

ژ ئالیه‌ک دن ڤه‌ ئه‌ڤ یه‌ک ده‌لیله‌ کو، ده‌ما مرۆڤ ڕێز و حورمه‌تێ ل هه‌ڤ و زمان و کولتورێن جودا بگره‌ ، هه‌ر تشت ساناھیتر دبه‌. ئه‌ڤ نیشانه‌کا هه‌ری به‌ر ب چاڤ یا پێکڤه‌ژیانێ یه‌. پێکڤه‌ژیانا نه‌ته‌وه‌، ئۆل و مه‌زهه‌بێن جودا ل باشوورێ کوردستانێ د قۆناخه‌که‌ گه‌له‌ک پێشکه‌فتی ده‌یه‌ و جیهان ژی شانازیێ ب کولتوورا پێکڤه‌ژیانا ل باشوورێ کوردستانێ هه‌یه‌ دکه‌ و د پلاتفۆرمێن ناڤده‌وله‌تی ده‌ ب هێژایی تێ نرخاندن.

خوه‌زی ئه‌ڤ چاندا هه‌ڤره‌ژیانا کو ل کوردستانێ هه‌یی، ل ترکیه‌، ئیرانێ و سوریه‌ ژی ھەبایە ود سه‌رێ خه‌لکێ ده‌ ئه‌ڤ وه‌ک پرسگرێک نەھاتبا دیتن.

ب تایبه‌تی ل ده‌وله‌تا ترکیه‌ کو ئه‌ڤ چه‌ند سالە ده‌وله‌ته‌ و دەزگەھێن وێ ده‌وله‌تێ جهێ خوه‌ گرتنە، لێ ل پارلامه‌نتۆیا وێ ده‌وله‌تێ ته‌حه‌موولا سووندخوارنا ب زمانێ کوردی کو ب ملیۆنان کورد ل باکورێ كوردستانێ پێ دئاخڤن بکه‌. تۆله‌رانس و ته‌حه‌موولا ترکییێ ل هه‌مبه‌ر چاند و زمانێن نه‌ ترکی سفره‌. تمام به‌روڤاژی ل باشوور کوردستانێ تۆله‌رانس و ته‌حه‌موول د قۆناخه‌که‌ گه‌له‌ک بلند دایه‌.

ل ڤێ ڤیدیۆیا کورت ته‌ماشه‌ بکن دێ فه‌رقا ترکیه‌ و باشوورێ کوردستانێ د وارێ ده‌مۆکراسیێ و ته‌حه‌موول و هه‌ڤدوقه‌بوولکرنێ ده‌ باش ب
ێ زانین.
دەما پارلامەنتەرا بەرێ لەیلا زانا ل پارلامەنتۆیا تركیێ سووند دخو و دەما پارلامەنتەرێن توركمەن ل پارلامەنتۆیا كوردستانێ سووند دخون

نووچە/ئانالیز
NH

نێرین / شیرۆڤە