ژ ھەر مالێ كورەك یان كچەك

رەڤاندنا زارۆكان ژ ئالیێ پارتیا كاركەرێن كوردستانێ  (پەكەكە) و رێخستن و گرۆپێن گرێداییی وێ ڤە بوویە دیاردەیەك و ھەر رۆژ نووچەیێن رەڤاندنا زارۆكێن د بن ژییێ 15 سالیێ دا بەر ب گوھێ مە دكەڤن.

 رۆژ دەرباس نابە كو قێری و ھەوارێن دایكێن دلسۆتی یێن زارۆكێن وان، جگەرا وان و كور و كچێن وان ژ بەر دلێ وان ھاتینە رەڤاند و بێشوونوار كرن گوھێ مە كون نەكەن.  

 دئ ڤان چەند رۆژێن بۆری ژی دا گەلەك زارۆكێن مالباتێن كورد ل رۆژاڤایێ كوردستانێ كو ژیێ وان د بن 15 سالیێ دایە ژ ئالیێ رێخستنا جوانێن شۆرەشگەر ڤە ھاتنە رەڤاندن و بێشوونوار كرن.

رێخستنا ب ناڤێ تەڤگەرا جوانێن شۆرەشگێر، رێخستنەكە سەر ب یەپەگێ/پەكەكێ ڤەیە، ل رۆژاڤایێ كوردستانێ  زارۆكێن كورد، كور و كچ، ژ گوندان، كولانێن باژاران و بەر دەرگەھێ دبستانان درەڤینە، د ناڤ رێزێن یەكینەیێن پاراستنا گەل (یەپەگێ) یان د ناڤ رێزێن یەكینەیێن پاراستنا ژنان (یەبەژە) دا چەكدار دكەن و ل دەڤەرێن دەرڤەیی ئاخا كوردستانێ شەری پێ دكەن.

جاكلین محەمد 14 سالی ل گوندكێ ملازێ سەر ب  كۆبانێ ھاتیە رەڤاندن. ل گۆر مالباتا وێ، جاكلین  چویە باوەرنامەیا خوە  ژ دبستانێ وەرگرە  لێ ل بەر دەریێ دبستانێ ژ ئالیێ چەكدارێن تەڤگەرا جوانێن شۆرەشگێر ڤە ھاتیە رەڤاندن و برنە ل باژارێ شەدادێ شەر پێ دكەن.

دایكا (دژوار) ی  ژی دبیژە كو كورێ وێ د بن 15 سالیێ دایە و چەكدارێن تەڤگەرا ناڤبۆری ئەو رەڤاندنە  و تەڤلی یەپەگێ كریە.  دایكا وی بانگ ل رایا گشتی، ھێزێن سوریا دەمۆكراتیك (ھەسەدە) و ب تایبەتی بانگ ل مەزلوم عەبدی  دكە كو ھاریھاریا وێ بكەن كورێ وێ ڤەگەرینن.

رۆنی داداری 10 سالیە ژ عامودێ یە، دایكا وێ دبێژە كو رێخسنا جوانێن شۆرەشگێر كەچا وێ رەڤاندنە و داخوازا ڤەگەراندا وێ دكە

جودی عەدنان  ژ قامشلۆیێ یە  14 سالیە ژ ئالیێ وێ تەڤگەرێ ڤە ھایە رەڤاندن.

دایكا جودی ژی وەكە ھەموو دەیكێن جەگەر شەوتی، یێن كو جەگەرا وان ژ بەر سینگا وان ھاتینە رەڤاندن و بەرزەكرن، ھەوار دكە و دبێژە”بلا كورێ من بەردن بلا كورێ من خاندنا خوە تمام بكە ل پۆلا نەھانە.”

 ئەڤ سەناریۆیا ئیرۆ ل رۆژاڤایێ كوردستانێ دوبارە دبە ھەر ئەینی وێ سەناریۆیێ یە یا كو د سالێن 80 یان دا پەكەكێ ل گوند، باژارۆك و باژارێن باكورێ كوردستانێ جێبجێ دكر ھەتا نھا بەردەوامە.

جھێ خوەزایی یێ زارۆكان مال و دبستانە نە قادێن شەری نە.

كا رێخستن و كۆمەلەیێن جڤاكا مەدەنی

كا رێخستن و كۆمەلەیێن پاراستنا مافێ زارۆكان

كا كۆمەلەیا مندالپارێزی

كا رەوشەنبیر  و سیاسەتمەدار

كا……….. كا…………. كا………………

چما دەنگ ژ كەسێ دەرناكەڤە و ڤێ تاوانا دەرحەق زارۆكان تێ كرن شەرمەزار ناكەن.

ئەوا ئیرۆ پەكەكە/یەپەگە دكەن، چەكداركرنا زارۆكێن د بن 18 سالیێ دا ل گۆر ھەموو یاسا و رێسایێن ناڤنەتەوەیی و نەتەوەیێن یەكگرتی قەدەخەیە و تاوانە.

NH

  2020.07.21

نێرین / شیرۆڤە