سیاسی

دخوازە جومهوریه‌تا ده‌مۆکراتیک ئاڤا بكە

ئەحمەد تورک د ده‌ربارێ هلبژارتنێن هه‌رێمی ده‌، دا خوویاکرن کو، سه‌رۆک کۆمارێ تركێی پارتیا جهپێ دترسینه‌. تورک د ده‌ربارێ هلبژارتنێن هه‌رێمی و تفاقا د ناڤبه‌را ئاکپێ و مهپێ ده‌ دبێژه‌، ڤان هه‌ردو پارتیان ب تفاقا چێکرین چه‌ند کورسیێن زێده‌ د پارله‌مه‌نتۆیێ ده‌ بده‌ستڤه‌ ئانین. لێ د قادا ناڤنه‌ته‌وی ده‌ و ڕه‌وشا دارایی و جڤاکی ده‌ به‌رسڤا هێڤیێن خه‌لکێ نه‌دان.

د ده‌ربارێ جهپێ ده‌ تورک گۆت: دڤێ جهپ ماف و ئازادیا بپارێزه‌، ژ بۆ ترکیه‌ بگە ده‌مۆکراسیێ دڤێ جهپ گاڤان باڤێژه‌. تورک به‌رده‌وامیا داخوویانیا خوه‌ ده‌ دبێژه‌ سه‌رۆک کۆمار ڤان ڕۆژان ب داخوویانیێن دده‌ جهپێ دترسنه‌. سه‌رۆک کۆمار دبێژه‌ جهپ مل دده‌ ملێ ته‌رۆرستان، ب ڤێ به‌هسا مه‌ دکه‌. سه‌رۆک کۆمار زانه‌بوون ڤێ دکه‌ دا کو نه‌هله‌ جهپ نێزکی مه‌ ببه‌.

ژ ئالیه‌ک دن ڤه‌ ئەحمەد تورک دبێژه‌: دڤێ ئه‌م، ده‌مۆکرات و سۆسیالست مل بدن هه‌ڤ دا کو بکاربن جومهوریه‌تا ده‌مۆکراتیک ئاڤا بکن و ترکیه‌ ژ ڤێ ڕه‌وشا خراب خلاس بکن. به‌رده‌وامیا ئاخاڤتنا خوه‌ ده‌ تورک دبێژه‌ هه‌رکه‌سێ کو خوه‌ کورد دبینه‌ د ڤێ ده‌ربارێ ده‌ به‌رپرسیاری دکه‌ڤه‌ سه‌ر ملێ وان:

به‌رپرسیاری دکه‌ڤه‌ ل سه‌ر ملێ هه‌ر پارتیه‌ک کو دبێژه‌ ئه‌ز پارتیا کوردانم. ئه‌م دخوازن هه‌رکه‌س ب ڤێ زانه‌بوونێ ته‌ڤبگه‌ره‌. ئه‌ز ئیرۆ نه‌ به‌رپرسه‌ک ڤێ پارتیێ مه‌ ئه‌ز کورده‌کم و سیاسه‌تمه‌دارم. ژ بۆ داهاتویه‌ک هه‌ڤبه‌ش و ده‌مۆکراتیک دڤێ ئه‌م د جهه‌کی ده‌ بگهن هه‌ڤ…. دو ئه‌رکێن مه‌ یێن گرنگ هه‌نه‌. یه‌که‌م: دڤێ ئه‌م ل هه‌رێمێن کوردا هه‌موو نه‌خوه‌شیان ژ هۆلێ ڕاکن و ژ بۆ ڤێ ژی ته‌کۆشینه‌ک هه‌ڤبه‌ش یا ده‌مۆکراسیێ پێوسته‌، ئه‌ڤ ژی به‌رپرسیاریا مه‌یه‌. دویه‌م: دڤێ ل ترکیه‌ ژی ل گه‌ل هێزێن ده‌مۆکرات ئه‌م جڤاته‌ک ده‌مۆکراتیك ئاڤا بکن. ئه‌گه‌ر ئه‌م ئیرۆ ژ سیاسه‌تا هه‌یی نه‌ مه‌منونبن دڤێ ئه‌م ڤێ یه‌کێ بکن.

Back to top button