پەیاما پیرۆزباھیێ یا جەژنا رەمەزانێ

رێداكسیۆنا مالپەرا سبەھی، ب ھەلكەفتنا ھاتنا جەژنا رەمەزانێ، جوانترین و گەرمترین پیرۆزباھیان ل نڤیسكار، پشتەڤان، ھەڤكار و خاندەڤانێن خوە دكە و ھێڤیخوازە كو ھەموو رۆژێن وان ھەرتم خوەشی، شادی و بەختەوری بن و ژ ھەموو نەخوەشی و بەلایان دوور بن ب تایبەتی ژ ڤیرۆسا كۆرۆنایێ پاراستی بن.

ئەم ڤێ جەژنا رەمەزانێ ل ھەموو گەلێ كورد ل باكور، باشوور، رۆژھەلات و رۆژاڤایێ كوردستانێ، رەڤەندا كورد ل دەرڤەیی وەلاتی، مالباتێن شەھیدێن رێیا رزگاریا كوردستانێ و پێشمەرگەیێ مێرخاسێ كوردستانێ پیرۆز دكن.

ئەم ھێڤیدارین كو گەلێ مە ل ھەر چار پارچەیێن كوردستانێ د خەبات، بەرخوەدان و تەكۆشینا خوەیا ژ بۆنا ئازادیێ سەربكەڤە و ب مافێن خوە یێن نەتەوەیی شاد ببە.

كا چەوا ئەم ل ھەموو جەژن و ھەلكەفتان ھێڤی و داخواز دكن، ئەم ل ڤێ جەژنێ ژی، جەژنا رەمەزانێ یا پیرۆز، جارەكا دن ھێڤی و داخواز دكن كو گەلێ مە ب ھەموو پارتی، ھێز و رێخستنێن خوە ڤە، بەرژەوەندیێن خوە یێن حزبی و شەخسی بدن ئالیەكی و یه‌کێتیا خوه‌ یا نه‌تەوه‌یی ئاڤا بکن، ژ بەر كو ب ته‌نێ ئەم دکارن ب یه‌کده‌نگی و یه‌کرێزیێ ب سەر دژمن و داگیركەران دا سەربكەڤن و گەلێ خوه‌ ئازاد بکن.

د دەمەكێ دا كو گەلێ مە ڤێ جەژنێ پیرۆز دكە، رەوشا دەڤەرێ ب گشتی د ناڤ ئالۆزی و قەیرانا كۆرۆنایێ و قەیرانا ئابۆری دا دەرباس دبە و ھێڤیدارین ئەو گرژی و ئالۆزی و قەیران د خێرا گەلێ مەدا ب داوی بێن و وەلاتێ مە ژ ھەموو بەلا و نەخوەشیا دوور بكەڤە.

مالپەرا
www.sibehi.com

2020-05-23

نێرین / شیرۆڤە