سیاسی

بارزانی: ئەو تاوان بێ سزا ب سەر وان دا دەرباس نابە

د مەدیایێ دا نووچەیەك ھاتیە بەلاڤ كرن كو ھژمارەكا چەكدارێن حەشدا شەعبی و پۆلیسێ عیراقێ ل خالا كۆنترۆلا پردێ دەستدرێژی ل سەر ژنەكا كوردا كەركووكێ كریە، كو ئەو ژن كێمئەندام و ژ مالباتەكا ھەژار و كێمدەرامتە.

سەرۆك مەسعوود بارزانی، ل سەر ڤێ بوویەرا كرێت و قرێژ ژ رایا گشتی را پەیامەك دا و دبێژە كو بلا چ که‌س و ئالیه‌ک وسا هزر نه‌که‌ کو تاوانێن ب ڤی ئاوایی دێ ب سه‌ر وان دا بێ سزا ده‌رباس ببن یان ژی دێ چاڤێ خوە ل سەر وێ تاوانێ گرن.
بارزانی دبێژە ئەڤ تاوانەكا گەلەك مەزنە ل ژێر سھا ئیدارە و واقعێ سەربازیێ خوە ب زۆرێ ل سەر وێ دەڤەرێ سەپاندی دھێتە كرن و دڤێ حكومەتا عیراق و حكومەتا كوردستانێ ب ھووری ڤەكۆلینێ ل سەر وێ تاوانێ بكن و ئەنجامدەران بدەن دادگەھێ.

پەیاما سەرۆك بارزانی:

ب ناڤێ خوه‌دایێ مه‌زن و دلۆڤان

ئه‌ڤە چه‌ند ڕۆژه‌ نووچه‌یه‌ک د مەدیایێ دا به‌لاڤ بوویه‌ کو هه‌ژماره‌کا که‌سێن سه‌ر ب هێزێن حه‌شد و پۆلیسێن عیراقی ڤە ل نێزیکی بازگه‌ها پردێ ده‌ستدرێژی کرنه‌ سه‌ر ژنه‌کا کورد یا کێمه‌ندام كو ژ مالباته‌کا گه‌له‌ک هه‌ژار و بێده‌ستهلاتا سینۆرێ پارێزگه‌ها که‌رکووکێ یە.

داخوازێ ژ حکومه‌تا فه‌ده‌رال و حکومه‌تا هه‌رێمێ دکم ب هه‌ڤبه‌شی لێکۆلینه‌کا تمام ل ڤێ تاوانا كرێت بکن و ئه‌نجامده‌رێن وێ تاوانێ بھێنه‌ سزادان. ئه‌ڤە تاوان و زۆلمەكا گه‌له‌ک مه‌زنه‌ ل ھەڤوەلاتیەكا بێ پشت و پەنا یا کورد ھاتیە كرن ل ژێر سھا ئیداره‌ و واقعی سه‌ربازیێ ل سەرکه‌رکووکێ ھاتیە سەپاندن کو هه‌ر ژ ده‌ستپێکێ و هه‌تا نها ئه‌ڤ ده‌ستهلات ل سه‌ر وێ یەكێ ڕاهاتیه‌ ب ڕێیێن جودا-جودا دژایه‌تیا ھەڤوەلاتیێن کوردێن که‌رکووک و مافێن وان بکه‌.

بلا چ که‌س و ئالیه‌ک وسا هزر نه‌که‌ کو تاوانێن ب ڤی ئاوایی دێ ب سه‌ر وان دا ده‌رباس ببن یان ژی دێ چاڤێ خوە ل سەر گرن. ئه‌ڤ ده‌ستدرێژیه‌ شکاندنا که‌رامه‌تا نە ب تەنێ ھەڤوەلاتیێن كەركووكێ لێ یا هه‌موو کوردا یە و ئه‌نجامده‌رێن وێ بێوێژدانیێ دڤێ ب توندترین ئاوایی بھێنه‌ سزا دان.

مه‌سعوود بارزانی
2020.0410

Back to top button