ناڤەرۆكا جڤینا بارزانی دگەل ئالیێن سیاسی

نێچیرڤان بارزانی سه‌رۆکێ هه‌رێما کوردستانێ، ل باژارێ ھەولێرێ ل ئاڤاھیا سەرۆكاتیا ھەرێما كوردستانێ، رۆژا 2021.04.08،  د گه‌ل هێز و ئالیێن سیاسیێن باشوورێ کوردستانێ جڤیا و د جڤینێ دا تەئكید ل سەر یەكرێزی و یەكدەنگیا ناڤمالا كوردی ھاتە كرن.

ڕه‌وشا ئیراق و ناڤچه‌یێ، په‌یوه‌ندیێن هه‌رێما کوردستانێ د گەل دەرڤە، سه‌ردانا سه‌رۆک نێچیرڤان بارزانی یا فرانسایێ، ڕۆلا هه‌رێما کوردستانێ د هه‌ڤکێشه‌یێن سیاسیێن نوو دا، په‌یوه‌ندیێن د ناڤبەرا ھەولێر و بەغدایێ دا، دیالۆگا ستراته‌ژیا ئەمریكا – ئیراق و به‌شداری و ڕۆلا هه‌رێما کوردستانێ د وێ دیالۆگێ دا، هلبژارتنێن پێشوەختێن ئیراقێ، ڕه‌وشا ناڤخوەیا باشوورێ كوردستانێ و تێكەلیێن د ناڤبه‌را پێکهاتە و ئالیێن سیاسی  دا د جڤینێ دا هاتن گوفتووگۆ کرن.

ئالیێن ژ بۆ جڤینێ ھاتین ڤەخواندن و بەشدار د جڤینێ دا دەستخوەشی ل نێچیرڤان بارزانی كرن كو ھەموو رێخستن و ئالیێن سیاسی ئینان با ھەڤ كو ب ھەڤرا ل سەر پرسگرێكێن گەرم د رۆژەڤا كوردستانێ و ھەرێمی دا دیتنێن خوە بێژن. د ئەتمۆسفەرەكی ئاشكەرا و ڤەكری دا گۆتوبێژ ل سەر ھەموو مژاران ھات كرن و ھەموو ئالیان ب ھەڤرا تەئكید ل سەر گرنگیا یەكرێزی، یەكدەنگی و تێگەھشتنا د ناڤبەرا ئالیێن سیاسی دا ژ بۆ چارەسەركرنا ھەموو پرسگرێكان كر.

په‌ژراندنا یاسایا بودجه‌یا ئیراقێ یا سالا 2021ێ   وەك پێنگاڤەكا ئه‌رێنی  به‌ر ب پێشڤه‌چوونا تێكەلیێن د ناڤبه‌را هه‌رێما کوردستان و حکومه‌تا فه‌ده‌رالیا ئیراقێ دانه‌ وەسف كر و هێڤی خوه‌ستن یاسایا ناڤبۆری ب دروست بھێتە جێبجێكرن و کارڤه‌دانه‌کا‌ ئه‌رێنی ل سه‌ر ژیان و گوزه‌رانیا وه‌لاتیان و ڕه‌وشا ئابۆریا ئیراق و هه‌رێما کوردستانێ هه‌بە و ژ بۆ چاره‌سه‌رکرنا کێشه‌یێن د ناڤبه‌را هه‌ر دو ئالیان دا .ل سه‌ر بنگه‌ها ده‌ستوور و د چارچۆڤەیا سیسته‌ما فه‌ده‌رالی دا ڕێخوه‌شکه‌ر بە

د جڤینێ دا ھەموویان ب یەك دەنگ گۆتن کو ڕه‌وشا نها یا هه‌رێما کوردستانێ، بدەستڤەئانینا  مافێن ده‌ستووری یێن خەلكێ باشوورێ كوردستانێ، پاراستنا ده‌ستکه‌فتان و پێنگاڤ ئاڤێتن بەر ب باشەرۆژەكا باشتر و گەشتر پێدڤی ب پێکڤه‌کارکرن، هه‌ڤبه‌شی، یەكدەنگی و یه‌کرێزیێ ھەیە

 پرۆسه‌یا چاکسازی و کارکرن  ژ بۆنا باشترکرنا ده‌بارا وه‌لاتیان و پێویستیا پاراستنا ئازادیان و ئازادیا ڕاده‌ربرینێ و دانینا چاچۆڤەیەك و مه‌کانیزمه‌کێ ژ بۆ به‌رده‌وامیا ڤان جڤینان . سه‌رۆک نێچیرڤان بارزانی سپاسیا هێز و ئالیێن سیاسی کر كو ڤەخوەندنا وی قەبوول كرن و بەشداری جڤینێ بوون ‌ و دوپات کر کو ئێكانە‌ ڕێیا ده‌رباسکرنا کێشه‌ و قه‌یرانان، پاراستنا ماف و ده‌ستکه‌فتان، پاراستنا پێگه‌ها ده‌ستوور و فه‌ده‌رالیا هه‌رێما کوردستانێ ته‌بایی و پێکڤه‌یی و یه‌کرێزییه‌، سه‌رۆکایه‌تیا هه‌رێما کوردستانێ ژی ژ بۆنا ڤان ئارمانجان  به‌رده‌وام دبە و وەك سێوان و که‌پرا کۆمکرنا هه‌مویان دمینه‌

نێرین / شیرۆڤە