ھەمەرەنگ

داخوازا سەۆك بارزانی ژ ئالیێن سیاسی

سەرۆك بارزانی د پەیاما خوە یا ژ بۆنا پیرۆزكرنا جەژنا قۆربانێ دا دبێژە كو گەلەك تەحەدیێن‌ مه‌زن یێن سیاسی، ئابۆری و ته‌ندروستیێ رووبروویێ ھەرێما كوردستانێ بوونە‌ و ڤان تەحەدیان  گه‌له‌ک کێشه‌ و پرسگرێك د وارێ ‌ ئارامیا سیاسی و ژیانا خه‌لکێ کوردستانێ چێكرنە.

بارزانی داخوازێ ژ ھەموو ئالیێن سیاسیێن کوردستانێ دكە کو ژ بۆنا به‌رژه‌وه‌ندیێن بلندێن وه‌لات و ژ بۆ چاره‌سه‌رکرنا گرفتان و ده‌رباسکرنا کێشه‌یان د گه‌ل هه‌ڤدوو ڕوونن.

سەرۆك بارزانی ب بیر تینە كو ب ته‌بایی و یه‌کرێزیێ پرسگرێك‌ باشتر چاره‌سه‌ر دبن و ده‌ستکه‌فتێن مه‌زن ژ بۆ گه‌لێ مه‌ ب دەستڤە دھێن‌ و داخوازێ ژ هه‌موو ئالیێن سیاسی دكە كو ل ئاستا پێشبینیێن خه‌لکێ کوردستانێ .

تێكستا پەیاما سەرۆك بارزانی

ب ناڤێ خوه‌دایێ مه‌زن و دلۆڤان

ب هه‌لکه‌فتا جه‌ژنا قوربانێ یا پیرۆز، ئەز گه‌رمترین پیرۆزباهیێن خوه‌ پێشکێشی مسلمانێن کوردستان، عیراق و هه‌موو جیهانێ دکەم. پیرۆزباهیێ ل مالباتێن سه‌ربلندێن شه‌هیدان و پێشمه‌رگه‌یێن قه‌هره‌مان و هه‌موو وه‌لاتیێن خوه‌شتڤی دکەم و ئەز هێڤیدارم ئه‌ڤ جه‌ژن ژ بۆ کوردستان، عیراق و ھەرێما مه‌، ببە جهێ خوه‌شی، به‌ره‌که‌ت و ئاشتیێ.

د ده‌مه‌کێ دا ئەم پێشوازیێ ل ڤێ جه‌ژنا پیرۆز دکن کو گه‌لێ مه‌ د گەل گەلەك تەحەدیێن‌ مه‌زن یێن سیاسی، ئابۆری و ته‌ندروستیێ رووبروو بوویه‌. ئه‌ڤ ئەحەدی چاڤکانیا گه‌له‌ک ژ وان کێشه‌ و گرفتانە یێن كو ‌ کو ئارامیا سیاسی و ده‌بار و گوزه‌رانیا خه‌لکێ کوردستانێ دکەنه‌ ئارمانج.

ژ بۆنا ده‌رباسکرنا ڤان تەحەدیان و ڤێ ڕه‌وشا دژوار، ئه‌رکێ مه‌ هه‌موو ئالیانە‌ کو به‌ره‌ڤ ته‌بایی و برایه‌تی و کارێ هه‌ڤبه‌ش و کوورکرنا چاندا پێکڤه‌ژیانێ پێنگاڤان باڤێژین. تەڤی كو ئەز گه‌له‌ک سپاسیا خوه‌راگریا خه‌لکێ کوردستان دکەم کو ل هه‌موو قۆناغان ته‌حه‌مولا دژواری و گه‌فان کریه‌، جه‌ژنا پیرۆزا قوربانێ ژی ب ده‌رفه‌ت دزانم کو داخواز ژ ئالیێن سیاسیێن کوردستانێ بکەم کو ژ بۆنا به‌رژه‌وه‌ندیێن بلندێن وه‌لات و ژ بۆ چاره‌سه‌رکرنا گرفتان و ده‌رباسکرنا کێشه‌یان د گه‌ل هه‌ڤدوو ڕوونن.

ئەڤ یەك ژی ھەرتم ل بیرا مە بە کو ب ته‌بایی و یه‌کرێزیێ پرسگرێك‌ باشتر چاره‌سه‌ر دبن و ل ژێر سیبەرا پێکڤه‌یی و یه‌کرێزیێ دا ده‌ستکه‌فتێن مه‌زن ژ بۆ گه‌لێ مه‌ ب دەستڤە ھاتنە‌. ئەز پشتراست دبێژم كو ‌ خه‌لکێ کوردستانێ ژی هه‌ر ڤێ یەكێ‌ ژ ئالیێن سیاسی پێشبینی دكە. ژ بەر ھندێ داخوازێ ژ هه‌موو ئالیێن سیاسی دكەم كو ل ئاستا پێشبینیێن خه‌لکێ کوردستانێ دا بن و د هه‌مان ده‌مێ دا‌ ژی چاندا بلند و زنگینا کورده‌واریێ ل به‌ر چاڤان بگرن و خوه‌ ژ گۆتارێن زڤر و ئالۆز و نه‌هێژا ل ھەمبەر هه‌ڤدوو بپارێزن.

د ڤێ هه‌لکه‌فتا پیرۆز دا جهێ خوه‌ دایه‌ كوسپاسیا که‌دا کارمه‌ندێن ته‌ندروستیێ، پێشمه‌رگه، ئاساییش، پۆلیس و ڕاگهاندنێ بکەم کو د ڤێ ده‌ما ڤیرۆسا کۆرۆنایێ دا كو هه‌رێما کوردستانێ ڤەگرتیە‌ ژ بۆ ھاریكاریكربا خه‌لکی و ب جیهکرنا ڕێکارێن ساخلەمیێ و هشیاریێن ته‌ندروستیێ دا ئه‌رک و که‌ده‌کا زێده‌ دانە.

جه‌ژنا هه‌موو ئالیان پیرۆز بە و هێڤیا به‌خته‌وه‌ری و خوه‌شیێ ژ بۆ وه‌ دخوازم.

مه‌سعود بارزانی
2020.07.30

Back to top button