بیرھاتنەك و سەرپێھاتیەك
ئه‌ڤە کامیران به‌درخان و گه‌نه‌رالێ جومهوریه‌تا ماهابادێ مه‌لا مستافا بارزانی نه. سال 1970ێ یە. ل چۆمان، ل گلاله. مه‌لا مسته‌فا ب 15 خالان ئۆتۆنۆمییێ ژ ناڤا چاڤێن دیکتاتۆرێن به‌غدایێ ب دارێ زۆرێ ده‌رخستیه و مافێ موختاریه‌تێ ستاندییه. ژ سلێمانیێ و که‌رکوک هه‌تا زاخۆ کوردستان د بن حکمێ کوردان دا یه.
کامیران به‌گ هاتییه پیرۆزباھیا مه‌لا مسته‌فا و پێشمه‌رگه‌یێن وییێن جانفیدا و قه‌هره‌مان. گاڤا میر کامیران ژ سه‌یارا خوه په‌یا دبە، مه‌لا مسته‌فا خێرهاتن لێ دده و ده‌ست داڤێ چه‌نته‌یێ میر. میرێ بۆتان خوه داڤێ چه‌نته لێ بارزانی چه‌نته ناده یێ و د̇بێژه: میرێ من هوون مێهڤانن. بهێله ئه‌م واجبا خوه یا مێهڤاندارییێ بیننه جھ. ئه‌ز پێشمه‌رگه‌یێ ته مه.”
میر دبێژه: “ ئه‌گه‌ر نه ژ به‌ر خونا پێشمه‌رگه‌یان با نوها ئه‌ز دکاریام بهاتامه سه‌رێ ڤی چیایی؟ ئه‌ڤ چیا، ئه‌ڤ دار و ده‌ڤی ده‌یندارێن پێشمه‌رگانن. ”مه‌لا مسته‌فا دبێژه: ” ڕاسته میرێ من. د سایا سه‌رێ پێشمه‌رگان دا ئه‌م گەهشتنه ڤێ قۆناغێ لێ، هوون مالباتا به‌درخانیان مه‌زنێن کوردستانێ نن. چه‌وا بێ پێشمه‌رگه نابیتن هه‌ر وسا بێ دیپلۆمات و خوه‌نده‌ڤانان ژی پێڤاژۆیا ئازادییێ ناگهێژە ئارمانجا خوه. ئه‌ڤ مه‌سه‌له گاڤا کو سالا 1971 ێ ئه‌ز 52 ڕۆژ ل منتیقا چۆمان مام، هه‌می که‌سی ڤێ گۆتوبێژێ قسه دکران. گاڤا دلێ مه‌زنێن کوردان ب مله‌تێن وان ڤەبە، خوه‌دێ شۆلێ وان ل هه‌ڤ تیە.
جه‌لاده‌د و کامیران 2 شه‌خسیه‌تێن ب سه‌رێ خوه بێ ئال و ئارتێش ل سه‌ر ڕاستییێ ته‌ختێن خوه د دلێ ملیۆن کوردان دا ب جھ کرن. جھێ وانا و هه‌موو شه‌هیدێن دۆزا وه‌لات جه‌ننه‌تا ڕه‌نگین به ئنشائه‌ڵا. …
چاڤکانی: ژ فێسبۆكا سینه‌مخان به‌درخان
