پدك دڤێ ل سلێمانیێ چ بكە

پارتیا دەموقراتا كوردستانێ (پدک) رۆژا 23.09.2018 د چه‌رچۆڤا پرۆپاگانده‌یێن هلبژارتنان ده‌ ل باژارێ سلێمانیێ متینگه‌کی دكە. پدک دێ د ڤێ متینگێ ده‌ به‌ربژێرێن خوه‌ یێن پارله‌مه‌نتۆیا کوردستانێ یێن باژارێ سلێمانیێ بده‌ ناساندن و به‌حسا پرۆژه‌یێن پێشه‌رۆژێ دکه‌.ل دارخستنا متنگه‌کی ب ڤی ئاوایی ل سلێمانیێ گرنگه‌. ژ ئالیه‌ک دن پێویسته‌ کو پدک گرانیه‌ک تایبه‌ت نه‌ ته‌نێ د ده‌ما هلبژارتنان ده‌ هه‌ر پشتره‌ ژی بده‌ سلێمانی، هه‌له‌بچه‌ و ده‌ڤه‌را گه‌رمیان. پدک دڤێ هه‌وله‌ک مه‌زن بده‌ کو راستیا (ینک) ێ، گۆران و ئه‌و ئالیێن ل ڤێ ده‌ڤه‌رێ سه‌رده‌ستێن ژ خه‌لکێ کوردستانێ ره‌ بده‌ ناساندن.سلێمانی هنده‌ک جارا داخواز کریه‌ کو ژ هه‌رێما کوردستانێ ڤه‌قه‌ته‌، د ده‌ما ره‌فه‌راندومێ و پێڤاژۆیا پشتی ره‌فه‌راندومێ، سلێمانی وه‌ک نه‌ به‌شه‌ک ژ کوردستانێ بوو، حه‌ره‌که‌ت دکر.دڤێ راستیا سلێمانی و ده‌ڤه‌رێ باش بێ تێگهاندن و پدک ل گۆرا ڤێ پرۆژه‌ک تایبه‌ت و خه‌باته‌ک پرالی ل سلێمانیێ بکه‌.تایبه‌تی خه‌لکێ ژ سلێمانیێ یێن ده‌ستهلاتداریا پدکێ ده‌ لازمه‌ گرانیا خه‌باتا خوه‌ یا سیاسێ بدن ده‌ڤه‌را سلێمانیێ. گه‌ره‌ک هه‌تا هلبژارتنا ڤان که‌سایه‌تان پرۆپاگاندا خوه‌ ل سلێمانیێ د ناڤا خه‌لکێ سلێمانیێ ده‌ گه‌له‌ک ب چالاکی بکن.ئه‌گه‌ر سلێمانی و ئه‌و ده‌ڤه‌ر بهێلن به‌رده‌ستێ سیاسه‌تێن نها ل ده‌ڤه‌رێ سه‌رده‌ست رۆژ ب رۆژ کوردستانبوونا ڤێ ده‌ڤه‌رێ کێم دبه‌ و به‌هتر به‌ر ب به‌غدایێ ڤه‌ دچه‌.

نێرین / شیرۆڤە