ئەو کەسێ پێکڤەژیان کریە تاپۆیا ڕەش
نڤیسینا: كاروان باعەدری
هەردەما بەحسێ رۆژئاڤایێ کوردستانێ دکەی، ژبلی مالوێرانیێ و گەفا نەمانێ، دیمەنێن کۆچکرنێ دئێنە پێشچاڤ، ڕاستە ل وێرێ ستاتۆیەک هەیە، ئینکار نائێتە کرن، بەلێ کیژ ستاتۆ، دڤێت تێبگەهین ل ساڵا ٢٠١١ێ وەرە شۆرەشا سووریا دەستپێکری، پشتی دەستپێكرنا شۆرەشێ رژێما سووری ب ئاوایەكێ دەمکییانە رۆژڤایێ کوردستانێ رادەستی پەیەدێ كر د بن پەردا پەکەکێ دا.
هەموو کوردەکی دلێ وی پێخۆشە کو پارچەکا کوردستانێ ئازاد ببە و چو گەف ل سەر نەبە، بەلێ ئەوا ل رۆژئاڤایێ کوردستانێ چێبووی، ئیدارەیا خۆسەر پەیەدێ هەست پێدکر ئەو دشێت وەک ڤاتیکان بە و هیچ گەفەک ل سەر نابن و خۆ بێ منەت دکر.
ژبلی پەیەدێ پارتێن دی یێن کوردستانێ، پەدەکەسێ و حزبێن دی یێن ناڤ ئەنجوومەنی نیشتیمانی کورد ل سووریا ” ئەنەکەسە” ساڵانەکە و ژ ساڵێن پینجیا وەرە خەباتێ ل وێرێ دکەن ب نەهجێ پارتی بەلێ پەیەدێ هیچ حسابەک بۆ وان نەدکر و هەموو بارەگایێن وان گرتن و سۆتن. پشتی ژدەستدانا عەفرین و گرێ سپی و سەرێ کانیێ ژ ئالیێ پەیەدێ ڤە، پێنگاڤێن ناڤبەرا ئەنەکەسە و تەڤدەمێ بەرەڤ کۆپیتکێ چۆن، سەرەرایی رێکەفتنێن دهۆک ١ و هەولێر ١ و ٢ ب سەرپەرشتییا سەرۆک بارزانی.
سەرۆکێ هەرێما کوردستانێ نێچیرڤان بارزانی پشتی هاتنا وی بۆ سەرۆکاتیا هەرێمێ، شیا سەرۆکایەتیێ بکەتە سەیوانەک و کۆمڤەبوونەکا سیاسیا هەموو پارچێن دی یێن کوردستانێ. نموونە ژی جیهان دبن گەفەکە مەزنا پەژیکا کۆرۆنایێ دا بوو، کوردستانێ ژی رێکارێن توند گرتنە بەر، سەرۆکێ هەرێمی تاقیگەیێن كۆرۆنایێ بۆ رۆژئاڤایی کوردستانئ هنارتن، و مەزلووم کۆبانی ب خۆە ژی سوپاسیا هەلویستێ سەرۆکێ هەرێمێ کر. نها ژی سەرۆکێ هەرێمێ کاراکتەرێ سەرەکیە و پێداگیرە بۆ ئاشتەوایی یا ناڤخۆەیا رۆژئاڤا دناڤبەرا تەڤدەم و ئەنەکەسێ دا د ئینسیاتیڤا مەزلووم کۆبانی دا. نها ژی قۆناغێن سیاسییێن باش هاڤیتینە، ئەڤەژی دێ ببە تاپۆییا رەش هەم ژ ڕوویێ جیۆپۆلتیکی و لەشکەری بۆ رۆژئاڤا، نموونەژی دشێت ئەو ئێرشا ل سەر رۆژئاڤا ژ ئالیێ گرۆپێن سەر ب تورکییاڤە راوەستینە و دشێت ئیدارەییەکا هەڤبەشا کوردی-کوردی دروست بکە، و هەرێما کوردستانێ و رۆژئاڤا ژی دشێن ببنە هێزەکە دی و باڵانسا سیاسی و نفوزا وێ بهێز ببە و ل گەل وەڵاتێن زلهێز ژی دێ هەلویستەکی جددی هەبیت.
“کۆدێ بەغدایێ”
نیچیرڤان بارزانی سەرۆکاتیا هەرێمێ کریە مەلبەندێ هزرو بیرێن ژهەڤجودایێن هەرێما کوردستانێ، هەموو ئالی ل وێرێ کۆمکرینە، ددەمێ راسپاردنا سەرۆکوەزیرەکی بۆ حکومەتا عێراقێ، نێچیرڤان بارزانی هەموو ئالی کۆمکرن بۆ ئێکگۆتاریا کوردان بەرامبەر بەغدا و هەموو مەلەف دئێک پاکێج دا کۆمکرن، هەر ژ محمەد تۆفیق عەللاوی و عەدنان زورفی و مستەفا کازمی ژی گەهشتە وێ راستیێ کو کوردان ئێک ئارستێ سیاسی هەیە، د پشتگیریکرنا کازمی ژی دا ب ئەگەرێ وێ سیاسەتێ بەغدا نەشیا ب مەرجان ل سەر کوردان ب سەپینە، ئەڤەژی ڤەدگەرە بۆ کۆمکرنا ئالیێن سیاسی ل سازییا سەرۆکایەتییا هەرێما كوردستانێ.
2020.05.31
