پەیاما سەرۆک بارزانی ب هەلکەفتا سالڤەگەرا ئەنفالێ
ب ناڤێ خوهدایێ مهزن و دلۆڤان
ئهنفال برینهکا کووره د دلێ ههموو گهلێ کوردستانێ دا. یهک ژ مهزنترین تاوانێن کو ژ ئالیێ دهستهلاتدارێن بهرێ یێن ئیراقێ ڤه ب ئاوایهکی سیستهماتیک و ئارمانجکری ل دژی گهلێ کوردستانێ هاته کرن. د ئهنجاما وان کریارێن نهمرۆڤانه دا، ١٨٢ وهلاتیێن کورد، بێیی کو چو تاوانهک کربن و تهنێ ژ بهر کوردبوونا وان، هاتن بێسهرووبهر و شههید کرن. ههروها، کیمیاباران، عهرهبکرن، دهرخستنا ب دارێ زۆرێ، گوههرتنا دهمۆگرافیک و وێرانکرنا ب ههزاران گوند و ههولدانا تێکبرنا ههموو بنگههێن ژیانێ ل کوردستانێ، بهشهکی دن یێ وان تاوانان بوو کو حکومهتا بهرێ یا ئیراقێ ل دژی گهلێ کوردستانێ ئهنجام داینه.
ئهنفال زۆرداریهکا پر مهزن بوو و د ههمان دهمێ دا دهرسهکا گرینگه ژ بۆ نفشێن نها و یێن پاشهرۆژێ کو نابه د بن چو شهرت و مهرجان دا بهێتە ژبیرکرن. پێویسته ئهڤ تاوان ل سهر ئاستا ناڤنهتهوهیی وهکه ژهنۆسید بهێتە ناسکرن و ل سهر ئاستا ئیراقێ ژی ئهو پشتراستی ههبه کو ئهڤ تاوان ل ههمبهری گهلێ کوردستانێ قهت دوباره نهبن. ههروها، ئهرکێ دهولهتا ئیراقێ یه کو زیانێن ئهنفال و وێ ژهنۆسیدا کو ل دژی ملهتێ مه هاتیه کرن، قهرهبوو بکه.
د بیرانینا سیه و ههشتهمین سالڤهگهرا کارهساتا ئهنفالێ دا، ههزار سلاڤ ژ بۆ گیانێن پاک یێن شههیدێن ئهنفالێ و ههموو شههیدێن کوردستانێ دشینین و ئهم ههڤبهشێ خهم و ئێشا مالبات و خزمێن سهربلند ئێن ئهنفالکریانن .
مهسعود بارزانی
۱٤ێ نیسانا ۲۰۲
