نیچیرڤان بارزانی سالەك سەرۆكاتی

ئەڤە سالەك ب سەر سووندخورنا نێچیرڤان بارزانی وەكە سەرۆكێ ھەرێماكوردستانێ را دەرباس بوو. نێچیرڤان بارزانی ل ژێر درووشمێ “سەرۆكەك ژ بۆ ھەموو كوردستانیان” سوند خوار و دەست ب كارێ خوە كر. د ناڤا ڤێ سالێ دا ئەڤ درووشمێ خوە ب كریان سەلماندیە و ئانكۆ درووشمێ خوە كریە كریار.

نێچیرڤان بارزانی ل ناڤخوە و دەرڤە ب ھێزا نەرم تێ ناسكرن، گەلەك ب شارەزایی و دپلۆماسی دكارە ناكۆكیان چارەسەر بكە و پرسگرێكا ڤەكە ب ئاوایەكی ھەموو ئالیان رازی بكە.

نێچیرڤان بارزانی رۆلەكا گەلەك مەزن ھەبوو د یەكرێزی و یەكدەنگیا كوردان ل بەغدایێ. ژ بۆنا پێكئانیا یەكرێز و یەكدەنگیا كوردان ل بەغدایێ چەند جاران پارلەمەنتەرێن كورد، وەزیر و بەرپرسێن كورد یێن بەغدایێ ڤەخواندن سەرۆكاتیا ھەرێما كوردستانێ د چەند جڤینەكا دا چەند بریارێن د بەرژەوەندیا ھەرێما كوردستانێ دا دان.

نێچیرڤان بارزانی رۆلەك مەزن ھەبوو د یەكرێزی و رێكخستنا ناڤمالا كوردی ل باشوورێ كوردستانێ و ژ بۆنا ڤێ چەندێ ژی چەند جاران سەرۆكێ پارتیێن باشوور یێن بەشدار د حكومەتێ دا وو یێن دەرڤەیێ حكومەتێ و ھەموو پێكھاتەیێن دن ل سەرۆكاتیا ھەرێما كوردستانێ كۆم كرن، پشتی چەند جڤینان چەند بریارێن گرنگ د بەرژەوەندتا پاراستنا یەكرێزیا ناڤمالا كوردی ھاتندان.

ھەروەسا ب دەستپێشخەریا نێچیرڤان بارزانی چەند جاران ھەر سێ سەرۆكاتی ل سەرۆكاتیا ھەرێما كوردستانێ جڤیانە و ژ بۆ باشتركرنا رەوشا سیاسی و ئابۆریا ھەرێما كوردستانێ چەند پێنگاڤ ھاڤێتنە.

نێچیرڤان بارزانی رۆلەك بەر ب چاڤ د ئاشتیا ناڤبەرا تەڤدەم و ئەنەكەسێ دا ل رۆژاڤایێ كوردستانێ ھەبوو. بەری دەستپێكركنا ھەڤدیتنێن تەڤدەم و ئەنەكەسێ، چەند جاران نێچیرڤان بارزانی و مەزلووم عەبدی پەیوەندی ب ھەڤ كریە و ل سەر چەند خالان ل ھەڤ كریە و ھەڤدیتن د بن سەرپەرشتیا ئەمریكا و ھێزێن ھەڤپەیمانان دا بەردەوامن.

د ئاڤاكرنا كابینەیا نوو یا حكومەیا عیراقێ ب سەرۆكاتیا مستەفا كازمی دا رۆلەك مەزن ھەبوو. ھەر ژ رۆژا كاندیدكرنا مستەفا كازمی ژ بۆ سەرۆكوەزیرتیێ نێچیرڤان بارزانی یەكسەر د پەیامەكێ دا پشتەڤانیا خوە ژ بۆ كازێ دیار كر و ئەڤ بوو ئەگەرەك سەرەكە كو كابینەرا كازمی بسەركەڤە و ل پارلەمەنا عیراقێ دەنگێن پێویست بینە.

وەكە تێ زانین نێچیرڤان بارزانی رۆژا 2019.06.10 سووندا یاسایێ خوار و بوو سەرۆكێ ھەرێما كوردستانێ

نێرین / شیرۆڤە