كوردستانەكا ئازاد پێدڤی ب ئازادكرنێ نینە

ئه‌نجومه‌نا ئاساییشا هه‌رێما کوردستانێ د داخویانیه‌کێ دا دبێژه‌ کو مه‌دیا پارتیا کارکه‌رێن کوردستانێ (پەکەکە) ده‌ره‌وا دکه‌ و وێ نووچه‌یا پەکەکێ د مه‌دیا خوه‌ دا ڕاگه‌هاندیه‌ کو گۆایە، د کوشتنا سه‌رکرده‌یه‌کێ وان ده‌ سازیێن ئه‌منیێن هه‌رێما کوردستانێ ده‌ست هه‌بوویه‌ ڕه‌د دکه‌.

ئه‌نجومه‌نا ئاساییشا هه‌رێما کوردستانێ دبێژه‌ کو ب ڤێ نووچه‌یا چێکری و ژ ڕاستیێ دوور پەکاکا نکاره‌ وێ ڕاستیێ ڤه‌شێره‌ کو هه‌بوونا وێ ل باشوورێ کوردستانێ سه‌به‌بێ سه‌ره‌کی یێ ڕاکێشانا شه‌ر و نه‌ئارامیێ بۆ ناڤ هه‌رێما کوردستانێ یه‌.

د چه‌ند ڕۆژێ بۆری دا ل باشوورێ کوردستانێ سه‌رکرده‌یه‌کێ پاکاکێ (دیار خه‌ریب) ژ ئالیێ باله‌فرێن ترکیێ ڤه‌ هات کوشتن. ژ بۆنا کو پکک تۆمه‌تێن کوشتنا وی سه‌رکره‌دیێ خوه‌ ژ خوه‌ دوور بکه‌، ده‌ستپێکریه‌ سازیێن ئه‌منیێن باشوور پێ تۆمه‌تبار دکه‌.

ته‌کستا داخویانیا ئه‌نجومه‌نا ئاساییشا هه‌رێما کوردستانێ:

داخویانیه‌ک ژ ئه‌نجومه‌نا ئاساییشا هه‌رێما کوردستانێ

د چه‌ند ڕۆژێن بۆری دا، هنده‌ک ژ مه‌دیا نێزیکی پەکەکێ، سازیێن ئه‌منیێن هه‌رێما کوردستانێ ب تۆمه‌ته‌کا نه‌روا تۆمه‌تبار دکن کو گۆایه‌ د کوشتنا سه‌رکرده‌یه‌کێ وان ده‌ ده‌ست هه‌بوویه‌، مخابن چه‌ند سازیێن ڕاگه‌هاندنێ ل ناڤخوه‌ ژی، ژ بۆنا مفایێن خوه‌ یێن سیاسی، ئه‌ڤ تۆمه‌تێن بێ ئه‌ساس زێده‌تر مه‌زن کرن.

ئه‌م، ل ئه‌نجومه‌نا ئاساییشا هه‌رێما کوردستانێ، ب تمامی وێ نووچه‌یێ ڕه‌د دکن. ته‌ڤی ڤێ ژی ئه‌ڤ نووچه‌یێن ڕاگه‌هندانا چه‌واشه‌کار نکاره‌ وێ ڕاستیێ ڤه‌شێرن کو هه‌بوونا پاکاکێ ب ڤی ئاوایێ نها ل هنده‌ک ده‌ڤه‌رێن هه‌رێما کوردستانێ سه‌به‌بێ سه‌ره‌که‌ یه‌ ژ بۆنا ڕاکێشانا شه‌ر و نه‌ئارامیێ ژ بۆ ناڤ هه‌رێمێ. ئه‌ڤ چه‌ند ساله‌ پەکەکە ڕێگریێ ل ئاڤادانکرنا زێده‌تر ژ هه‌شت سه‌د گوند و ئاڤاهیان ل هه‌رێما کوردستانێ دکه‌. مخابن، ڤێ داویێ ژی چه‌کدارێن پەکەکێ خوه‌ خستیه‌ ناڤ گوند و ئاڤاهیان و ب ڤی ئاوایی هه‌ڤوه‌لاتیێن سڤیل دبن قوربانا پێکدادانێن ناڤبه‌را پەکەکێ و ترکیه‌یێ دا.

ئه‌م جاره‌کا دن ته‌کید دکن کو هه‌موو سیسته‌ما ئیداریا هه‌رێما کوردستانێ كو به‌رپرسیاره‌ ژ پاراستنا ئاساییشا هه‌ڤوه‌لاتیان، دژی ڤێ ساسه‌تا پەکەکێ یه‌ و ئه‌م ژ وان داخاز دکن کو پرسگرێکا خوه‌ ببن مه‌یدانا خوه‌ یا ڕاسه‌قێنه‌ و ئه‌م وێ ڕاستیێ به‌رچاڤ دکن کو کوردستانه‌که‌ ئازاد پێویستی ب ئازادکرنێ نینه‌.

دڤێ هه‌موو ئالی حورمه‌تێ ژ سه‌روه‌ریا هه‌رێمێ و سازیێن وێ یێن شه‌رعی بگرن و به‌رژوه‌ندیێن هه‌ڤوه‌لاتیێن هه‌رێما کوردستانێ به‌رچاڤ بگرن. ئه‌م ژ هه‌موو هێزێن هه‌رێمی داخواز دکن کو پرسگرێکێن خوه‌ ب ئاشتیانه‌ چاره‌سه‌ر بکن و داویێ ب خوونرژتنێ بینن.

ئه‌نجومه‌نا ئاساییشا هه‌رێما کوردستانێ
2019.07.09

نێرین / شیرۆڤە